LUK 7
7
Jisu Rom Sipahi Sabii Ka Miira mi Miipya Biido
(Mt 8.5-13)
1 #
Mt 8.5-10,13; Jn 4.46-53. Mohka hikha kolobiisie mi luja kulala miyu tala danii atañ kokii mo Keparnam ho ahtii. 2Siisi sipahi sabii ko mohka heniiñ miira ako dutii, hii achihla ho shiipa miitiiku. 3Mo Jisu mi tapa lala, mo Jew hokii amiabañ atañmi mohko kiiniñtii, mohmi ahla ho mohka miira mi miipya tope lungepe hiila. 4Ho mohlu Jisu ko ahbiila, mohlu hempḛr uropa yarbiido, lubiidola, “Mo khiiniiñpa lyidoke nohlo siimi mohpa miiko dupa, 5#Miin 10.2. niimpalukoda mo ngunu ganda mi hendo, ho mo ngunuka sinagog mi pembi.” 6Ho Jisu mohluka agiñho imbo montii. Mo ude hokiila ano adho kumatii, sipahi sabii mohka ajiñmi mohko kiiniñtii, mohmi lubiidola, “Attoh, no atohmi renge miipa siiyo, niimpalukoda ngo nohlo ngiika ude ho ako dupa khiiniiñpa lyimake; 7hopa ngotiirḛ niiko ahdo pa khiiniiñpa lyima. Hojalo aguñpa ludatope, ho ngiika miira mi miipya kenda doke. 8Niimpalukoda ngotiirḛ ngiimika otority yako dadu, ngiika ura ho sipahi mi dagiila: ho ngo kone mi ludu, ‘Inge,’ ho mo indu; ho koneyami, ‘ahto,’ ho mo ahdu; ho ngiika miirami, siimi miito, ho mo hiimi miidu.” 9Siimi Jisu tapa lala mo mohmi hemurtii, ho mokur biila mohmika imbo monii miyu atañmi lutii, “Ngo nunumi lukoso, Isrel hotiirḛ ngo sitañ henjenii kapama.” 10Ho hiika mohkoka kiiniñ konii atañ ude ho ahbii kukele, mohlu miira mi hempyo dokupa kappa biidoku.
Jisu Hiimie ka Oho mi Turdo kupa Miibiido
11 #
Mk 5.21-24,35-43; Jn 11.1-44. Nyibyaloda hiikahiiba ho mo Nain luniiñ citi ho intii, ho mohka henjeajiñ atañ la hempḛr miyu taro mo agiñho imbotii. 12Mo citi ka hagya aruñho ahchi kiile, kato, miyu koneka shiima mi joliñ biitii, mo annii ka hiiro kone kontii tii, ho mo hiimie kone; ho citi hoka hempḛr miyu taro mo agiñho dabotii. 13#Lk 7.19; 10.1; 11.39; 12.42; 13.15; 17.5-6; 18.6; 19.8; 22.61; 24.3. Ho Attoh mohmi kappa lala, mo mohmi aroh ritii ho mohmi lutii, “Kheyo.” 14Ho mo ahtii ho jobiinanii mi tennetii, ho jobiibo atañ adu mapa datii. Ho mo lutii, “Yapa atu, Ngo niimi ludu, gurito.” 15Ho shiinii miyu hii guritii, ho lurii ritii. Ho mo mohmi mohka annii mi bitiiku. 16#Lk 7.39; 24.19; Mt 21.11; Jn 6.14. Miilañru biiso nyatii; ho mohlu Pinii mi assañtii, lubiidola, “Hempḛr kaye nyibuhenii kone ngunu agiñho ahdo!” ho “Pinii mohka miyu atañmi kahatii!” 17Ho siika mo piigo mika lukoniiñ hii hikha Judia ho aruñare daka gandaho tapatatii patii.
Jon Baptisma Biniiboko hokiika Puyu bakobo Atañ
(Mt 11.2-19)
18 #
Mt 11.2-19. Jon ka henjeajiñ atañ mohmi hikha siika drih atañmi lukotii. 19Ho Jon, mohka henjeajiñ anye mi gyotii, mo anye mi Attoh ko kiiniñtii, lubiidola, “No peha hiika ahsabo, malo ngunu koneyami kalya talyi peha?” 20Ho miyuatañ mohko ahchibiila, mohlu lutii, “Jon Baptisma biniibo ngiinyi mi niiko kiiniñtii, lubiidola, ‘No peha hiika ahsabo, malo ngunu koneyami kalya talyi peha?’” 21#Mt 4.23; Mk 3.10. Hiika myodu jaho abuje achih-ahe ho doli achihnii atañmi ho diimmah yajiyallo atañmi mo miipya biido, ho abuje micha mitrḛ kappa dopa miitii. 22#Lk 4.18-19. Ho mo lusitii mo anye mi, “Inge ho lukohe Jon mi niinyi nii kappatii ho nii tapatii: micha kappa nyada ku, liicha indaku, tahikoya atañmi asetiiku, ho rubi tapa nyadoku, shiiniiñ turi nyadoku, arro atañmi aya puyu tonsḛr khenyotii. 23Ho lyanko kendo huna ngiimi cherii nyamanii.”
24Jon ka puyubakobo atañ inkukiile, mo miyu atañmi lurii ritii Jon ka piigomi: Niihmi nunu katepa siikhiisuru gandaho innyate? Pemu mika allyi heku niimiha? 25Hokoda nunu niihmi katepa intehe? Miyu koneka pulye bolyo giiniiñ miha? Kato, huna anokapyo abitarii giidonii ho pepolelo pa sanda nii hiika atañ radde ude hoke dudunii. 26Hokoda nunu niihmi katepa innyate? Nyibuhenii miya? Ḛh, ngo lukoso nunumi, ho nyibuhenii mi kayeyanii. 27#Mk 1.2. Siikasi hiike humina ketiinii,
Kato, Ngo ngiika puyubakobomi niimi kapyo yapa kiiniñ biilyi ke,
mo niika lembo mi miimyo bikiñdo niimi kapyo yapa.
28Ngo nunumi lukoso, nyimii loka wiinga bukonii atañ hokii Jon mi kaye yanii kone hetrḛ nyikiñma; hojalo huna Pinii ka raddeganda ho khiima japa danii hii mohmi kaye yake. 29#Mt 21.32; Lk 3.12. (Mohlu siimi tapa lala hikha miyuatañ la biijokajo myanii atañ Pinii mi assañ nyatii, Jon loka baptisma biko nyatiinii; 30hojalo Parisi atañ la dapo mika chiniiñ atañ tanyamatii Pinii nii piigopa mohlupa ahtii, mohlo baptisma biko mapa.)
31Siika santuñdaka miyuatañ siimi ngo nii mipe khiitiñ nanchinii, ho mohlu hu chuli dope? 32Mohlu himme chulido biijḛr lengo hoka dunii hiilyañ ho kone anyañ mi gyosula,
Ngunu niipa ellu bembitii, ho no nasu soma;
ngunu herula gyutii, ho no khebo moma.
33 #
Lk 1.15. Niimpalukoda Jon Baptisma biniibo ahla yatañ diima ho roalha tama; ho nunu luda, Mohko igii giidoke hiila. 34Miyu ka Oho diila tala ahtii; ho nunu luda, Kato, diiretanche ho owtanga nii, biijokajo myanii atañ la ingyamiigyanii atañka ajiñ! 35Hojalo chiniiñhii ludḛrkendo ke hikha mohka wiinga atañmi.
Jisu Parisi Saimon ka Ude ho
36 #
Mt 26.6-13; Mk 14.3-9; Jn 12.1-8. #Lk 11.37; 14.1. Parisi kone mohmi mo agiñho diibope hiila lubiido, ho mo Parisi ka ude ho intii, ho mo diigo diiko dubotii. 37Ho kato, citi daka nyimii kone, mo ingyamiigyanii kone, mo Parisi ka ude ho Jisu diigo diipa du hiila tapa lala, alabaster pinchu ho kutu biiliitii, 38ho mo kiiliñ ho mohka liipiñ aruñho dala, khetii, mo mohka milabiniiñ hii Jisu ka liipiñ mi juja giitii, ho hiimi mo mohka adiñdimu lo nyupa bitii, ho mohka liipiñ mi mochutii, ho hiimi arrḛyartiiku kutu lo. 39#Lk 7.16; 24.19; Mt 21.11; Jn 6.14. Siisi Parisi mohmi gyolii bo hiimi kappa lala, mo atoh lusutii, “Siika miyu si matiirḛ nyibuhenii koda, mo chinkiñdo si hu ho niihtañ nyimii hiila huna mohmi tene biidonii, niimpalukoda mo ingyamiigyanii kone.” 40Ho Jisu lusila mohmi lutii, “Saimon, Ngo niimi hang ako lusado.” Ho mo lusitii, “Hii nii, Tonsḛrbo?” 41“Tiicko nalyanii konekii nabiinii anye dutola; kone denarii langohe pagi giitii ho kone hii alyañlyangohe. 42#Mt 18.25. Mo anye bila kuma lyinii, mo anye rumi hello bitii. Siisi huyape uro yapa mohmi henkiñ donii?” 43#Lk 10.28. Saimon lusitii, “Kone, ngo hendo, humina mo abuyapa hello bitiinii.” Ho mo mohmi lutii, “No ludiko jaho ludo.” 44Hiikahiibaho annii akha kii dalyi mobo biila mo Saimon mi lutii, “No siika annii akha mi kappa duha? Ngo niika ude ho ahdu, no ngiimi yasie bima ngiika liipiñ pa, hojalo mo ngiika liipiñ mi mohka mila lo juja dopa miila lala ho hiimi mohka dimmulo nyupa biine. 45No ngiimi mochu ma, hojalo ngiika ahda bii jaho hokii mo ngiika liipiñ mi mochu mongoma. 46No ngiika dinta ho kutu nema, hojalo mo ngiika liipiñ mi arrḛyartiiku kutu lo. 47Hopa ngo lukoso niimi, mohka ingyamiigyanii atañ, hempḛr abu, hiimi hello bitiiku, niimpalukoda mo uroyapa hentii; hojalo huna lamapa hello kotiinii, lama pasu hensu dunii.” 48#Mt 9.2; Mk 2.5; Lk 5.20. Ho mo mohmi lutii, “Niika ingyamiigyanii atañmi hellotiikuke.” 49Ho hutiina diigo diiko mo agiñho dubo tiinii mohluka punkoho lusu nyatii, “Hupe si, ingyamiigyanii atañ lohe pa hello danii?” 50Ho mo lutii annii akha mi, “Niika henje ke niimi lyangur biinenii; chimie pa ingeku.”
Currently Selected:
LUK 7: APATBSI
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
LUK 7
7
Jisu Rom Sipahi Sabii Ka Miira mi Miipya Biido
(Mt 8.5-13)
1 #
Mt 8.5-10,13; Jn 4.46-53. Mohka hikha kolobiisie mi luja kulala miyu tala danii atañ kokii mo Keparnam ho ahtii. 2Siisi sipahi sabii ko mohka heniiñ miira ako dutii, hii achihla ho shiipa miitiiku. 3Mo Jisu mi tapa lala, mo Jew hokii amiabañ atañmi mohko kiiniñtii, mohmi ahla ho mohka miira mi miipya tope lungepe hiila. 4Ho mohlu Jisu ko ahbiila, mohlu hempḛr uropa yarbiido, lubiidola, “Mo khiiniiñpa lyidoke nohlo siimi mohpa miiko dupa, 5#Miin 10.2. niimpalukoda mo ngunu ganda mi hendo, ho mo ngunuka sinagog mi pembi.” 6Ho Jisu mohluka agiñho imbo montii. Mo ude hokiila ano adho kumatii, sipahi sabii mohka ajiñmi mohko kiiniñtii, mohmi lubiidola, “Attoh, no atohmi renge miipa siiyo, niimpalukoda ngo nohlo ngiika ude ho ako dupa khiiniiñpa lyimake; 7hopa ngotiirḛ niiko ahdo pa khiiniiñpa lyima. Hojalo aguñpa ludatope, ho ngiika miira mi miipya kenda doke. 8Niimpalukoda ngotiirḛ ngiimika otority yako dadu, ngiika ura ho sipahi mi dagiila: ho ngo kone mi ludu, ‘Inge,’ ho mo indu; ho koneyami, ‘ahto,’ ho mo ahdu; ho ngiika miirami, siimi miito, ho mo hiimi miidu.” 9Siimi Jisu tapa lala mo mohmi hemurtii, ho mokur biila mohmika imbo monii miyu atañmi lutii, “Ngo nunumi lukoso, Isrel hotiirḛ ngo sitañ henjenii kapama.” 10Ho hiika mohkoka kiiniñ konii atañ ude ho ahbii kukele, mohlu miira mi hempyo dokupa kappa biidoku.
Jisu Hiimie ka Oho mi Turdo kupa Miibiido
11 #
Mk 5.21-24,35-43; Jn 11.1-44. Nyibyaloda hiikahiiba ho mo Nain luniiñ citi ho intii, ho mohka henjeajiñ atañ la hempḛr miyu taro mo agiñho imbotii. 12Mo citi ka hagya aruñho ahchi kiile, kato, miyu koneka shiima mi joliñ biitii, mo annii ka hiiro kone kontii tii, ho mo hiimie kone; ho citi hoka hempḛr miyu taro mo agiñho dabotii. 13#Lk 7.19; 10.1; 11.39; 12.42; 13.15; 17.5-6; 18.6; 19.8; 22.61; 24.3. Ho Attoh mohmi kappa lala, mo mohmi aroh ritii ho mohmi lutii, “Kheyo.” 14Ho mo ahtii ho jobiinanii mi tennetii, ho jobiibo atañ adu mapa datii. Ho mo lutii, “Yapa atu, Ngo niimi ludu, gurito.” 15Ho shiinii miyu hii guritii, ho lurii ritii. Ho mo mohmi mohka annii mi bitiiku. 16#Lk 7.39; 24.19; Mt 21.11; Jn 6.14. Miilañru biiso nyatii; ho mohlu Pinii mi assañtii, lubiidola, “Hempḛr kaye nyibuhenii kone ngunu agiñho ahdo!” ho “Pinii mohka miyu atañmi kahatii!” 17Ho siika mo piigo mika lukoniiñ hii hikha Judia ho aruñare daka gandaho tapatatii patii.
Jon Baptisma Biniiboko hokiika Puyu bakobo Atañ
(Mt 11.2-19)
18 #
Mt 11.2-19. Jon ka henjeajiñ atañ mohmi hikha siika drih atañmi lukotii. 19Ho Jon, mohka henjeajiñ anye mi gyotii, mo anye mi Attoh ko kiiniñtii, lubiidola, “No peha hiika ahsabo, malo ngunu koneyami kalya talyi peha?” 20Ho miyuatañ mohko ahchibiila, mohlu lutii, “Jon Baptisma biniibo ngiinyi mi niiko kiiniñtii, lubiidola, ‘No peha hiika ahsabo, malo ngunu koneyami kalya talyi peha?’” 21#Mt 4.23; Mk 3.10. Hiika myodu jaho abuje achih-ahe ho doli achihnii atañmi ho diimmah yajiyallo atañmi mo miipya biido, ho abuje micha mitrḛ kappa dopa miitii. 22#Lk 4.18-19. Ho mo lusitii mo anye mi, “Inge ho lukohe Jon mi niinyi nii kappatii ho nii tapatii: micha kappa nyada ku, liicha indaku, tahikoya atañmi asetiiku, ho rubi tapa nyadoku, shiiniiñ turi nyadoku, arro atañmi aya puyu tonsḛr khenyotii. 23Ho lyanko kendo huna ngiimi cherii nyamanii.”
24Jon ka puyubakobo atañ inkukiile, mo miyu atañmi lurii ritii Jon ka piigomi: Niihmi nunu katepa siikhiisuru gandaho innyate? Pemu mika allyi heku niimiha? 25Hokoda nunu niihmi katepa intehe? Miyu koneka pulye bolyo giiniiñ miha? Kato, huna anokapyo abitarii giidonii ho pepolelo pa sanda nii hiika atañ radde ude hoke dudunii. 26Hokoda nunu niihmi katepa innyate? Nyibuhenii miya? Ḛh, ngo lukoso nunumi, ho nyibuhenii mi kayeyanii. 27#Mk 1.2. Siikasi hiike humina ketiinii,
Kato, Ngo ngiika puyubakobomi niimi kapyo yapa kiiniñ biilyi ke,
mo niika lembo mi miimyo bikiñdo niimi kapyo yapa.
28Ngo nunumi lukoso, nyimii loka wiinga bukonii atañ hokii Jon mi kaye yanii kone hetrḛ nyikiñma; hojalo huna Pinii ka raddeganda ho khiima japa danii hii mohmi kaye yake. 29#Mt 21.32; Lk 3.12. (Mohlu siimi tapa lala hikha miyuatañ la biijokajo myanii atañ Pinii mi assañ nyatii, Jon loka baptisma biko nyatiinii; 30hojalo Parisi atañ la dapo mika chiniiñ atañ tanyamatii Pinii nii piigopa mohlupa ahtii, mohlo baptisma biko mapa.)
31Siika santuñdaka miyuatañ siimi ngo nii mipe khiitiñ nanchinii, ho mohlu hu chuli dope? 32Mohlu himme chulido biijḛr lengo hoka dunii hiilyañ ho kone anyañ mi gyosula,
Ngunu niipa ellu bembitii, ho no nasu soma;
ngunu herula gyutii, ho no khebo moma.
33 #
Lk 1.15. Niimpalukoda Jon Baptisma biniibo ahla yatañ diima ho roalha tama; ho nunu luda, Mohko igii giidoke hiila. 34Miyu ka Oho diila tala ahtii; ho nunu luda, Kato, diiretanche ho owtanga nii, biijokajo myanii atañ la ingyamiigyanii atañka ajiñ! 35Hojalo chiniiñhii ludḛrkendo ke hikha mohka wiinga atañmi.
Jisu Parisi Saimon ka Ude ho
36 #
Mt 26.6-13; Mk 14.3-9; Jn 12.1-8. #Lk 11.37; 14.1. Parisi kone mohmi mo agiñho diibope hiila lubiido, ho mo Parisi ka ude ho intii, ho mo diigo diiko dubotii. 37Ho kato, citi daka nyimii kone, mo ingyamiigyanii kone, mo Parisi ka ude ho Jisu diigo diipa du hiila tapa lala, alabaster pinchu ho kutu biiliitii, 38ho mo kiiliñ ho mohka liipiñ aruñho dala, khetii, mo mohka milabiniiñ hii Jisu ka liipiñ mi juja giitii, ho hiimi mo mohka adiñdimu lo nyupa bitii, ho mohka liipiñ mi mochutii, ho hiimi arrḛyartiiku kutu lo. 39#Lk 7.16; 24.19; Mt 21.11; Jn 6.14. Siisi Parisi mohmi gyolii bo hiimi kappa lala, mo atoh lusutii, “Siika miyu si matiirḛ nyibuhenii koda, mo chinkiñdo si hu ho niihtañ nyimii hiila huna mohmi tene biidonii, niimpalukoda mo ingyamiigyanii kone.” 40Ho Jisu lusila mohmi lutii, “Saimon, Ngo niimi hang ako lusado.” Ho mo lusitii, “Hii nii, Tonsḛrbo?” 41“Tiicko nalyanii konekii nabiinii anye dutola; kone denarii langohe pagi giitii ho kone hii alyañlyangohe. 42#Mt 18.25. Mo anye bila kuma lyinii, mo anye rumi hello bitii. Siisi huyape uro yapa mohmi henkiñ donii?” 43#Lk 10.28. Saimon lusitii, “Kone, ngo hendo, humina mo abuyapa hello bitiinii.” Ho mo mohmi lutii, “No ludiko jaho ludo.” 44Hiikahiibaho annii akha kii dalyi mobo biila mo Saimon mi lutii, “No siika annii akha mi kappa duha? Ngo niika ude ho ahdu, no ngiimi yasie bima ngiika liipiñ pa, hojalo mo ngiika liipiñ mi mohka mila lo juja dopa miila lala ho hiimi mohka dimmulo nyupa biine. 45No ngiimi mochu ma, hojalo ngiika ahda bii jaho hokii mo ngiika liipiñ mi mochu mongoma. 46No ngiika dinta ho kutu nema, hojalo mo ngiika liipiñ mi arrḛyartiiku kutu lo. 47Hopa ngo lukoso niimi, mohka ingyamiigyanii atañ, hempḛr abu, hiimi hello bitiiku, niimpalukoda mo uroyapa hentii; hojalo huna lamapa hello kotiinii, lama pasu hensu dunii.” 48#Mt 9.2; Mk 2.5; Lk 5.20. Ho mo mohmi lutii, “Niika ingyamiigyanii atañmi hellotiikuke.” 49Ho hutiina diigo diiko mo agiñho dubo tiinii mohluka punkoho lusu nyatii, “Hupe si, ingyamiigyanii atañ lohe pa hello danii?” 50Ho mo lutii annii akha mi, “Niika henje ke niimi lyangur biinenii; chimie pa ingeku.”
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.