Matayi Ukwanda
Ukwanda
Amazyu Amiza agha Yesu Kilisitu ghagho ghasimbiwe nu Matayi ghakuti u Yesu we Mupoki, yuyo u Chala akamulayizya. Ukwendela mumwache u Chala akakwanilisya ulufingo lwache, lulo akivwana na bantu bache mu Lufingo Ulukali. Amazyu Amiza agha ghate gha bantu aba Yuda bene, babo mumwabo u Yesu akapapiwa nukwikala, loli gha bantu bosi aba muchisu ichapasi.
Ibuku ilya Matayi libatikiwe akiza. Likwanda pakunena nizya kupapiwa kwa Yesu, ukoziwa nu kuyeliwa kwache. Ukufuma panapo likunena nizya mbombo yache iyakulumbilila, ukumanyizya nu kupozya abantu muchigaba icha Galileya. Pisinda pache Amazyu Amiza ghakunena nizya bulendo ubwa Yesu ubwakufuma mu Galileya ukubuka mu Yelusalemu, sona na vivyo vikaboneka kwa Yesu mwa sabata wache uwabumalilo. Pabumalilo ghakunena nizya kukomeliwa pachipinjika nu kuzyuka kwache.
Amazyu Amiza agha ghakumulanjizya u Yesu pakuba mumanyisi usongo nkani, yuyo ali nu bulaghili ubwakung'anamula Indaghilo izya Chala nukumanyizya nizya Bumwene bwache. Ubumanyisi bukwaghiwa mutubukatila fayivi ukuyana ni mitu yache: (1) Ichimanyisyo pighamba, chicho chikunena nizya kabele, imbombo, ulusako nu kwikalana kwa bana aba Bumwene ubwa Kumwanya (umutu 5-7); (2) u Yesu akubalingannya abamanyili bache 12 bala nizya mbombo yabo (umutu 10); (3) Ivyili nizya Bumwene ubwa Kumwanya (umutu 13); (4) Ichimanyisyo chicho chikunena nizya kuba mumanyili uwa Yesu (umutu 18); (5) Ichimanyisyo ichakunena nizya kumala kwa chisu ichapasi nu kwiza kwa Bumwene ubwa Kumwanya (umutu 24-25).
Ivya mukasi
Ulubatiko ulwa banyenya nu kupapiwa kwa Yesu Kilisitu 1.1—2.23
Imbombo iya Yohani Uwalozyo 3.1-12
Ukoziwa nu kuyeliwa kwa Yesu 3.13—4.11
Imbombo iya Yesu iya pabuzelu muchigaba icha Galileya 4.12—18.35
Ukufuma mu Galileya mupaka mu Yelusalemu 19.1—20.34
Usabata uwabumalilo mu Yelusalemu na kupipi nu Yelusalemu 21.1—27.66
Ukuzyuka kubufwe kwa Mwene nu kubabonekela abantu 28.1-20
Currently Selected:
Matayi Ukwanda: LMBNT2016
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Funda Ngakumbi Malunga Ulufingo Ulupya