Olubereberye Ennyanjula

Ennyanjula

Ekitabo kino kiyitibwa ekitabo kya Musa, Olubereberye. Kijjudde ebitundu bingi ebyawandiikibwa abantu abawerako naye ng’omukuŋŋaanya tategeerekeka. Ebiri mu kitabo kino byatandika okukuŋŋaanyizibwa mu kyasa eky’ekkumi n’ebisatu (13) bc, ne bikomekkerezebwa oluvannyuma lw’okuva mu buwaŋŋanguse bw’e Babulooni mu 587 okutuuka 538 bc. Kyogera ku ebyo ebifa ku ggulu n’ensi nga bwe byatondebwa Katonda byonna. Katonda y’asinga okussibwako essira era y’alamula ate n’abonereza n’abo abakola ebibi. Newaakubadde nga Katonda abonereza omuntu olw’ebibi bye, kyokka amusaasira n’amuddiramu. Ekitabo kino kyawulibwamu ebitundu bibiri: ekisooka kiri ku byafaayo ku kutondebwa kw’ensi n’okw’omuntu (Essuula 1–2); ne ku kusobya kw’omuntu n’ekibonerezo kye yafuna ekitwaliramu ne bazzukulu be bonna (Essuula 3–6); ne kyogera ku kusalira ensi omusango okugisinga n’okugibonereza, kwe kuleeta amataba (Essuula 6–7); ate ne kyogera ne ku Mukama okukola endagaano n’omuntu, eddirira ku eri gye yakola ne Adamu (Essuula 8–9). Ekyokubiri kyogera ku byafaayo bya bajjajja, eby’obuweereza bwabwe okutandikira ku Ibulayimu ne kimaliriza ne Yusufu (Essuula 12–50).

Currently Selected:

Olubereberye Ennyanjula: EEEE

Qaqambisa

Copy

Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena

Bayibuli Entukuvu, Endagaano Enkadde nʼEndagaano Empya

Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc.

Luganda Contemporary Bible

Funda Ngakumbi Malunga Endagaano Enkadde n’Endagaano Empya

Olubereberye Ennyanjula

Iivesi zeBhayibhile ezithandwayo ezisuka
Olubereberye Ennyanjula

IBhayibhile:

Luganda

Inguqulelo: Endagaano Enkadde n’Endagaano Empya - EEEE