Salmow 5
5
Gwesper 1
SALM 5.
Verba mea auribus.
1Ro skovarn dhe'm geryow, A Arloedh : gwra vri a'm hanasa.
2Goslow orth lev ow kri, ow Myghtern, ha'm Duw : rag dhiso jy y pysav.
3A Arloedh, y'n myttin ty a glew ow lev : y'n myttin my a orden ow fysadow orthis, ha goelyas.
4Rag nyns osta Duw a gemmerro plesour yn sherewneth : ny yll drog triga genes jy.
5Ny sev an re woethys y'th wolok : ty a gas an dhrogoberoryon oll.
6Ty a dhistru an re a wowlever : an Arloedh a gas an gour goesek ha fals.
7Mes my a dheu y'th chi dre dha dregeredh meur : my a ombleg troha'th tempel sans yn own ahanas.
8Hembronk vy, A Arloedh, y'th ewnder drefenn ow eskerens : gwra dha fordh kompes a-dheragov.
9Rag nyns eus lelder yn aga ganow : aga holonn yw leun a spit.
10Aga lonk yw logel igor : i a fekyl gans aga thaves.
11Gwra dhedha perthi kessydhyans aga fegh, A Dhuw; koedhens i der aga husulyow aga honan : towl i dhe-ves herwydh aga lies treuspass; rag i re sevis er dha bynn.
12Mes lowenhes seul a hwila skovva ynnos : kanens i rag joy bynitha, rag ty dh'aga gwitha; ha bedhes heudhik ynnos jy an re a gar dha Hanow.
13Rag ty, A Arloedh, a vennik an den gwiryon : ty a'n kudh gans favour kepar ha gans skoes.
Currently Selected:
Salmow 5: ASK
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Kesva an Taves Kernewek 1997, 2019
© Cornish Language Board 1997, 2019