Tabekacane 10
10
Mwabaibalrithi ki tatulru ka lalalake ki Nua
(1 Lacaili 1.5-23)
1Kikai lebe amani ku mwabaibalrithi ki lalalake ki Nua ka sia Seme, Hame, Yapethe. Sangilribatenga ki telebe yai, kikai tatulru twalalake makanaelre ku sawvalalai.
2Ku lalalake ki Yapethe amani kai Gumire, Maguge, Madai, Yavange, Tubale, Meseke si Tirase#10.2 Kai mwasaka 2, 6, 15, 22 ki tapuvagane ku nagane, yakai ku nagane ki kadaengane, yakai ku nagane ki umawmase, kikwini lanagane ki kadaengane mialri ka nagane ki lacucungulane.. 3Ku mwabaibalrithi ki Gumire amani kai swa Asekenaze, swa Ripathe, swa Tugarema. 4Ku mwabaibalrithi ki Yavange amani kai swa Ilrisa, swa Taresise, swa Saipuruse, swa Rudese; 5kai lalasu yakaikai ki ngwababiabila ki Miditerania si yakabicelrakane ki laveke ka kadaengane. Ka cucungulane kwini ki laminzuku. Ku mwabaibalrithi ki Yapethe yakai ki lacekele lini, lakuni lini, ku lazuku arakaikai ku vaga lini.
6Ku lalake ki Hame amani kai Kuse, Izipiti, Pute, Kanange. 7Ku mwabaibalrithi ki Kuse amani kai swa Seba, swa Havila, swa Sabeta, swa Rama, si swa Sabeteca. Ku mwabaibalrithi ki Rama amani kai swa Seba si swa Didane. 8Kai Kuse yakai ku lalakeini ku sia Nimurude, kai lasu amani ku aswalaalanga ka tamagarange niyane ikai ki lrikisi. 9Ngwalai ku taparalubane ki Tamatama, kai lasu amani kudra magarange ka taraalupu, lakamani ku iya kai ki laumawmase, “Ku Tamatama ani pangimia muswane ki Nimurude ka magarange ka taraalupu.” 10Sakapathagilane, ku lakuniini paelre kai Babilunia, Ireke, Akade; kikai taitulru yakai tali Babilunia patuelre. 11Kai lasu la twalai kai katwase papia tali Asiria drikisi paruswadrau, tucekele ka Ninivi, Rehebuthe, Kala, 12si cekele Resenge ka yakai kabicelrakane ki Ninivi si Kala ka cekele.
13Ku mwabaibalrithi ki Izipiti yai swa Lidia, swa Anamime, swa Lehabe, swa Napetu, 14swa Patheruse, swa Kaselu, swa Kerete; kai swa Pelisitine yai mwabaibalrithi ki swa Kerete.
15Ku lalalake ki Kanange amani kai Sidune (takatakanga) si Hite. 16Kai Kanange mialrini ka cucungulane ki swa Yebuse, swa Amuri, swa Giregasi, 17swa Hivi, swa Areki, swa Sini, 18swa Arevade, swa Zemari, swa Hamathe. Kai swa Kanange ku lazuku ku swaadrau ku tamawvagavagadhane lini; 19ku pagiagisane ki kadaengane lini twalai Sidune papia tali lrawdru daruru kavai adeethe ki Gaza ka cekele ka sia Gerare, papia tali talrawane kavai Sudume, Gumura, Adema, si adeethe Laseha ka cekele ka sia Zebuime. 20Kikai mwabaibalrithi ki Hame yakai ki lacekele lini, lakuni lini, ku lazuku arakaikai ku vaaga lini ka swa taliinu.
21Kai Seme amani ku takatakanga ki lataka ki Yapethe, amani ku tasingikaiyane ki lamwabaibalrithi ki swa Hiburu#10.21 “Hiburu” cucungulane ki swa Hiburu.. 22Ku lalalake ki Seme yai amani kai Ilame, Asure, Arepakesade, Lude, Arame. 23Kai mwabaibalrithi ki Arame yai swa Uze, swa Hule, swa Gethere, swa Meseke. 24Ku Arepakesade twalalake ki Sela; ku Sela twalalake ki Ibere. 25Kai Ibere twalalake ngudrusa ku sawvalai: Ku tangea sia Pelege#10.25 “Pelege” kikai nagane “mauvagavagai” amia ku pacugane., asi lwiyane twalai ki zidaini pathagili ku tamasivagavagadhane ki laumawmase; ku tangea sia Yuketange. 26Kai mwabaibalrithi ki Yuketange yai swa Alemudade, swa Selepe, swa Hazaremavethe, swa Yera, 27swa Hadurame, swa Uzale, swa Dikela, 28swa Ubale, swa Abimaele, swa Seba, 29swa Upire, swa Havila, swa Yubabe. Kikai laumawmase yai mwabaibalrithi ki Yuketange. 30Kai lalasu yakaikai tali talrawane lregelrege, twalai Misa pakela kavai Separe. 31Kikai mwabaibalrithi ki Seme yakai ki lacekele lini, kuni lini, ku lazuku arakaikai ku vaaga lini ka swa taliinu.
32Kikai yai tamatwalaladhane ki tatulru ka lalalake ki Nua, ka singikai ku tapacasane ki lazuku, ki tamatwalaladhane. Sa ngilribatenga ki telebe, kai kawmasane sanaka minzuku makanaelre mwacungulu twalai ki lalalake ki Nua.
Currently Selected:
Tabekacane 10: NDV
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© The Bible Society in Taiwan, 2017
All rights reserved
© 臺灣聖經公會版權所有，2017