Luka 2
2
Yesu awoɔ
1Nna no mu no, mmara bi firi Kaesare Augusto nkyɛn baa sɛ wɔnkan wiasefoɔ nyinaa, ntwerɛ wɔn din. 2Yei ne ɔkan a ɛdi kan berɛ a na Kirenio yɛ Siria amrado no. 3Na nnipa nyinaa kɔɔ wɔn kurom kɔtwerɛɛ wɔn din. 4Na Yosef nso firii Nasaret a ɛwɔ Galilea sii mu kɔɔ Yudea, Dawid kuro a wɔfrɛ no Betlehem mu, ɛfiri sɛ na ɔfiri Dawid fie ne n’abusua mu, 5#Luka 1.27 kɔtwerɛɛ ɔno ne n’asiwa yere Maria a n’awoɔ abɛn no din. 6Na wɔwɔ hɔ no, n’awoɔ duruu so, 7#Mat 1.25 na ɔwoo n’abakan barima, na ɔde ntoma kyekyeree no, na ɔde no too mmoa adididaka mu, ɛfiri sɛ wɔannya kwan ahɔhodan no mu.
Nnwanhwɛfoɔ ne abɔfoɔ no
8Na nnwanhwɛfoɔ bi wɔ saa asase no so da wiram rewɛn wɔn nnwankuo anadwo. 9Na Awurade bɔfoɔ bɛgyinaa wɔn nkyɛn, na Awurade animuonyam hran twaa wɔn ho hyiae, na ehu kɛseɛ kaa wɔn. 10Na ɔbɔfoɔ no see wɔn sɛ: Monnsuro, na hwɛ, mede asɛmpa a ɛyɛ anigyeɛ pii na ɛbɛyɛ aman nyinaa dea merebrɛ mo, 11sɛ nnɛ wɔawo Agyenkwa a ɔne Kristo, Awurade no, ama mo wɔ Dawid kurom. 12Na yei ne mo nsɛnkyerɛnneɛ: Mobɛhunu akɔkoaa a wɔde ntoma akyekyere no sɛ ɔda mmoa adididaka mu. 13#Dan 7.10 Na mpofirim ara ɔsoro asafo bebree bɛkaa ɔbɔfoɔ no ho yii Onyankopɔn ayɛ sɛ:
14 #
Luka 19.38; Yes 57.19; Efe 2.14; 2.17 Animuonyam nka Onyankopɔn wɔ sorosoro,
na asomdwoeɛ nka nnipa a wɔsɔ n’ani wɔ asase so.
15Na ɛbaa sɛ abɔfoɔ no firii wɔn nkyɛn kɔɔ soro no, nnwanhwɛfoɔ no keka kyerɛkyerɛɛ wɔn ho sɛ: Momma yɛnkɔ Betlehem, na yɛnkɔhwɛ asɛm a aba a Awurade ayi akyerɛ yɛn yi ɛ! 16Na wɔkɔɔ no ntɛm so, na wɔkɔhunuu Maria ne Yosef ne akɔkoaa no sɛ ɔda mmoa adididaka no mu. 17#Luka 2.10-12 Na wɔhunuu no no, wɔkaa abɔfra no ho asɛm a wɔka kyerɛɛ wɔn no. 18Na deɛ nnwanhwɛfoɔ no kaeɛ no yɛɛ wɔn a wɔteeɛ nyinaa nwanwa. 19#Luka 2.51 Na Maria deɛ, ɔde nsɛm yi nyinaa sieeɛ, na ɔdwenee ho n’akoma mu. 20Na nnwanhwɛfoɔ no sane kɔe kɔhyɛɛ Onyankopɔn animuonyam, na wɔyii no ayɛ wɔ deɛ wɔteeɛ na wɔkɔhunuiɛ sɛdeɛ wɔka kyerɛɛ wɔn no nyinaa nti.
Abɔfra no dintoɔ
21 #
Luka 1.31; 1.59 Na ɔdii nnawɔtwe a wɔrebɛtwa no twetia no, wɔtoo ne din Yesu sɛdeɛ ɔbɔfoɔ no kyerɛeɛ ansa na wɔrenyinsɛn no ɔyafunu mu no.
Wɔde abɔfra no kɔ Yerusalem
22 #
Lew 12
Na wɔn ahodwira nna duruiɛ sɛdeɛ Mose mmara seɛ no, wɔde no kɔɔ Yerusalem sɛ wɔde no rekɔma Awurade 23#Eks 13.2 (sɛdeɛ wɔatwerɛ Awurade mmara mu sɛ: Ɔbarima biara a ɔbɛbue yafunu ano no, wɔbɛfrɛ no kronkron ama Awurade,) 24#Lew 12.8 na wɔakɔbɔ afɔdeɛ sɛdeɛ wɔaka wɔ Awurade mmara mu no: Anyankuku mmienu anaa mmorɔnoma mma mmienu.
Simeon
25 #
Yes 40.1; 49.13 Na hwɛ, ɔbarima bi wɔ Yerusalem a wɔfrɛ no Simeon; saa onipa yi tene, ɔsuro Nyame, na ɔretwɛn Israel awerɛkyekyerɛ no, na Honhom Kronkron wɔ ne so. 26Na Honhom Kronkron no ayi akyerɛ no sɛ ɔrenhunu owuo, gye sɛ wahunu Kristo a ɔyɛ Awurade deɛ no ansa. 27Na Honhom no maa no kɔɔ asɔrefie hɔ; na abɔfra Yesu awofoɔ no de no baa sɛ wɔrebɛyɛ sɛdeɛ mmara no teɛ ama no no, 28ɔfaa no too n’abasa so, na ɔyii Onyankopɔn ayɛ na afei ɔkaa sɛ:
29 #
Gye 46.30
Awurade, afei woregya w’akoa kwan asomdwoeɛ mu
sɛdeɛ w’asɛm seɛ;
30ɛfiri sɛ m’ani ahunu wo nkwagyeɛ
31a woasiesie wɔ aman nyinaa anim,
32 #
Yes 42.6; 49.6 kanea a ɛbɛma amanaman so ateɛ
na ɛbɛhyɛ wo man Israel animuonyam.
33Na deɛ wɔkaa no ne ho no yɛɛ n’agya ne ne na nwanwa. 34#Yes 8.14; Mat 21.44; 1 Ko 1.23 Na Simeon hyiraa wɔn, na ɔka kyerɛɛ ne na Maria sɛ: Hwɛ, abɔfra yi na wɔde no asi hɔ ama Israel nnipa bebree ahweaseɛ ne wɔn sɔreɛ ne nsɛnkyerɛnneɛ a wɔbɛkasa atia no, 35na wo nso, afena bɛhwire wo ara wo kra mu, na akoma bebree mu nsusuiɛ ada adi.
Hana
36Na odiyifoɔ baa bi a wɔfrɛ no Hana wɔ hɔ. Ɔyɛ Fanuel ba a ɔfiri Aser abusuakuo mu. Wanyini, na ɔwaree ne mmabaaberɛ mu ne ne kunu tenaa mfirinhyia nson. 37#1 Ti 5.5 Na ɔyɛ okunafoɔ a wadi bɛyɛ mfirinhyia aduɔwɔtwe nnan, na ɔmpa asɔrefie hɔ da, na ɔde mmuada ne mpaebɔ som Onyankopɔn adesaeɛ ne adekyeeɛ. 38#Luka 2.25 Na dɔn no ara mu, ɔno nso bɛgyinaa hɔ bi yii Onyankopɔn ayɛ saa ara, na ɔkaa ne ho asɛm kyerɛɛ wɔn a wɔretwɛn ɔgyeɛ a wɔbɛgye Yerusalem no nyinaa.
Wɔsane kɔ Nasaret
39Na wɔwiee amanneɛ nyinaa yɛ sɛdeɛ Awurade mmara kyerɛ no, wɔsane kɔɔ wɔn kuro Nasaret a ɛwɔ Galilea mu. 40#Luka 2.52; 1.80 Na abɔfra no nyiniiɛ, na ɔyɛɛ nnam, na nyansa yɛɛ no ma, na Nyankopɔn adom wɔ ne so.
Yesu wɔ asɔrefie
41 #
Eks 23.14-17
Na n’awofoɔ kɔ Yerusalem daa afirinhyia Twam afahyɛ ase. 42Na ɔdii mfirinhyia dummienu no, wɔkɔe sɛdeɛ afahyɛ no ho amanneɛ teɛ. 43#Eks 12.18 Na wɔdii nna no wieeɛ, na wɔresane aba no, abɔfra Yesu no kaa akyire wɔ Yerusalem, nanso na n’awofoɔ nnim. 44Na wɔsusuu sɛ wafra nnipakuo no mu nti, wɔkɔɔ da koro kwan, na wɔhwehwɛɛ no wɔn abusuafoɔ ne amannifoɔ mu. 45Na wɔanhu no no, wɔsane baa Yerusalem bɛhwehwɛɛ no. 46Na ɛbaa sɛ ne nnansa soɔ no, wɔkɔhunuu no wɔ asɔrefie sɛ ɔte akyerɛkyerɛfoɔ ntam retie wɔn na ɔrebisabisa wɔn nsɛm. 47Na wɔn a wɔtiee no nyinaa, ne nyansa ne ne mmuaeɛ yɛɛ wɔn nwanwa. 48Na wɔhunuu no no, ɛyɛɛ wɔn ahodwiri, na ne na see no sɛ: Ɔba, adɛn na woayɛ yɛn sɛɛ yi? Hwɛ, me ne w’agya de ahoyera na ahwehwɛ woɔ. 49#Yoh 2.16 Na ɔsee wɔn sɛ: Adɛn nti na mohwehwɛ me? Monnim sɛ ɛsɛ me sɛ metena m’agya fie? 50Na wɔn deɛ, wɔante asɛm a ɔka kyerɛɛ wɔn no ase.
Yesu setie ne ne nyini
51 #
Luka 2.19
Na ɔne wɔn sii mu sane kɔɔ Nasaret, na ɔbrɛɛ ne ho ase maa wɔn. Na ne na de nsɛm yi nyinaa siee n’akomam. 52#1 Sa 2.26; Mmb 3.4 Na Yesu nyinii nyansa ne kɛseyɛ ne Nyankopɔn ne nnipa nkyɛn adom mu.
Currently Selected:
Luka 2: ASW
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
The Bible Society of Ghana, 2012