Лука 23
23
Ӏиса файшуная Пилатагьди
1Ӏисайин диван аркьаяттари гъайшина, файшуная Ӏиса Пилаталди. 2Гебури Ӏисайик тахсирар кикӀай, пуная:
– Час ягӀархьуне, гьеме инсанди э че халкь рекъуьас адихьаяф, халкьди ккесардис налукар ес адартаяф, Уч Месигь Паччагь э агъай.
3Пилата хабар гъушуная Ӏисайифас:
– Вун эв «ДжугьутӀарин Паччагь?»
– Гьеле вун агъагъилди э, – пуная гис Ӏисайи.
4Пилата хӀа маллабурисра, халкьдисра пуная:
– Зас ме инсандик са тахсира кей аргвай адава.
5Гебури агъай хьуная гуджуникестти чиппин чӀал хӀекь аркьай:
– Галилея дерейиас мич хъучучӀуна, Учингъилди ягӀар аркьай, Ги гьал кӀилди Ягьудея дерейин халкь тӀулаас адихьая.
Ӏиса файшуная Иродалди
6Галилея агъай унихьуна, Пилата хабар гъушуная:
– Галилеяйиас эв ме инсан?
7ЯгӀархьегуна, Ӏиса Ирод хӀавелдиъ ая дерейиас идеф, Пилата гьикуная Ӏиса Иродалди. Гьеге ягъари Иродра адина Ерусалимдиъ ахьуная. 8Ӏиса агугуна, Ирод са Ӏайи шад хьуная. Гис ацӀуна гагь хьуная Ӏиса агвас кканди, учис Гихъас ппара унихьунахӀела. Хъара Иродас Ӏисайи аркьа фичира са Ӏеламатра агвас кканди ахьуная. 9Ирода ппара суалар йиная Ӏисайис, амма Ӏисайи са джувабра йина адава. 10ХӀа маллабурна Ӏелимар гъузуна, гуджунилди тахсирар кикӀай хьуная Ӏисайик. 11Иродан эскерарира Ге уджуз акьуна, келхъуьная Гик, аликӀуна Гил паччагьдин суман кунара гьикуная Ге хаб Пилаталди. 12Гьеге ягъанин хаб Иродна Пилат дусттар хьуная, авала душманар.
Завал хьуна инсанари йуькӀ пуная Ӏиса
13Пилата завал акьуна хӀа маллабура, хӀекимара, халкьра 14пуная:
– Чун заалди файдиная ме инсан, ми халкь рекъуьас адихьая пуна. Магьа зун чве удигь диван акьуне Мин. Зас ме инсандик, чун кикӀая тахсирарикес, са тахсира кей аргвай адава. 15Иродара, Мик тахсир кидаф агуна, Ме хаб хьелди гьикуная, йирхӀуна кӀес, Ме инсанди фера мишттин кар акьуна адава. 16Къемчинф акьуна, зун Ме фатасе.
17Пилата Пасхайин хӀа ягъас атуна кканди ахьуная фуш хьунара са ачикунаф. 18Джаллабури вевер акьуна, пуная:
– Ле йуькӀ, Варава фат!
19Варава агъаф, шагьурдиъ къалабулугъ акьуна фушчин кӀина, ачикунаф хьуная дусттагъиъ. 20Ӏиса фатас кканди, Пилата хаб сагелай сара пуная гебурис. 21Гебури вевер аркьай, агъай хьуная:
– Къадакъарилди цӀагъунил алирхӀуна кейхь Ле! Кейхь Ле!
22Хьибудпегелайра пуная гебурис Пилата:
– Фи Ӏайвел э Ми акьунаф? Ме кӀес, зас Мик са тахсира кей аргвай адава. Къемчинф акьуна, зун Ме фатасе.
23Гебури мертти Ӏайи вевер аркьай хьуная, йуькӀ агъай Ӏиса. Гебурин чӀал варттал хьуная. 24Пилата гебурис ккандегъилди акьуна, 25атуная дусттагъиас гебури адат пе Варава агъаф, шагьурдиъ къалабулугъ акьуна, фушчин са инсанна кӀина ачикунаф. Ппай Ӏиса ихьуная кӀилихъди гебурин гъилиъ.
Къадакъарилди цӀагъунил алирхӀуна, кейхьуная Ӏиса
26Ӏиса кӀес гъагуна, эскерари фацуная хуйиас вея Симон агъа са инсан. Гебури хъучикуная ге инсан Ӏисайин кьабахъай Ӏиса алирхӀуна кейхьа цӀагъун гъас. Симон хьуная Кирена агъа хӀуриас. 27Ӏисайин кьабахъай ппара халкь вей хьуная. Ге халкьдигӀас хумбар Ӏешай рахвай хьуная Ӏисайихъас. 28Ӏисайи, гебурилди алдаркуна, пуная:
– Ерусалимдин дишагьлибур, Захъас меӀеша! Чвахъас Ӏеш, чве шиниккварихъас Ӏеш! 29Хъучавея мишттин вахттар, инсанари агъай ахьасе: «Бахттлубур э шиниккв кидаваттар, шиниккв дахуруттар, шиникквдис бизи даеттар!» 30Тегуна агъай ахьасе дагьарарис: «АрчӀуна, алахъ чаалди!» – кӀунтӀарис агъай ахьасе: «Кичадив чин!» 31Гъазе цӀаб адахъуна кӀуранис миштти аркьагуна, рукъу кӀуранис фикьасе?
32Ӏисайихъай кӀес гъай хьуная Ӏу къачагъра. 33«Келла» агъа мукьуйиди адегуна, гебури къадакъарилди цӀагъунил алирхӀуна кейхьуная Ӏиса, Гин багулив Ӏудар къачагъара, сад хӀуьрджал багулихъ, сад чиппил багулихъ. 34Ӏисайи пуная:
– Дад! Гъил гъушен гебурилас, гебурис ягӀай адава, фи ичин чиппи аркьаяф.
КӀур ихьуна, пай аркьай хьуная гебури Ӏисайин кунар. 35Халкь гъузуна хъуланди ахьуная. ХӀекимар элхъенди ахьуная Ӏисайил, агъай:
– Сасрабур ухӀуне, гьал Учи Уч ухӀурай, нагагь Уч Месигь идехаб, Уч Аллагьди гӀаттивунаф идехаб.
36Эскерара келхъенди ахьуная Ӏисайик. Гебури Гис сирка гьучагъай, 37агъай хьуная:
– Нагагь Вун джугьутӀарин паччагь идехаб, Вун Вас кумак акье. 38Ӏисайин кӀилихъ ликӀина ахьуная: «Ме джугьутӀарин паччагь э». 39Ӏисайихъай кейхьуна са къачагъа, алурхӀанди агъай хьуная Ӏисайис:
– Месигь ду Вун? Кумак акье васра, часра.
40Сасра къачагъа гис джуваб йина, ге гъургъас адатуна пуная:
– Вас Аллагьдигьас гучӀайду, васра ме Ӏисайис суман джаза идегуна йинаф? 41Хьес хӀекьданди хьин акьуна дава курарихъас йинаф э ме джаза, ппай Ӏисайи са дава кара акьуна адава.
42Ӏисайис ге къачагъа пуная:
– Вун ве Паччагьвелдиъ ушугуна, кӀвал акье зун, Ӏиса.
43Ӏисайи пуная гис:
– Зун вас дузди агъая, вун ягӀа Захъай джайнаттиъ ахьасе.
Ӏиса кӀиная
44СеӀет цӀеӀударис кӀилди джилил мучӀ атӀуная сеӀет хьибударисттегьен, 45рагъ гулуна. Аллагьдин хулаъ Гирами мукьуйик кея парда, яӀанилас чӀургъуна, Ӏу кьатӀ хьуная. 46Ӏисайи, гьавайикес гъургъуна, пуная:
– Дад! Ве гъилиди ицӀандея Зун Зе руьхӀ.
Гьегера пуна, Ӏисайин руьхӀ дивуная. 47Эскерарин хӀатти, гисаъ хье кар агуна, Аллагьдис шукур акьуна, пуная:
– ХӀекьданди, ге инсандик тахсир кидавуйи.
48КӀилди гисаъ завал хьуна халкь, гисаъ хье кар агуна, чиппин мухурис гъурданф аркьай далгъуная. 49КӀилди Ӏисайис ягӀаттара, Гихъай Галилеяйиас мич адина хумбара, вархайилас хъуттурфанди гъузуна ахьуная.
Ӏиса некьвариъ икӀуная
50Гисаъ ахьуная са Юсуф агъа юркӀуран дуз идже инсан. Юсуф гӀахьуная Ӏисайин диван аркьа инсанаригӀ, 51амма ге рази хьуна адава Ӏисайис гебури аттивуна, акьу диванил. Ге Юсуф хьуная ягӀударин Аримафей агъа шагьурдиас, гъузунаф Аллагьдин Паччагьвелдихъ. 52Юсуфа, ушуна Пилатагьди, тӀалаб акьуная Ӏисайин майит. 53Юсуфа, кеттивуна Ӏисайин майит, гӀадиджина кафанигӀ, дагьар атӀуна икӀуная некьвдиъ. Тисаъ гегунасттегьен садра икӀуна ахьуна адава. 54ДжумӀе ягъан гӀуьбехъмин гагь хьуная, вей хьуная киш ягъ. 55Галилея дерейиас Ӏисайихъай адина уйи хумбарисра агуная Гин некьвра, Гин майит некьвариъ икӀайра. 56Тисаас адегуна, ге хумбари хӀезур акьуная батӀар ниъ хъая ччамар. Киш ягъа гебури са кара акьуна адава, Мусайин Закуниъ ликӀинаф суман.
Currently Selected:
Лука 23: AGU
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Библия тарджума аркьа институт, Москва, 2005
Лука 23
23
Ӏиса файшуная Пилатагьди
1Ӏисайин диван аркьаяттари гъайшина, файшуная Ӏиса Пилаталди. 2Гебури Ӏисайик тахсирар кикӀай, пуная:
– Час ягӀархьуне, гьеме инсанди э че халкь рекъуьас адихьаяф, халкьди ккесардис налукар ес адартаяф, Уч Месигь Паччагь э агъай.
3Пилата хабар гъушуная Ӏисайифас:
– Вун эв «ДжугьутӀарин Паччагь?»
– Гьеле вун агъагъилди э, – пуная гис Ӏисайи.
4Пилата хӀа маллабурисра, халкьдисра пуная:
– Зас ме инсандик са тахсира кей аргвай адава.
5Гебури агъай хьуная гуджуникестти чиппин чӀал хӀекь аркьай:
– Галилея дерейиас мич хъучучӀуна, Учингъилди ягӀар аркьай, Ги гьал кӀилди Ягьудея дерейин халкь тӀулаас адихьая.
Ӏиса файшуная Иродалди
6Галилея агъай унихьуна, Пилата хабар гъушуная:
– Галилеяйиас эв ме инсан?
7ЯгӀархьегуна, Ӏиса Ирод хӀавелдиъ ая дерейиас идеф, Пилата гьикуная Ӏиса Иродалди. Гьеге ягъари Иродра адина Ерусалимдиъ ахьуная. 8Ӏиса агугуна, Ирод са Ӏайи шад хьуная. Гис ацӀуна гагь хьуная Ӏиса агвас кканди, учис Гихъас ппара унихьунахӀела. Хъара Иродас Ӏисайи аркьа фичира са Ӏеламатра агвас кканди ахьуная. 9Ирода ппара суалар йиная Ӏисайис, амма Ӏисайи са джувабра йина адава. 10ХӀа маллабурна Ӏелимар гъузуна, гуджунилди тахсирар кикӀай хьуная Ӏисайик. 11Иродан эскерарира Ге уджуз акьуна, келхъуьная Гик, аликӀуна Гил паччагьдин суман кунара гьикуная Ге хаб Пилаталди. 12Гьеге ягъанин хаб Иродна Пилат дусттар хьуная, авала душманар.
Завал хьуна инсанари йуькӀ пуная Ӏиса
13Пилата завал акьуна хӀа маллабура, хӀекимара, халкьра 14пуная:
– Чун заалди файдиная ме инсан, ми халкь рекъуьас адихьая пуна. Магьа зун чве удигь диван акьуне Мин. Зас ме инсандик, чун кикӀая тахсирарикес, са тахсира кей аргвай адава. 15Иродара, Мик тахсир кидаф агуна, Ме хаб хьелди гьикуная, йирхӀуна кӀес, Ме инсанди фера мишттин кар акьуна адава. 16Къемчинф акьуна, зун Ме фатасе.
17Пилата Пасхайин хӀа ягъас атуна кканди ахьуная фуш хьунара са ачикунаф. 18Джаллабури вевер акьуна, пуная:
– Ле йуькӀ, Варава фат!
19Варава агъаф, шагьурдиъ къалабулугъ акьуна фушчин кӀина, ачикунаф хьуная дусттагъиъ. 20Ӏиса фатас кканди, Пилата хаб сагелай сара пуная гебурис. 21Гебури вевер аркьай, агъай хьуная:
– Къадакъарилди цӀагъунил алирхӀуна кейхь Ле! Кейхь Ле!
22Хьибудпегелайра пуная гебурис Пилата:
– Фи Ӏайвел э Ми акьунаф? Ме кӀес, зас Мик са тахсира кей аргвай адава. Къемчинф акьуна, зун Ме фатасе.
23Гебури мертти Ӏайи вевер аркьай хьуная, йуькӀ агъай Ӏиса. Гебурин чӀал варттал хьуная. 24Пилата гебурис ккандегъилди акьуна, 25атуная дусттагъиас гебури адат пе Варава агъаф, шагьурдиъ къалабулугъ акьуна, фушчин са инсанна кӀина ачикунаф. Ппай Ӏиса ихьуная кӀилихъди гебурин гъилиъ.
Къадакъарилди цӀагъунил алирхӀуна, кейхьуная Ӏиса
26Ӏиса кӀес гъагуна, эскерари фацуная хуйиас вея Симон агъа са инсан. Гебури хъучикуная ге инсан Ӏисайин кьабахъай Ӏиса алирхӀуна кейхьа цӀагъун гъас. Симон хьуная Кирена агъа хӀуриас. 27Ӏисайин кьабахъай ппара халкь вей хьуная. Ге халкьдигӀас хумбар Ӏешай рахвай хьуная Ӏисайихъас. 28Ӏисайи, гебурилди алдаркуна, пуная:
– Ерусалимдин дишагьлибур, Захъас меӀеша! Чвахъас Ӏеш, чве шиниккварихъас Ӏеш! 29Хъучавея мишттин вахттар, инсанари агъай ахьасе: «Бахттлубур э шиниккв кидаваттар, шиниккв дахуруттар, шиникквдис бизи даеттар!» 30Тегуна агъай ахьасе дагьарарис: «АрчӀуна, алахъ чаалди!» – кӀунтӀарис агъай ахьасе: «Кичадив чин!» 31Гъазе цӀаб адахъуна кӀуранис миштти аркьагуна, рукъу кӀуранис фикьасе?
32Ӏисайихъай кӀес гъай хьуная Ӏу къачагъра. 33«Келла» агъа мукьуйиди адегуна, гебури къадакъарилди цӀагъунил алирхӀуна кейхьуная Ӏиса, Гин багулив Ӏудар къачагъара, сад хӀуьрджал багулихъ, сад чиппил багулихъ. 34Ӏисайи пуная:
– Дад! Гъил гъушен гебурилас, гебурис ягӀай адава, фи ичин чиппи аркьаяф.
КӀур ихьуна, пай аркьай хьуная гебури Ӏисайин кунар. 35Халкь гъузуна хъуланди ахьуная. ХӀекимар элхъенди ахьуная Ӏисайил, агъай:
– Сасрабур ухӀуне, гьал Учи Уч ухӀурай, нагагь Уч Месигь идехаб, Уч Аллагьди гӀаттивунаф идехаб.
36Эскерара келхъенди ахьуная Ӏисайик. Гебури Гис сирка гьучагъай, 37агъай хьуная:
– Нагагь Вун джугьутӀарин паччагь идехаб, Вун Вас кумак акье. 38Ӏисайин кӀилихъ ликӀина ахьуная: «Ме джугьутӀарин паччагь э». 39Ӏисайихъай кейхьуна са къачагъа, алурхӀанди агъай хьуная Ӏисайис:
– Месигь ду Вун? Кумак акье васра, часра.
40Сасра къачагъа гис джуваб йина, ге гъургъас адатуна пуная:
– Вас Аллагьдигьас гучӀайду, васра ме Ӏисайис суман джаза идегуна йинаф? 41Хьес хӀекьданди хьин акьуна дава курарихъас йинаф э ме джаза, ппай Ӏисайи са дава кара акьуна адава.
42Ӏисайис ге къачагъа пуная:
– Вун ве Паччагьвелдиъ ушугуна, кӀвал акье зун, Ӏиса.
43Ӏисайи пуная гис:
– Зун вас дузди агъая, вун ягӀа Захъай джайнаттиъ ахьасе.
Ӏиса кӀиная
44СеӀет цӀеӀударис кӀилди джилил мучӀ атӀуная сеӀет хьибударисттегьен, 45рагъ гулуна. Аллагьдин хулаъ Гирами мукьуйик кея парда, яӀанилас чӀургъуна, Ӏу кьатӀ хьуная. 46Ӏисайи, гьавайикес гъургъуна, пуная:
– Дад! Ве гъилиди ицӀандея Зун Зе руьхӀ.
Гьегера пуна, Ӏисайин руьхӀ дивуная. 47Эскерарин хӀатти, гисаъ хье кар агуна, Аллагьдис шукур акьуна, пуная:
– ХӀекьданди, ге инсандик тахсир кидавуйи.
48КӀилди гисаъ завал хьуна халкь, гисаъ хье кар агуна, чиппин мухурис гъурданф аркьай далгъуная. 49КӀилди Ӏисайис ягӀаттара, Гихъай Галилеяйиас мич адина хумбара, вархайилас хъуттурфанди гъузуна ахьуная.
Ӏиса некьвариъ икӀуная
50Гисаъ ахьуная са Юсуф агъа юркӀуран дуз идже инсан. Юсуф гӀахьуная Ӏисайин диван аркьа инсанаригӀ, 51амма ге рази хьуна адава Ӏисайис гебури аттивуна, акьу диванил. Ге Юсуф хьуная ягӀударин Аримафей агъа шагьурдиас, гъузунаф Аллагьдин Паччагьвелдихъ. 52Юсуфа, ушуна Пилатагьди, тӀалаб акьуная Ӏисайин майит. 53Юсуфа, кеттивуна Ӏисайин майит, гӀадиджина кафанигӀ, дагьар атӀуна икӀуная некьвдиъ. Тисаъ гегунасттегьен садра икӀуна ахьуна адава. 54ДжумӀе ягъан гӀуьбехъмин гагь хьуная, вей хьуная киш ягъ. 55Галилея дерейиас Ӏисайихъай адина уйи хумбарисра агуная Гин некьвра, Гин майит некьвариъ икӀайра. 56Тисаас адегуна, ге хумбари хӀезур акьуная батӀар ниъ хъая ччамар. Киш ягъа гебури са кара акьуна адава, Мусайин Закуниъ ликӀинаф суман.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Библия тарджума аркьа институт, Москва, 2005