GENESIS 30
30
Rachel Emen Bilhah Ofin Aŋwan Esie Ɔnɔ Jacob Ɔdɔ
1EKEM adaŋemi Rachel okutde ete ke imɔ imanke eyen inɔ Jacob, Rachel ofibe ufip ye eyen-eka esie; onyuŋ ɔdɔhɔ Jacob ete, Nɔ mi nditɔ, midige 2nyekpa. Ndien Jacob ayat esit ye Rachel: enye onyuŋ ɔdɔhɔ ete, Nte ami ntie ke ibuot Abasi, emi 3esinde fi nsen idibi? Ndien Rachel ɔdɔhɔ ete, Se Bilhah ofin aŋwan, dɔ enye; enye eyenyuŋ aman ke edɔŋ mi, ndien ami ŋko nyekut nditɔ eke etode enye ke idem. 4Ndien Rachel ɔnɔ enye Bilhah owo esie ɔdɔ; ndien Jacob etiene enye.
5Ndien Bilhah oyomo, onyuŋ 6aman eyen-eren ɔnɔ Jacob. Ndien Rachel ete, Abasi ama ekpe ikpe mi, ama onyuŋ okop uyo mi, onyuŋ ɔnɔ mi eyen-eren: mmɔdo 7osiode enye enyiŋ Dan. Ndien Bilhah, owo Rachel, ɔtɔŋɔ ntak oyomo, onyuŋ aman eyen-eren 8eŋwen ɔnɔ Jacob. Ndien Rachel ɔdɔhɔ ete, Mmaŋwana ata akwa eŋwan ye eyen-eka mi, mma nnyuŋ ŋkan: ndien osio enye 9enyiŋ Naphtali. Ekem adaŋemi Leah okutde ete ke imɔ imetre uman, enye ada Zilpah ofin aŋwan 10esie, ɔnɔ Jacob ɔdɔ. Ndien Zilpah owo Leah, aman eyen-eren ɔnɔ 11Jacob. Ndien Leah, ɔdɔhɔ ete, Udim ke edi: ndien osio enye 12enyiŋ Gad. Ndien Zilpah, owo Leah, aman eyen efen ɔnɔ Jacob. 13Ndien Leah ete, Iso ɔfɔn mi, koro iban eyedɔhɔ ete Iso ɔfɔn mi: ndien enye osio enye enyiŋ Asher.
14Edikem, ke ini ukpeŋe ibokpot, Reuben aka okokut mfri eto-ima ke iŋwaŋ, ada mmɔ ɔsɔk Leah eka esie. Ndien Rachel ɔdɔhɔ Leah, ete, Mbɔk, nɔ mi mfri eto-ima 15eyen fo esit. Ndien Leah ɔbɔrɔ enye, ete, Nte eribɔ emi afo ɔbɔde mi ebe mi edi ekpri? ɔmɔŋɔ ɔbɔ mi mfri eto-ima eyen mi ŋko? Ndien Rachel ɔdɔhɔ ete, Mmɔdo enye eyedaŋ ye afo ke okoneyo emi ke esit mfri eto-ima eyen fo. 16Edikem, Jacob oto ke iŋwaŋ edi ke mbubreyo, ndien Leah ɔwɔrɔ edisobo ye enye, ndien ɔdɔhɔ ete, Duk tiene mi; koro mmedep fi ke mfri eto-ima eyen mi. Ndien enye adaŋ ye Leah ke okoneyo 17oro. Abasi onyuŋ okop uyo Leah, ndien enye oyomo, onyuŋ aman eyen-eren ɔyɔhɔ ition ɔnɔ Jacob. 18Ndien Leah ɔdɔhɔ ete, Abasi ɔmɔnɔ mi utip mi, koro ŋkɔnɔde ebe mi ofin aŋwan mi: ndien enye 19osio enye enyiŋ Issachar. Ndien Leah ɔtɔŋɔ ntak oyomo onyuŋ aman eyen-eren ɔyɔhɔ itiokiet ɔnɔ Jacob. 20Leah onyuŋ ɔdɔhɔ ete, Abasi ɔmɔnɔ mi eti enɔ; ke emi, ebe mi eyeduŋ ye ami, koro mmaman nditɔ-iren itiokiet nnɔ enye: ndien osio enye enyiŋ Zebulun. 21Amana, enye aman eyen-aŋwan, onyuŋ osio enye enyiŋ Dinah.
22Edikem, Abasi eti Rachel, Abasi onyuŋ okop uyo esie, onyuŋ 23esirere enye idibi. Ndien enye oyomo, onyuŋ aman eyen-eren: ndien enye ɔdɔhɔ ete, Abasi ama 24odorode mi but; enye onyuŋ osio enye enyiŋ Joseph: ete, Jehovah eyedian eyen-eren eŋwen ɔnɔ mi.
25Edikem, ke adaŋoro Rachel ama akaman Joseph, Jacob ɔdɔhɔ Laban, ete, Yak mi nnyɔŋ ke ebiet 26mi, ye edem mi. Nɔ mi iban mi ye nditɔ mi, emi mma ŋkanam utom nnɔ fi ke esit, nda nnyɔŋ: koro afo ɔmɔfiɔk utom emi mma 27ŋkanam nnɔ fi. Ndien Laban ɔdɔhɔ enye, ete, Mbɔk, edieke afo amade mi, (tie): mmokut nte Jehovah 28ɔdiɔŋde mi abaŋa fi. Enye onyuŋ ɔdɔhɔ ete, Siak utip fo nɔ 29mi, ke nyenɔ fi. Ndien Jacob ɔdɔhɔ enye ete, Afo ɔmɔfiɔk nte ŋkanamde utom nnɔ fi, nte ufene 30fo onyuŋ odude ye ami. Ŋkɔm, se idide okuo ekekpri ke mmeŋkedige kaŋa, ndien amasiaha ediwak; Jehovah omonyuŋ ɔdiɔŋ fi ke ikpat isaŋ mi: ndien ke ini ewe ke ami ndinam naŋa eke ufɔk mi 31nde? Ndien enye ete, Ndinɔ fi nso? Ndien Jacob ete, Udunɔhɔ mi ŋkpɔ ndomo kiet. Amakam anam emi ɔnɔ mi, nyetɔŋɔ ntak mbɔk ufene fo nnyuŋ ŋkpeme. 32Nyebe ke otu kpukpru ufene fo mfin emi, ndianare kpukpru ntɔi-ntɔi ye kpukpru ŋkem-ŋkem, ye kpukpru obubit ke otu erɔŋ, ye ŋkem-ŋkem ye ntɔi-ntɔi ke otu 33ebot: utip mi edina ntem. Ndien eti ido eyebɔrɔ abaŋa mi ke ini iso, ke adaŋemi afo edidide ndise utip mi ke iso fo: kpukpru eke midige ntɔi-ntɔi ye ŋkem-ŋkem ke otu ebot mi, ye obubit ke otu erɔŋ 34mi, edi ŋkpɔ inɔ ye ami. Ndien Laban ɔdɔhɔ ete, Ntre, yak edi ke 35ikɔ fo. Ndien ke usen oro enye adianare ekpaŋ-ekpaŋ ye ŋkem-ŋkem okpo ebot, ye kpukpru ntɔi-ntɔi ye ŋkem-ŋkem uman ebot, kpukpru eke afia odude ke esit, ye kpukpru obubit ke otu erɔŋ, ada esin nditɔ-iren esiemɔ ke ubɔk. 36Ndien enye esin usuŋ usen ita ke ufɔt Jacob ye enye: ndien Jacob ɔbɔk ufene Laban eke esukde.
37Ekem, Jacob ada ŋkpri nsek eto poplar, ye hazel, ye chestnut, onyuŋ ayaŋade ikpɔk mmɔ anam 38afia ɔwɔrɔ ke ŋkpri eto oro. Ndien enye ada ŋkpri eto oro enye akayaŋade ntem, esin ke udiɔŋ-mmɔŋ ke akwa-uŋwɔŋ-mmɔŋ emi ufene edide ndiŋwɔŋ do, ke iso ufene; man eyomo ke ini edide 39ndiŋwɔŋ. Ndien ufene eyomo ke ɔtɔ ŋkpri eto oro, ufene enyuŋ eman ekpaŋ-ekpaŋ ye ntɔi-ntɔi, 40ye ŋkem-ŋkem. Ndien Jacob abahare nditɔ mmɔ, onyuŋ ɔnɔ iso ufene ese ekpaŋ-ekpaŋ, ye kpukpru obubit ke ufene Laban: onyuŋ onim mme udim esiemɔ ke ebiet efen, inimke mmɔ ye ufene 41Laban. Edikem ke adaŋemi mkpɔsɔŋ ufene eyomode, Jacob onim ŋkpri eto oro ke iso ufene ke udiɔŋ-mmɔŋ, man eyomo ke otu 42ŋkpri eto oro. Ndien ke adaŋemi ufene eferede, enye inimke: ndien mfefere edi eke Laban edi 43mkpɔsɔŋ eke Jacob. Ntem ke owo oro oforo eti-eti, onyuŋ enyene ediwak ufene, ye ifin iban, ye ifin iren, ye camel, ye ass.
Currently Selected:
GENESIS 30: ENA
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Efik Old Bible With Sectional Headings © Bible Society of Nigeria, 2013, 2019.