Mataio 4
4
1Nou taâuwa Tanaâurioro Iesu burubatito naibaha emaduduomai. Ubaâurioro nou naibaha ematuhutituti. 2Wia nouvia hiwiora duora 40, nou dou iho biahai wia nou doâoudo dou niroro naibaha aai. 3Ina ubaâurioro naibaha owouro nouido naiba aro: Ina rovia Iehova Mereri, taro akabuionu neido, nei taiwaevia dou aibo aratidiaimoi. 4Wia Iesuro nou naibaha omowameai naiba aro: Titi naibaha iati, Dubu dou gauwoha ihowa nou kiiro owea raihe; Iehova maataudo koâu wadeâi auwoha noudo nou kiiro koweari. 5Ina ubaâurioro Tanaâoopoito nou naibaha owouro wia Tanaâmoto gimini bari ohuwa nouro nou naibaha owomi.
6Wia nouro nouido naiba aro: Ina rovia Iehova Mereri, ro himiaro taramehua, mabu nouri, titi naibaha iati;
Nou himia gururuâoubido nouro modobo aiwaiâmaati, neiio ro meaha eaurimoi;
Neiio ro meaha aiwaimoâohidioi, ro kono akaburo omodoria tore.
7Iesu nouido naiba aro: Titi ata naibaha iati, Iehova ro Urioâabeari roro ematuhe aue. 8Ina ubaâurioro nou auwo tutu akabu barito naibaha owaboiiaro wia bububati auwoha, oopo gemawa, nouro nouido naibaha iwaevia wia nei himia tiaha tiaha sovio nanaâi nei ramu. 9Wia nou nouido naiba aro: Ina ro mo hohowa aiwamohiti wia moido aiwaroboriatuti, nouri nanaâi auwoha moro roido ainamaati. 10Ina Iesu nouido naiba aro: Satana, ro noudo tatateai taâu, mabu nouri titi naibaha iati; Rovia Iehova, ro himia Urioâabea, roro nouido koroboriaiha waroboriatuti, wia ro nouido gauwoha komotoiha wamatoidiotuti. 11Nou taâuwa uba urioro Iesu naibaha emeheai ina gururuâoubi naibaha oroworuomo wia nou naibaha omotoboaumo.
12Wia nou tauwa Ioane durii daimowa tau ibia, ina Iesuro naibaha orovidio, nou Galilaito naibaha araiwai. 13Wia Nasareta nouro naibaha emeheai wia nou Kapanaumaito naibaha oâuro wia nouowa nou naibaha emidio, oopo nouri auwo turi barawa airoa, Sebuluna batibatiwa naiba Napatali batibatiwa. 14Nouri kiao wade naiheha iwai naiba Isaia peroveta duburi tau aro, Nou naiba iaowa;
15Sebuluna batibati wia Napatali batibati auwoâturi tariwai,
Ioridana ata hapuowa,
Galilaia nou douboi oubi batiri;
16Nouri oubi nei duriiwa emidiotutiumo,
Auwo pida neiio aioweaumo,
Wia nouri oubi koroihi batiwa wia koroihi gudibowa
Naibaha emidiotutiumo, neido pida naibaha iororo.
17Wia taâui noudo Iesuro itomui naibaha iai wia nou naiba aro: Rio imini taiimowaâimo nouri Toboroâbububati nouvia tariwai.
18Wia Iesuro Galilaia auwoturi barawa naibaha oroho wia Simona, paina ata idodo Pita, wia nou niama, paina Anederea, nouro naibaha iaurimama, neiti auwo turi obowa kamahu eheâeudo nouri neiti na kirobo mere neewari. 19Wia neitido nou naiba aro; Mo dooudo taâudo wia oubi kiroboido moro rieiti ainaiâatidiaimamai. 20Nou taâuwa kamahu neitio naibaha ebeedeudo wia nou dooudo neiti naibaha orobodoudo. 21Wia nou mabudo nouro idaâu idaâu wia niamara namura ata neewa nouro naibaha iviamama, Iakobo, Sebedaio mere, wia Ioane nou niamari. Neiti pewa iroiidiomama, neiti himia abea Sebedaio badi, neiti himia kamahu imaâoutiudo wia nou neitido naibaha ituamama. 22Wia nou taâuwa neiti himia abea pe ramu neiti naibaha emeheaudo wia nou dooudo neiti naibaha orobodoudo.
23Wia Iesu Galiaia batibati modobo naibaha orohotuti, wia oubido sunagowa nouro naibaha imatomudiotuti wia bububati paiâmea nouro naibaha itomututi wia kaupi oubi auwoha, uba kiroâuti oubi auwoha, nouro meaha naibaha imowaidiotuti. 24Ina nou pai, Suria batibati modobo naibaha orowaduutituti; wia oubi auwoha nei goho mea biahai wia oubi nei kaupi ramu wia tiaha tiaha temeteme ramu, wia oubi nei uba urio ramu wia koiioi oubi wia muâo ramu oubi, neiio nouido naibaha iworohoumo ina Iesu nei meaha naibaha iwaituti. 25Wia oubi piipiiha nouido naibaha orobodowaumo Galilaiaudo wia Dekapoliudo wia Ierusalemaudo wia Iudea hapuoudo wia Ioridana ata hapuoudo.
Currently Selected:
Mataio 4: KXW1941
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1941.