O KEJADIAN 2
2
1De ibötoka o dunia deʼ o dihanga mata-mataika Wohidadi. 2#Ibr. 4:4, 10 #Kel. 20:11 O wange matumidoka ma Jou wabötoka Ai manarama gënanga, done Unanga womahi batongo. 3Done Wohibarakati o wange matumidoka gënanga deʼ Wadiai o wange wohitinga-tingakoka, karana o wange gënanga ipaha deʼ Waböto Ai manarama gënanga, done Unanga Womahi batongo. 4Genanga o dunia deʼ o dihanga Wohidadi majarita.
O Eden ma Madumule
Maöraha ma Jou Madutu wodiai o dihanga deʼ o dunia, 5koiwahi o gihihi itori-tori deʼ koiwahi naga hadödato-datomo o duniaka, karana ma Jou Madutu wohigutiuahi o awana de moiuahi naga o nyawa mangale yamanarama o tonaka gënanga. 6Mä o akere imulaenge iolu o tonakika deʼ yapehaka o dunia mal̄okuino.
7 #
1Kor. 15:45
Ipaha ma Jou Madutu wal̄ë otonaka mahuhutulu Watüku idadi o nyawa moi, dahaö wohiwuwu o womaha ihidöa-döaka o ngango ai ngunungu mapidahil̄e; ho wowango o nyawa gënanga.
8Genanga de iböto ma Jou Madutu wodiai odumule o Edenoka, o wange mahiwaroko, deʼ o nyawa wohidadioka gënanga wihigogere genangokadau. 9#Him. 2:7, 22:2, 14 Ma Jou Madutu wohiwango hagala irupa ogota maröehe ihöhailoa, deʼ mahohoko o hohoko maoa-oa. O dumule mahidö-dogoronaka iwango ogota maröehe ihidöa-döaka o ngango deʼ o gota maröehe ihidöa-döaka o ganako mangale maoa-oa de ma dorou.
10O ngairi moi ihahuru o Edenino, yapehaka o dumule gënanga: deʼ o Eden maporetoka o ngairi gënanga iregu idadi mahago o gahumu iata. 11Madodihiraka maromanga o Pison; o ngäiri gënanga i hahuru yakiloliti o Hawila matonaka. 12Genangoka yamake o gurasi madutu deʼ i böbou-bounu ihuha yamake, ikali o helewo i höhailoa. 13O ngäiri mahinotoka maromanga o Gihon; ma akere ihahuru yakiloliti o Kus matonaka. 14O ngairi mahangeoka maromanga o Tigris ihahuru o Asyur matonaka o wange mahiwaroko. O ngairi maiatoka maromanga o Efrat.
15Ipaha ma Jou Madutu wihigogere o nyawa gënanga o Eden ma Dumuleoka la wakarajanga deʼ wapaliara o dumule gënanga. 16Ma Jou Madutu witemo o nyawaika gënanga, ”Ngona yakunu naol̄omo mata-mata o gota mahohoko o dumuleoka nënanga, 17sawaliua o gota mautu ihidöa-döaka o ganako mangale ma oa-oa deʼ ma dorou. Mahohoko yakunu ngona naol̄omo; nako ngona naol̄omo, ngona maraioka nohonenge o wange gënanga dika.”
18Inoli ma Jou wotemo, ”Itorou o nyawa wowango woma tengoka. Ngohi aha todiai ai dodiawo tihïhabi la miriwo-riwo.” 19Done Unanga wal̄e o tonaka mahuhutulu deʼ wodiai hagala i rupa o aiwani o dudungoka deʼ o aiwani o gitawaka. Mata-mata ma Jou Madutu wao o nyawaika gënanga la wolega o romanga okia aha wohidoaka o aiwanika gënanga. Genanga ma ahalika kade mahirahi o aiwani o dudungoka deʼ o gitawaka yamake oromanga moi-moi. 20Hoko gënanga o nyawa gënanga wohidoaka oromanga mata-mata o dudungika ma aiwani deʼ o gitawaka. Mä mahidogoronaka kamoiö deʼ koiwa yakunu idadi ai dodiawo imakahabi la iwï riwo-riwo.
21Dahaö ma Jou Madutu wodiai o nyawa gënanga iwi kioko ai nihu-nihuku, deʼ ai gogiokoka, ma Jou Madutu wohihupu ai gumuruku makobongo moi o nyawa gënanga ai roëhino, dahaö mario wohi tamunu deʼ o akeme. 22De o gumuruku ma kobongo gënanga ma Jou Madutu wodiai ongoheka momatengo, dahaö womiao o nyawaika gënanga. 23Done o nyawa gënanga wotemo,
”Nënanga ena, o nyawa imatero dede ngohi–
o kobongo ahi kobongino, deʼ o akeme ahi akemino.
Tohi romanga ena o ngo heka, karana münanga o naurino deʼ wol̄ë.”
24 #
Mat. 19:5; Mark. 10:7-8; 1Kor. 6:16; Ef. 5:31 Genanga mahababu o nyawa o nauru yämal̄aika manga ama de manga ayo deʼ yorimoi deʼ manga hekata, daha yahinotö yodadi moi.
25O nauru deʼ ongoheka gënanga kamanga hekonoka, mä önanga yamaoua o mal̄eke.
Currently Selected:
O KEJADIAN 2: TLB
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena