LUKAS 15
15
Domba di srawir
(Mat. 18:12-14)
1 #
Luk. 5:29-30
Mpe di gom bu yo di igya tindei belasten bigyem tungwatu nya imuhup kin yo di ikinei-kinau nindigsi nya ikwei bingig itingou mem Yesus nihyet. 2Noro Farisi nya kin guru Puig Yahudi nicukti nya sindi inso tut bipai “Mei! No dima ya um yo di ikinei-kinau nya biyem njita bit yok!” 3Gima rino Yesus pai nihyet nibit nindati biyok,
4“Gino jigom hyen kep nide domba ningut sratus gom noro domba gom srawir lene noni mibon ndei notou i? Noni mikes nindigsi di ningot muhwindatai ba, muhwindatai ei abris nghousi leu api ug nggok gi hi di srawir kikau bibou ngat ug e. 5Tirigi noni ttau kep domba di srawir lene nillei ngwig sut leu api kon bikes ei ninghat dip, 6bingkwei hanyen tut ug ei ig bei. Lene noni nduk nisut bat nya kin nide bat nya kwei bipai biyok ‘Ma jingon llei bit da lewo dittau kep domba di pror hanyen tu!’ 7Dipai bije bipia nok gima cem yo di gwamti nya illei ngwig sut tungwagom ngat di bon sisar lo, ttin ser nide sisar bikiek ndam Allah dor njiriek ibou ningot muhwindatai ba, muhwindatai di ikan ingon kwes ba, isuar nittin ser ide sisar bi.”
Mitiei nitig gom di pror
8Gino sindig gom pwoi nide mitiei nitig simnai lo, nitig gom pror leu noni lene noni mibon ndei notou i? Noni mitin mini binjeng lene micok mumpiang bingwig leu nide ig leu api minggok ser mitiei dima bibou ngat ug e. 9Tirigi noni ngat tu ne nduk nisut bat nya kin nide bat nya yahagom kwei bipai biyok “Ma jingon llei bit da lewo dingat mitiei di pror pima hanyen tu! 10Nok gima cem Allah de malaikati nya ei gwamti illei ngwig sut tungwagom ngat di bon sisar bittin ser nide sisar bikiek ndam Allah. Ma jiyok ngon kep dihyet!”
Pinai pilei di pror
11Yesus binut nihyet gom kin bu bipai “Andigpoi gom yai nipmot bat nya ibou can. 12Mot nipumiap bidip huk nicig bipai ‘Arig e, ma akwas ndigban di niba nyekep ei nidipti bu igdo hi tut da nogindini.’ Gima rino nicig kwas ndigban dima hagom tut nipmot bat cin. 13Njap poi kin bu lene mot nipumiap dima tri nide ndigban hagom bingwig bibipek mitiei leu api pwoi hagom bikes nitimieisi ei leu lene mbut tut bihigom. Noni mbut buug ei minu ting bibong ei ningkiaisi. Ei sirima ne noni bimangkrei nide mitiei hagom bingwig ei niyai munti di kinei di srou noni. 14Jei bi tirigi mitiei ngwig leu noni tu lene ninggum nindig bibor nos timiei nya ei minu dima yahagom leu api noni cem nggum bibor. 15Gima rino noni ug yai midyai bit timiei gom ei ningkiaisi dima. No dima cuk noni buug hyen kep na nide nya. 16Noni nggum bibor ba, joi sut ba njita di na nya igyem boom ninghop. Mbro nok gino noni nggum bibor lo, hi kwas njita tut noni bi. 17Jei bi lene noni kan ‘Sicig nide awak nya igyem njita nindig bibor biniken jo noro mbigom simai singgum ei singkiaisi dini! 18Nnaba sikiju bisingkwei hanyen ndam sicig leu api misipai binoni arig e, dibon sisar tut Allah kin nani tu. 19Dem tut gima ajem da nok apmot bu bi noro abibon da noyam kin ade awak di yai midyai bibiyai nimuhup he.’ 20Gima rino noni kiju bingkwei hanyen ndam nicigya.
Tirigi noni ttau ei minu ting lene nicig ngat igbit noni leu api ngondut bisau bidor um noni ba, nggriou nipmot bimei ningyoi. 21Lene mot dima pai bak nicig ‘Arig e, dibon sisar tut Allah kin nani tu. Dem tut gima ajem da nok apmot bu bi.’ 22Noro nicig hig nide awak nya kwei bicuk yok ‘Jibipbur ba, juug yai sinsun di nibok kak kwei ba, jijuk ei noniti. Jikes srak mas ei ninda pijumti ba, jikes srop ei nimig jouti. 23Juug ba, jijem sapi nehen pap di pap-nap kei bijibui bijibam leu api yahagom ibon pesta kin ingon di llei bibor! 24Lewo dipmot dini mai su noro niyaijo hanyen bu. Nipou ne noni srawir leu da noro dingat ningat bou diyai him hanyen tu.’ Pai nok leu api yahagom ibon pesta nindig bibor.
25Mpe dima lene nipmot mighumbou yai midyai ei miai ngwoisi. Tirigi noni ngkwei hanyen bikwei ei dideu nide ig lene miap lo, ipai doia ba, ibien-bien nyen cem. 26Gima rino noni hig awak gom kwei bihig ser noni ‘Ibon mindei ei ig bei i?’ 27Awak dima buhup ‘Akinjoi kwei hanyen tu. Gima rino acig bui sapi nehen pap lewo nipmot nipumiap ningwes ngun bingkwei hanyen ndam nicig tu.’
28Lene mot mighumbou ningon sibui nindig bibor bikou sut gima coi ug ei ig bei. Gima rino nicig hei kwei bibidip huk noni leu binhyepo coi kwei ei ig bei bit noni. 29Noro mot dima buhup ‘Dicom dahanggwap dem kep nok ade awak kikau mem ari bingwam mang bibor tu. Mbro nok gino dibon mun tunggwei ahyet bi lo, akwas kambir ningut gom tut da mem dibui bidibon pesta bit disut bat nya bi. 30Noro apmot nipumiap dima bimangkrei ade ndigban bingwig bit sop sundal nya noro tirigi noni ngkwei hanyen lene abui sapi nehen pap kep nikweisi!’ 31Lene nicig buhup ‘Dipmot na e, abong bit da kikau su ba, mun di dinyeng tut nya hagom rinok ade cem. 32Noro suar nyeni ibon pesta bingon llei bibor drek dip akinjoi di mai su lo, niyaijo hanyen bu. Noni pror leu nye noro dingat ningat bou diyai him hanyen bu tu.’ ”
Currently Selected:
LUKAS 15: HAD
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena