Махьтвеест 15
15
Выттэмплогант алкхэш.
1Танна пуэттеб Исузе горра Іерусалим кирь‐кидэ и фарисее, и сарнеб:
2Мэзэ тонэ уэпсуввэе іеллеб поарсай віерэ вуэста? іеб сій пэзэ кидійдис, куэсь поррэб ліейбе.
3Ну соп цилькій синій вуэста: мэзэ и тій туешеппед пайель Иммель пахкмуж иджант віер гуэйк?
4Тэн мильт што Иммель пакай: логэ аджант еаннант шуррен; и кіе тонэ адже, іене афк, ань сор?-?мас ям.
5А тій сарнбеттед: кіе цилькинч ачча, или еанна: лайх Имла ли тэт, мэйн тон оайчих мунст віек?-?хуввэд;
6Тэт оай аджес іеннес куттед логханна. Тэй налій тій паго цэйлійт Иммель пахкмуж иджант віерыйн.
7Тій кухтла! пуэрест Исайя сарнай тинэ баяс пророк сагыйт, куэсь сон цилькій:
8Так олмо пуэттеб мынне альтла няльмис гуэйм, и аньтеб мынне цыст нюхчмійн; а синэ кутьк ли куэх?-?кен мунст.
9А пусьтійт мынне цыст аньтеб, готь уэпсеб матьхемужійт, олмый пахкмужійт.
10И коччай олмыйт, цилькій сійе: куллэд и антшеккед!
11Ій тэт, ку ман нялма, туешт олмо тортмуссен; а тэт, ку вуэлк няльмест туяшт олмо тортмуссен.
12Танна сонэ уэпсуввэе путтин и сарнун сонне: тіедах, ык, што фарисее, куэсь сій куллин тан сане, віерхуввин?
13Ну сон сійе цилькій вуэста: юкке шэнтмуш, кон ій мунэ аль‐ачь ыштханч, лянч ротьянч оантсис гуэйм.
14Куттед синыйт: сій ліеб чальмхемій чальм?-?хемес оахпас; а го чальмхем вык чальмхеме, то кухто іоррэб авта.
15А Піедар сонне цилькій вуэста: ціельк мійе тан арвдэз.
16Исус цилькій: вае и тій вял іеппед антешт?
17Вай эвте тій іеппед тольхке, што пук, ку поат нялма, ман чоавя, и суэхпъюв олгус?
18А няльмест вулькей ліехт кутькест; тэт торт?-?махт олмо.
19Тэн гуэйк што кутькест вулькеб пас юртэг, контмуж, ріекь верес капкій‐гуэйм, суэлнэмуж, килес уйнее‐сане, лайхтмуж.
20Тат торхк олмо; а пэзханенч кидій‐гуэйм поррэд, и торьк олмо.
21И ливтій Исус тампе и вульгій Тирэ и Сидон іемня.
22И кич, нызан Хананланч ливтій тэйн сэійн и кукхэлый сонне: путь мынне лавведвудэ, Господи, Давыд альк! мунэ нійт лосдиньне кэпшт цурьтій майнест.
23А сон ій сарнанч сонне ни эвт сане вуэста. И сонэ уэпсуввэе путтин, аннун сонст: лушьт сонэ, тэн гуэйк што кукхэл миный мильт.
24Ну сон цилькій вуэста: Мун лям вулкханч, ым нумбій варас, а Израил пэртэ майкьянч ламбсійт.
25А сон пудій альтла, коммэрдэлый сонне, и сарнай: Господи! віекехт мунэ.
26Ну сон цилькій вуэста: илля шиг вальтед ліейбе, и суэхпед піенгійт.
27Сон цилькій: нит, Господи! а и піеннэг поррэб чувкхэзійт, кок кэчнеб синэ хозьеній туэлест.
28Танна Исус цилькій сонне вуэста: ой, нызан‐олмунч, шур ли тонэ віер; ань тонне лянч тонэ тахтмуж мильт. И тирвхувый сонэ нійт теде вуэрест.
29Куэсь Исус вульгій томбе, сон пудій Галилея міерэ лузэ; и мэній тіерьм элэ и ыштій тогэ.
30И пудій сонне іеннэг олмнеттед, кок похтин мильдес лэхкшійт, чальмхемійт, нюхчмахтмійт; кэб‐мур?-?танч олмыйт и еарсійт іеннэг, и ойкьин синыйт Исус юльгій вуэлла; и сон тирвхэттій синыйт.
31Нит што олмо тэвтушшин, го уйнин нюхчмахтмійт сарнем, кэб‐мурьтем олмыйт тирвесн, лэхкшійт воттэттем, и чальмхемійт уйнем; и сій кихтин Израил Иммеле.
32А Исус коччай иджес уэпсувьійт, цилькій сійе: мун шалшам олмыйт, што сій уже колм піейве іеллеб мунэ лунь, илля мэйт сійе поррэд; а мун синыйт порэханна ым тат луштед, што сій іеб шэнтче варест лоаньчас.
33И сарнэб сонне сонэ уэпсуввэе: косьт мійе пусьт пайкест ли тэн віерьт ліейпед вальтед, што пор?-?тед тэн віерьт олмнеттед.
34Сарн сійе Исус: мэн віерьт тинест ли ліейпед? Ну сій цилхкин: киччем, и ванас куэлнеттед.
35Танна пакай олмыйт ыштнед іемня.
36И сон вальдій киччем ліейпед, и кулійт, пась?-?пужій, муртехч и эньтій иджес уэпсувьійт, а уэпсуввэе олмыйт.
37И поррин пук, и калнин; и копчиш куэтьянч куськійт киччем тивт кушшед.
38А поръеттед ляй ніель тофэнеттед олмнеттед, нызнійха и парнайха.
39Сон куэсь олмыйт луштій, сон мэній вэнсе и пудій Магдала чорро.
Currently Selected:
Махьтвеест 15: Kildin
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.