Махьтвеест 21
21
Кухтлогант эхт алкхэш.
1И куэсь сій алтнин Іерусалимме, и путтин Виф?-?фагейя, Елеон тіерьм луз; танна Исус вульгехт кухт уэпсуввэе,
2И цилькій сійе: мэннэд сійте, ку ли вуйкест тиный эвдест; и тедеханна вуэрест ковнбеттед ниӈглэзе осселэ корманч и нур осселэ соныйн; чуэвтед и похтед мынне.
3И готь кіе цилькинч тійе мэйт‐нй; ціельхкед вуэста, што синыйт быт шурре; и вактинне вулкахт синыйт.
4А пук тэлайхте ляй, што лянч тэн мильт, ку ляй сарнманч пайель пророк, ку сарн:
5Ціельхкед Сіон нійте: кич, тонэ цар поат тонэ горра, суэне, ор ниӈлэс осселэ альн и нур осселэ альн, товас осселэ альге альн.
6Уэпсуввэе вулькин, и нит лыккэшкуттин, кохт пакай сійе Исус.
7Сій похтин ниӈлэзэ осселэ и нур осселэ, и пійин синый элэ иджес асгійт, и сон ыштій синый элэ.
8А іеннэг олмнеттед шиттин асгійдис чухко мильт; а мутам чухпин увсійт мурыйн, и шиттин чухко мильт.
9А олмо, кок ваньцип эвдест и кок сахтин, лэӈкин: Осанна Давыд алка! Благословманч ли тэт, ку поат Иммель нэмме! Осанна паймузест!
10И куэсь сон мэній Іерусалимме, омп лань лыкнешкудій, и сарнай: кіе тат?
11А олмо сарнун: тат ли Исус, пророк Галилее Назаріетест.
12И соаӈай Исус Иммель ціерьква, и вуехт пукыйт микьійт и уэстьійт ціерьквест олгус, и комехт ваехеій тулійт, и голуп миккеій ыштем‐сае.
13И сарнай сійе: ли кирьханч: мунэ пэрхт коччай малец‐сане пэрхтен; а тій туешійт сонэ олмо?-?чузэхэльій вуэӈкен.
14И путтен сонне ціерьквест чальмехеммес и лэхкуш; и сон тирвхэттій синыйт.
15Ну куэсь шуремус пап и кирь‐кидэ уйнин уйнахтем туійт, койт сон туишт, и парнайт, кок кукхэллин ціерьквест и сарнун: Осанна Давыд алка! танна сій сіентин.
16И цилькин сонне: кулаха тон, мэйт сій сарнеб? Исус сарн сійе: кулам! Іеппеда тій локманч ни куэсь: уць парнай и раньт‐парнай няльмійн Тон туе?-?ших кихтмуж?
17И кудій синыйт, ливтій олгус ланнест Ви?-?фанейе и тампед ійиди.
18А инцек, куэсь сон маст махцель ланна, порссувый.
19И сон уйній чуэкас гурест эвт смоква‐мурэ, и пудій сонне альт; и готь сонст ій ковнма ни мэйт го эвтійт лэстійт, сарн сонне; иллинче тонст эвдус ни куэсь шантайт айк баяс. И смоква‐мур тестханна кошкый.
20Куэсь уэпсуввэе тан уйнин, сій тэвехушшин, и сарнун: кохт тэн вактинне кошкый смоква‐мур?
21Ну Исус цилькій сійе вуэста: вуйкест тійе сарнам: анешкудэниппед віерэ, и іеппед пусьтійт юрь?-?тешкудне, танна іеппед линче эвте тэн туе туешед, ми ли туешанч смоква‐мурре, а го тій ціельхбеттед тан тярма: пайен и іорэ міерре, нит и лянч.
22И пук, мэйт тій анэнеппед малец‐санійн віе?-?райн, вальтбеттед.
23И куэсь сон пудій ціерьква, и уэпест; путтин сонне шуремус пап и поарсемуз олмыйн, и цильхкин: кіен тон валтайн тан туешах? И кіе тонне эньтій мукка валт?
24Исус цилькій сійе вуэста: кэджам и мун тинест эвт баяс: готь тій цилькниппед мынне, нит и мун тійе цялкам, койн валтайн тан туешам.
25Косьт ляй Эвван рыстмуш: эльмійн али олмыйн? Сій кэскнис юрьтин: готь ціельхкеп эльмійн, то сон цялхк мійе: мэн гіеччен тій танна іеппед вирманч сонне?
26А готь ціельхкеп: олмыйн; пэллэп олмыйн; тэн гуэйк што пук логэть Эвван пророккен.
27И цильхкин Исуссе вуэста: іеп тиде. Цилькій сійе и сон: и мун тійе ым ціельк, койн валтайн тан туешам.
28А махт тинэ милест ли? Эхтед олмусьт лійин кухт альг; и сон пудій автьмузе лузэ, цилькій: альк, мэнэ и туешт тарьм мунэ вын‐айдест.
29Ну сон вуэста цилькій: ым тат; а маӈьлест табэхувый и вулькій.
30И мэній нумпа, цилькій тэн‐ше. Тат цилькій вуэста: вуэлгам, шур; и ій вуэлканч.
31Ку куэхтсест якхэлый аджес пахкмуж? Сій сарнеб сонне: автьмус. Исус сійе сарн: вуйкест сарнам тійе, што мыттаре и оаккэе нызан эвтель тинэ мэннеб Иммель царства.
32Тэн гуэйк што пудій тійе Эвван вуйкедвудэ варайн; и тій іеппед вирманч сонне: а мыттаре и оаккэе нызан виррин сонне; а тій хошше и уйнійт тан, іеппед кайдэтманч маӈӈа, што вирред сонне.
33Куллэд нумпь арвдэз: ляй мутта пэрт хозьен, ку ыштехт вын‐айде, пыр цяӈгай айдайн сонэ, рабай сонст вын‐авде, туишт башьн; и эньдій сонэ вын‐айтникійт, и вульгій паго.
34А куэсь пудій шантай паль; сон вулгехт иджес пахкам‐олмыйт вын‐айтникій лузэ, вальтед иджес шантайт.
35Вын‐айтник табхин сонэ пахкам‐олмыйт, мутам куппин, мутам коньтин, а мутам кидкій‐гуэйм куппин.
36Овта вулгехт нумбійт пахкам‐олмыйт, іенамп эвтлинчед; и синый гуэйм туешин нит‐ше.
37Маеӈмуссе вулгехт иджес альг сійе, сарнай: сій окнушшеб мунэ альге.
38А вын‐айтник, куэсь уйнин альге, ціельхкеб нумпь нумпас: тат лянч еал‐анней; вуэлкеп, контака сонэ и валтака сопэ куэтьее еалэ.
39И табхен сонэ, виккин олгус вын‐айдест и коньтин.
40Тэн гуэйк, куэсь пудинч вын‐айде хозьен, мэйт сон іелешкоат тай вын‐айтникій‐гуэйм?
41Сарнеб сонне: тайт пас‐олмыйт ант пас сорма, а вын‐айде сон ант нумбійт вын‐айтникійт, кок линчин аньтед сонне шантайт синэ палій мильт.
42Исус сарн сійе: іеппеда тій локманч ни куэсь кирьійн: кіедг, кон туешее олмо сухпьин, тэт шэндій угл‐уэйвен; тат ли Имлест, и ли тиввен минэ чельмійн?
43Тэн мильт сарнам тійе, што лянч валтланч тинест Иммель царства, и лянч антанч олмыйт ку похт сонэ шантайт.
44И тэт, ку іор тан кіедг элэ, муртлат; и кіен элэ сон іор, тэн пач.
45И куэсь сій куллин сонэ арвдэзійт, шуремус пап и фарисее арьвдин, што сон синый баяс сарн.
46И сій тахтун сонэ табехед; а пэллин олмыйн: тэн гуэйк што анниш сонэ пророккен.
Currently Selected:
Махьтвеест 21: Kildin
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.