Махьтвеест 22
22
Кухтлогант нумпь алкхэш.
1Исус вял сарнай сійе арвдэзій‐гуэйм и цилькій:
2Альм‐царства ли эвт налла цар олмне, ку туешт найм‐туэле иджес альге варас.
3И вулгехт иджес пакэлвэзійт кохчед кохчманч олмыйт найм‐тоалла; и іеб тахтманч пуэттед.
4Овта вулгехт нумбійт пакэлвэзійт, цилькій: ціельхкед кохчманч олмыйт: кич, мун валмшим иччан кусь‐вярэ, мунэ вузе и ми ляй портанч, ли контанч, и пук ли валмэш; пуэттед найм‐тоалла.
5А сій іеб якхэлма тэн, а вулькин, кіе иджес пилто, кіе иджес кахпо.
6А еаррас табехин сонэ пакэлвэзійт, окнехтин и коньтин синыйт.
7Кулый цар тэн и сіентый синый элэ; и вулгехт иджес вигэ, майгай пук тэйт контьійт и пульдій синэ лань.
8Танна сон сарн иджес пакэлвэзійт: найм‐туэль ли валмэш; а кочманч олмо іеб линч анехее.
9Тэн гуэйк мэннэд чуэкас ратклэгыйт и пукыйт, кіен ковнбеттед, кохчед найм‐тоалла.
10И тэк пакэлвэз лихтин чухксій элэ, копчин пук, кіейт лышша ковнин, и пас олмыйт и шиг оммыйт; и найм‐туэль коаккань тивд орэій‐гуэйм.
11Цар, куэсь сон пудій кихчед ыштнанч найм?-?туэльникійт, уйній тамбет олмо, ку иллинч тэвэнэтманч найм‐асгій‐гуэйм.
12И сарн сонне: виль! Кохт тон путтих тигэ ык найм‐асгій‐гуэйм? А сон орай инэха.
13Танна цилькій цар пакэлвэзійт: коррэд сонст кидійт и юльгійт, вальтед сонэ и суэхпьеккед олгмус сіевньдессе; тампет лянч луйхкмуш и паній‐гуэйм кацкмуш.
14Тэн гуэйк што іеннэг ли кохчманч, а ванас ли валэшанч.
15Танна фарисее вулькин и кэскнис юрьтин, кохт лихч сонэ шиллед саній‐гуэйм.
16И вулкхэллэб сонне иджес уэпсувьійт иро?-?діаній‐гуэйм, сарнеб: уэпсей! мій титтеп што тон лях вуйкед, и вуйкест уэпсах Иммель кяйн и ык вуллехт ни кіен миллэд мильт іеллед; тэн гуэйк што ык кич ни кой касвай элэ.
17Нит ціельк мійе: кохт тон кичах? ли, иллях луэштанч аньтед чоаӈге Кесарре?
18А Исус ку уйній синэ пасвудэ, цилькій: мэз мунэ кихчлеппед, кухтла?
19Вузехеккед мынне тіеӈге, койн чоаӈк мавсет. Сій похтин сонне динарее.
20И сарн сійе: кіен ли тат ковас и кирь кирьханч?
21Сій сарнеб сонне: Кесаре. Танна сарн сійе: нит аньтед Кесра, мэк ліеб Кесаре, а Имла мэк ліеб Иммеле.
22Куэсь куллин тан, сій тэвэхушшин, куттин сонэ де вулькин.
23Тэн піейве путтин сонне саддукее, кок сарнеб, што иллях (ям‐олмыйт) еаллэемуш, и кэччин сонст:
24Уэпсей! Мойсей цилькій: го кіе ям, и сонст іеб лях парна, тэ сонэ виль ань валт сопэ каппэг иччис, и чуэнчлахт вильлес сіемя.
25Ляй минест киччем вильлед; авдьмунч найхт?-?лэдій и ямій, и го сонст іеб линч парна, сон кудій капкес иджес вильле.
26Эвте налла и нумпь и коалмант и киччант райя.
27А маӈӈа пукый и каб ямій.
28И нит еаллэем‐пале, кіен лянч сійед кичмест сон каб, го сій аннин пук сонэ?
29Исус цилькій сійе вуэста: сякнэнтбеттед, го іеппед тиде кирьхемуж ни Иммель самайт.
30Тэн мильт што еаллэем‐пале іет найхтлэт?-?тут и іет мэннуть куйю, а іелет готь Иммель іеӈкалэ альмест.
31А ям‐олмый еаллэем баяс іеппеда тій локманч, ми ли тійе цялхканч Иммелест:
32Мун лям Абрам Иммель и Иссак Иммель и Яхко Иммель? Иммель иллях ям‐олмый Иммель, а іельій.
33Куэсь олмо куллен тан, тэвэхушшин сонэ уэпсемуж.
34А фарисее, куэсь сій куллен, што сон туешт саддукеійт инэха оррэд, сій коакнин эвт сайя.
35И эхт синест, законнехк, сонэ кихчлем варас кэджій, сарнай:
36Уэпсей! Ку ли шуремус пахкмуш законест?
37Исус цилькій сонне: шабэшт Господэ, иджант Иммеле пукыйн кутькійнант, и пукыйн иӈкыйнант, и пукыйн антшемужійнант.
38Тат ли авдьмус и шуремус пахкмуш.
39А нумпь ли тан налла: шабэшт иджант альтмуз, готь ич иджант.
40Тай кухтед пахкмуж элэ пэштув пук закон и пророк.
41А куэсь коакнин фарисее, Исус кэджій синест:
42Мэйт тій юрьтбеттед Христозе баяс? Кіен сон ли альк? Сій сарнеб сонне: Давыд альк.
43Сарн сійе: а кохт Давыд, вуйӈас мильт, коч сонэ шуррэн, куэсь сон сари:
44Цилькій шур мунэ шурре: ышт уэльгис пялла мунэ, кон райя піям тонэ вуэстлайт тонэ юльгій вуэлла?
45И нит, го Давыд коч сонэ шуррэн; кохт шыт ли сон сонэ альк?
46И ни кіе ій оайянч сонне цилхкед ни сане вуэста; и тэн піейвест ій тустманч ни кіе кэччед сонст.
Currently Selected:
Махьтвеест 22: Kildin
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.