Luca 9
9
Jesupa ichi ome p'ɨrrɨapataɨrã peeda
Mateo 10:5-15; Marco 6:7-13
1Jesupa ichi ome p'ɨrrɨapataɨrã doce p'anɨ ará t'ɨ̃k'ari jua chaarea teasima jaore mietá ãyá jeret'aadamẽrá mãɨnepa k'ak'ua piawẽa be jɨpa beepidamẽrá. 2Mãɨne ãchi peesima Tachi Ak'õrepa ichidirã ichi juade ua bai k'orea jarade wãnamẽrá mãɨnepa k'ak'ua piawẽa be jɨpa beepidamẽrá.
3Wãnai naena Jesupa ãchiá jarasima:
—Mãra wãutade mi ãpia pida ateewãrãt'ɨ. Tuma, neet'á yaaparí, chik'o, erreara sida ateewãrãt'ɨ. Neet'á k'ak'uade jɨ̃ p'anɨawapuru wãt'ɨ.
4Mãɨ wãnak'ari abaɨpa mãrá pia pedeasira mãɨ tede p'aneet'ɨ aba p'uurudepa wãutadea. 5Maamina p'uurudepemarãpa mãrá pia chesidade adaepɨra mãmapema wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.
6Mãɨya wãnak'ari p'uuru becha, Tachi Ak'õre pedea pia jarapachidama mãɨnepa k'ak'ua piawẽa be jɨpa beepik'oapachidama.
Herodepa Jesú k'orea ũrina
Mateo 14:1-12; Marco 6:14-29
7Herode Galilea tuadepema chi chaarea bɨ pasima. Mãɨ Herodepa ãarea Jesupa oo bɨt'a ũrisima.#9:7 Mãɨ Herode Antipa t'ɨ̃ jarapachidama. Ichia k'awa k'ɨ̃risiawẽa basima waapẽarãpa nãɨya jara p'anɨ pẽra:
—Juan chi Porochoaparí chok'ae p'irabarisima.
8Mãɨne waapẽarãpa jara p'anasidama:
—Elía mãicha tachi t'ãena chesima.
Chi waapẽarãpa jara p'anasidama:
—Tachi Ak'õre pari pedeaparí naena bada chok'ae p'irabarisima.
9Mãɨpuru Herodepa jarasima: «Mɨa Juan chi Porochoaparí poro bɨat'u peapisima. Mãɨya bɨt'a chi mãɨ jara p'anɨt'a ¿k'aima?»
Mãɨpuru Jesú unu k'ɨ̃ria basima.
Jesupa ẽpẽrarã joesoma mil p'anɨa nek'opida
Mateo 14:13-21; Marco 6:30-44; Juan 6:1-14
10Jesupa peedaɨrã jĩitea chesidaɨde ãchia oodada ichiá ãarea nepɨrɨsidama. Mãɨya bak'ari Jesupa ãchi Betsaida p'uurudea ateewãsima, ãchi ará p'aneenai k'orea. 11Maamina ẽpẽrarãpa ichi mãma bɨ k'awadak'ari ará wãsidama. Mãɨne Jesupa ãchiá pia pedeak'ari jaratea beesima Tachi Ak'õrepa ichidirã ichi juade ua bɨ k'orea. Mãɨ pedea pia jaratea bɨde chi k'ak'ua piawẽa k'ede jɨpa beepik'oasima.
12K'iumaa beek'ari Jesupa doce peedaɨrã ichimá wãnak'ari jarasidama:
—Ẽpẽrarã́ wãpade ase p'uuru bedea mãɨnepa te bedea, mãma k'ãinamẽrá mãɨnepa chik'o atadamẽrá. Nãma newẽma.
13Jesupa jarasima:
—Mãrapuru nek'opit'ɨ.
Maamina ãchia jarasidama:
—Taipa ne atade wãnai pada nãɨ ẽpẽrarã chi chok'ará p'anɨ pae p'ue nek'opidaiwẽma. P'ana joesoma mãɨnepa beta ume uru p'anɨma.
14Mãma p'anɨ ɨmɨk'ĩirãowa cinco mil p'anasi jĩra bɨma. Mãɨpuru Jesupa ichi ome p'ɨrrɨapataɨrã́ nãɨya jarasima:
—Ãchiá jarat'ɨ ara ãchi k'ak'awá posoa cicicuentá jeeda suak'abari p'aneenamẽrá.
15Ichi ome p'ɨrrɨapataɨrãpa ichia jarada jĩra oosidama. Ẽpẽrarã ãarea suak'abari p'aneesidama. 16Jesupa p'ana joesoma p'anɨ mãɨnepa beta ume p'anɨ ichi juade jitak'ari pajãnea ak'ɨk'ari Tachi Ak'õrea sõpia bɨade asima. Maapae t'oet'aak'ari ichi ome p'ɨrrɨapataɨrã́ jarasima jedadamẽrá. 17Ãareaɨrã nek'odak'ari jãwaasidama. Chi pichoada jɨrɨp'esidaɨde jabara doce ipirupisidama.
Pedropa Jesú k'orea jarada
Mateo 16:13-28; Marco 8:27—9:1
18Ewariaba Jesú itu ɨt'aa chiidimaa bɨde, chi ichi ome p'ɨrrɨapataɨrã ará p'anɨne, Jesupa idisima:
—Ẽpẽrarãpa mɨ ¿k'aiyade a p'anɨma?
19Ãchia p'anoosidama:
—Waapẽarãpa jara p'anɨma pɨ Juan chi Porochoaparipɨ. Waapẽarãpa jara p'anɨma pɨ Eliapɨ. Waapẽarãpa jara p'anɨma pɨ chõarãenapema Tachi Ak'õre pari pedeaparí chok'ae p'irabaridapɨ.
20Mãɨne ichia mãicha idisima:
—Mãrapa mɨ ¿k'ai k'ɨ̃risia p'anɨma?
Pedropa p'anoosima:
—Pɨ Tachi Ak'õrepa Tachi K'aripaparí teai jaradapɨ.
21Jesupa mãɨ mi ãpia pida abaɨa jararãapadade asima. 22Mãɨ awara jarasima:
—Mɨ, chi Ẽpẽra Warra minachia chupuria mĩa baipɨ. P'uurudepema minachia k'awa berãpa, p'aarerã chi mãɨrã chaarearãpa mãɨnepa Moisepa bɨda jarateapataɨrã pida mɨ itu bɨdak'ari peapidaipɨ. Maamina mɨ ewari ũpeaɨde chok'ae p'irabariipɨ.
23Jesupa jõmãɨrã́ jarasima:
—Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari ewaricha minachia mĩai k'orea bai bɨma. Maapae mɨ ome wãi bɨma.#9:23 Minachia mĩai k'orea bai bɨma. Griego pedeade nãɨya bɨ bɨma: ichi k'urusu uai pia bɨma. 24Abaɨ pida nãɨ ĩjũane pia bai k'orea jɨrɨ baipɨra, k'aadea ewari parude ichi atuaipɨ. Maamina abaɨ pida mɨ k'orea piuipɨra, Tachi Ak'õre ome ewaricha chok'ae baipɨ. 25Minachia k'ɨ̃risiat'ɨ: ẽpẽra nãɨ ĩjũane ne ãarea uru bɨde piuk'ari t'ɨpɨ uruadea wãipɨra, ¿ichia uru badapa ichi k'aripaik'ãra? 26Abaɨpa mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea bɨdepa cherude, mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa mãɨnepa chi ichia ɨt'aripa peedaɨrã jua chaarea bɨdepa cheipɨ. 27Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a.#9:27 Ununaipɨ Tachi Ak'õrepa ichidirã ichi juade ua bait'a. K'awadawẽma k'ãre ununait'a. Waapẽarãmá jara bɨma Jesú k'ĩra awara nɨbɨ ununait'a. Waapẽarãmá jara bɨma Jesú chok'ae p'irabarii k'orea, ichi pajãnea wãi k'orea, wa Tachi Ak'õre Jaore chei k'orea.
Jesú k'ĩra awara unupida
Mateo 17:1-8; Marco 9:2-8
28Mãɨya jarak'ari ewari ocho pa bɨde Jesú Tachi Ak'õrea ɨt'aa chiidide wãsima eyadea. Pedro, Juan, Santiago ome ateewãsima. 29Mãma Jesupa Tachi Ak'õrea ɨt'aa chiidimaa bɨde ichi k'ĩra awara unupisima. Ichi neet'á t'ot'oa achiterrea beesima. 30Mãɨya bɨde ẽpẽra ume ará chedak'ari Jesú ome pedeasidama. Aba Moisé pasima; chi abaɨ Elía pasima. 31Ãchi sida k'ĩrawãrea achiterrea p'anasidama. Ãchia pedea p'anasidama Jesú Jerusalene peadai k'orea.#9:31 Jesú Jerusalene peadai k'orea. Griego pedeade nãɨya bɨ bɨma: Jesú wãi k'orea.
32Mãɨya bɨde Pedro waapẽarã ome minachia tap'ok'ea p'anasidamina k'ãinaé pasima. Mãɨne Jesú achiterrea bɨ mãɨnepa ẽpẽra ume ichi k'ait'a p'anɨ ome unusidama. 33Mãɨ ẽpẽrarã Jesú ome p'anana wãutade Pedropa Jesua jarasima:
—Jarateaparí, pia bɨma tai nãma p'anɨt'a. Taipa te chak'e ũpea oodaima: aba pɨ pae, aba Moisé pae mãɨnepa aba Elía pae.
Pedro mãɨya pedeasima ne k'ɨ̃risiawẽa pedeada pẽra. 34Mãɨya bɨde jɨ̃ara edá chek'ari ãchi ãarea t'ausima. Mãɨpuru ãchi minachia wap'easidama. 35Ara mãɨne pedea jɨ̃arane ũrisidama. Mãɨpa nãɨya jarasima: «Nãɨt'a mɨ Warrapɨ. Mɨa ichi jɨrɨ atasima. Ichia jara bɨt'a ũrit'ɨ».#9:35 Isaía 42:1 Ichi jɨrɨ atasima. Griego pedeade chi eda waapẽarã k'art'ade nãɨya bɨ bɨma: ichi minachia k'ɨ̃ria bɨma.
36Mãɨ pedea k'ĩup'eak'ari Jesú ichi tuaba nɨbɨ unusidama. Ãchia ununana minachia tãaraasima mi ãpia pida abaɨa nepɨrɨdawẽa p'anɨ.
Jesupa warra jaore mietá pará bɨ jɨpa beepida
Mateo 17:14-21; Marco 9:14-29
37Norema eyadepa edá chesidaɨde ẽpẽrarã chok'araɨrãpa Jesú ak'ɨde chesidama. 38Mãɨne abaɨpa nãɨya jĩk'ua jarasima:
—Jarateaparí, mɨ k'ĩra chupuriak'ari, mɨ warra ak'ɨse. Mãɨ mɨa warra abapuru uru bɨpɨ. 39Ichi jaore mietá pará bɨma. Mãɨpa ichi chi jai jitapik'ari, mãɨya ichi biapiparima, wawapiparima, mãɨnepa it'aedea k'ok'op'ea nɨbeepiparima. Ichia mɨ warra itu bɨk'ama. 40Mɨa pɨ ome p'ɨrrɨapataɨrã́ jarasima jaore mietá ãyá jeret'aadamẽrá. Maamina p'uedaé pasima.
41Mãɨpuru Jesupa p'anoosima:
—¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.
42Chi warra Jesumá wãrune jaore mietapa jeeda baepik'ari minachia wawapisima. Maamina Jesupa jaore mietá ãyá jeret'aasima. Warra jɨpa beepik'ari chi ak'õrea teasima. 43Tachi Ak'õre jua chaareadepa mãɨyana unusidaɨde ãareaɨrãpa k'awa k'ɨ̃risiadaé pasima.
Jesupa ichi peadai k'orea mãicha jarada
Mateo 17:22-23; Marco 9:30-32
Ichia oo bɨ k'orea ẽpẽrarãpa wapida minachia k'ɨ̃risia p'anɨne Jesupa ichi ome p'ɨrrɨapataɨrã́ jarasima:
44—Mɨa mãrá jararut'a minachia pia ũrit'ɨ. Mɨ, chi Ẽpẽra Warra abaɨpa jitapik'ari, ẽpẽerã́ teaipɨ.
45Maamina ãchia mãɨ k'awa ũrinaé pasima. Tachi Ak'õrepa waidi ãchiá k'awapiwẽa basima. Mãɨne ãchia mãɨ k'orea Jesua ididai wap'ea p'anasidama.
¿K'ai chi atepe bɨma?
Mateo 18:1-5; Marco 9:33-37
46Mãɨya p'anɨne ara ãchi tuaba pedea p'aneesidama k'ai chi atepe k'awa bɨt'a k'awadayá. 47Maamina Jesupa mãɨ k'awada pẽra warra chak'e jitak'ari ichik'á bɨsima. 48Mãɨne nãɨya jarasima:
—Chi mɨne ĩjãa bɨ k'orea nãɨ warrá pia pedea bɨpa, mɨá pida pia pedea bɨma. Mãɨ awara chi mɨá pia pedea bɨpa chi mɨ Peedá pia pedea bɨma. Mãranepema chi ãpia k'ɨrɨ Tachi Ak'õre k'ĩrari chi atepe bɨma.
Tachi chi nek'ĩramaawẽ tachi lawari bɨma
Marco 9:38-40
49Maapae Juanpa nãɨya jarasima:
—Jarateaparí, taipa ẽpẽra unusidama pɨ t'ɨ̃nepa jaore mietá ãyá jeret'aa bɨt'a. Maamina tachi ome niwẽ pẽra taipa ichiá jarasidama waa mãɨya oopiemaapa.
50Jesupa jarasima:
—Mãrapa ichiá waa mãɨya p'ue ooiwẽane arãt'ɨ. Chi tachi nek'ĩramaawẽ, mãɨ tachi lawari bɨma.
Jesupa Juan, Santiago sida ɨtɨada
51Jesú ɨt'aria wãi ewari k'ait'a paside mãɨne Jerusalenea wãyane a k'ɨ̃risiasima. 52Wãrune waapẽarã Samaria tuadea naa peesima. P'uuru chak'ede chedak'ari sãma k'ãinai jɨrɨsidama. 53Maamina mãɨ p'uurudepemarãpa k'awasidama Jesú Jerusalenea wãru. Mãɨ k'orea ichiá pia pedeadaé pasima. 54Mãɨpuru Juanpa mãɨnepa Santiagopa Jesua jarasidama:
—Tai Chipari, Eliapa ooda jĩra ¿Tachi Ak'õrea ɨt'aa chiididaik'ãra t'ɨpɨ urua ɨt'aripa peerupa ãchi ãarea k'enamẽrá?#9:54 Eliapa ooda jĩra. Griego pedeade chi eda waapẽarã k'art'ade mãɨ newẽma. 2 Reye 1:9-16.
55Jesupa ãchi ak'ɨk'ari ɨtɨasima. [Nãɨya jarasima: «Mãra ¿k'ãre k'orea mãɨya pedea p'anɨma?#9:55 Griego pedeade nãɨya bɨ bɨma: Mãrapa ¿k'ãre jaoredepa mãɨya jara p'anɨma? 56Mɨ, chi Ẽpẽra Warra chewẽma ẽpẽrarã piawẽa ooi k'orea mãɨpari che bɨma ãchi k'aripai k'orea».]#9:55-56 Griego pedeade chi eda waapẽarã k'art'ade pedea corchetede bɨ newẽma.
Maapae p'uuru awaraɨdea wãsidama.
Jesú ome p'ɨrrɨai chaarea bɨ k'orea jarada
Mateo 8:19-22
57Ode wãutade ẽpẽrapa Jesua jarasima:
—Jarateaparí, pɨ wãrumá mɨ pɨ ome wãipɨ.
58Jesupa jarasima:
—Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.
59Mãɨne Jesupa awaraɨa jarasima:
—Mɨ ome chese.
Chi ẽpẽrapa p'anoosima:
—Mɨ Chipari, pɨ ome wãi naena mɨ ak'õre itu t'ɨbaripise.#9:59 Mɨ ak'õre itu t'ɨbaripise. Mãɨpa griego pedeade ichiaba jara k'ɨ̃ria bɨma: Mɨa nɨi pará bɨma mɨ ak'õre piurudea.
60Jesupa ichiá jarasima:
—Itu bɨse, chi piudaadapa chi piudada t'ɨbaridamẽrá. Maamina pɨa ẽpẽrarã́ jarade wãse Tachi Ak'õrepa ichidirã ichi juade ua bɨ k'orea.
61Mãɨne waapẽarãpa Jesua jarasima:
—Mɨ sida pɨ ome p'ɨrrɨa k'ɨ̃ria bɨma, maamina mãɨ naena mɨ tiidapemarãmá jarade wãi bɨma.
62Jesupa p'anoosima:
—Abaɨ pida mimiane wãk'ari mãicha ãpɨtea ak'ɨipɨra, ichi pia bɨwẽma Tachi Ak'õrepa ichidirã ichi juade ua bɨde mimiai k'orea.
Currently Selected:
Luca 9: tdc
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.
Luca 9
9
Jesupa ichi ome p'ɨrrɨapataɨrã peeda
Mateo 10:5-15; Marco 6:7-13
1Jesupa ichi ome p'ɨrrɨapataɨrã doce p'anɨ ará t'ɨ̃k'ari jua chaarea teasima jaore mietá ãyá jeret'aadamẽrá mãɨnepa k'ak'ua piawẽa be jɨpa beepidamẽrá. 2Mãɨne ãchi peesima Tachi Ak'õrepa ichidirã ichi juade ua bai k'orea jarade wãnamẽrá mãɨnepa k'ak'ua piawẽa be jɨpa beepidamẽrá.
3Wãnai naena Jesupa ãchiá jarasima:
—Mãra wãutade mi ãpia pida ateewãrãt'ɨ. Tuma, neet'á yaaparí, chik'o, erreara sida ateewãrãt'ɨ. Neet'á k'ak'uade jɨ̃ p'anɨawapuru wãt'ɨ.
4Mãɨ wãnak'ari abaɨpa mãrá pia pedeasira mãɨ tede p'aneet'ɨ aba p'uurudepa wãutadea. 5Maamina p'uurudepemarãpa mãrá pia chesidade adaepɨra mãmapema wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.
6Mãɨya wãnak'ari p'uuru becha, Tachi Ak'õre pedea pia jarapachidama mãɨnepa k'ak'ua piawẽa be jɨpa beepik'oapachidama.
Herodepa Jesú k'orea ũrina
Mateo 14:1-12; Marco 6:14-29
7Herode Galilea tuadepema chi chaarea bɨ pasima. Mãɨ Herodepa ãarea Jesupa oo bɨt'a ũrisima.#9:7 Mãɨ Herode Antipa t'ɨ̃ jarapachidama. Ichia k'awa k'ɨ̃risiawẽa basima waapẽarãpa nãɨya jara p'anɨ pẽra:
—Juan chi Porochoaparí chok'ae p'irabarisima.
8Mãɨne waapẽarãpa jara p'anasidama:
—Elía mãicha tachi t'ãena chesima.
Chi waapẽarãpa jara p'anasidama:
—Tachi Ak'õre pari pedeaparí naena bada chok'ae p'irabarisima.
9Mãɨpuru Herodepa jarasima: «Mɨa Juan chi Porochoaparí poro bɨat'u peapisima. Mãɨya bɨt'a chi mãɨ jara p'anɨt'a ¿k'aima?»
Mãɨpuru Jesú unu k'ɨ̃ria basima.
Jesupa ẽpẽrarã joesoma mil p'anɨa nek'opida
Mateo 14:13-21; Marco 6:30-44; Juan 6:1-14
10Jesupa peedaɨrã jĩitea chesidaɨde ãchia oodada ichiá ãarea nepɨrɨsidama. Mãɨya bak'ari Jesupa ãchi Betsaida p'uurudea ateewãsima, ãchi ará p'aneenai k'orea. 11Maamina ẽpẽrarãpa ichi mãma bɨ k'awadak'ari ará wãsidama. Mãɨne Jesupa ãchiá pia pedeak'ari jaratea beesima Tachi Ak'õrepa ichidirã ichi juade ua bɨ k'orea. Mãɨ pedea pia jaratea bɨde chi k'ak'ua piawẽa k'ede jɨpa beepik'oasima.
12K'iumaa beek'ari Jesupa doce peedaɨrã ichimá wãnak'ari jarasidama:
—Ẽpẽrarã́ wãpade ase p'uuru bedea mãɨnepa te bedea, mãma k'ãinamẽrá mãɨnepa chik'o atadamẽrá. Nãma newẽma.
13Jesupa jarasima:
—Mãrapuru nek'opit'ɨ.
Maamina ãchia jarasidama:
—Taipa ne atade wãnai pada nãɨ ẽpẽrarã chi chok'ará p'anɨ pae p'ue nek'opidaiwẽma. P'ana joesoma mãɨnepa beta ume uru p'anɨma.
14Mãma p'anɨ ɨmɨk'ĩirãowa cinco mil p'anasi jĩra bɨma. Mãɨpuru Jesupa ichi ome p'ɨrrɨapataɨrã́ nãɨya jarasima:
—Ãchiá jarat'ɨ ara ãchi k'ak'awá posoa cicicuentá jeeda suak'abari p'aneenamẽrá.
15Ichi ome p'ɨrrɨapataɨrãpa ichia jarada jĩra oosidama. Ẽpẽrarã ãarea suak'abari p'aneesidama. 16Jesupa p'ana joesoma p'anɨ mãɨnepa beta ume p'anɨ ichi juade jitak'ari pajãnea ak'ɨk'ari Tachi Ak'õrea sõpia bɨade asima. Maapae t'oet'aak'ari ichi ome p'ɨrrɨapataɨrã́ jarasima jedadamẽrá. 17Ãareaɨrã nek'odak'ari jãwaasidama. Chi pichoada jɨrɨp'esidaɨde jabara doce ipirupisidama.
Pedropa Jesú k'orea jarada
Mateo 16:13-28; Marco 8:27—9:1
18Ewariaba Jesú itu ɨt'aa chiidimaa bɨde, chi ichi ome p'ɨrrɨapataɨrã ará p'anɨne, Jesupa idisima:
—Ẽpẽrarãpa mɨ ¿k'aiyade a p'anɨma?
19Ãchia p'anoosidama:
—Waapẽarãpa jara p'anɨma pɨ Juan chi Porochoaparipɨ. Waapẽarãpa jara p'anɨma pɨ Eliapɨ. Waapẽarãpa jara p'anɨma pɨ chõarãenapema Tachi Ak'õre pari pedeaparí chok'ae p'irabaridapɨ.
20Mãɨne ichia mãicha idisima:
—Mãrapa mɨ ¿k'ai k'ɨ̃risia p'anɨma?
Pedropa p'anoosima:
—Pɨ Tachi Ak'õrepa Tachi K'aripaparí teai jaradapɨ.
21Jesupa mãɨ mi ãpia pida abaɨa jararãapadade asima. 22Mãɨ awara jarasima:
—Mɨ, chi Ẽpẽra Warra minachia chupuria mĩa baipɨ. P'uurudepema minachia k'awa berãpa, p'aarerã chi mãɨrã chaarearãpa mãɨnepa Moisepa bɨda jarateapataɨrã pida mɨ itu bɨdak'ari peapidaipɨ. Maamina mɨ ewari ũpeaɨde chok'ae p'irabariipɨ.
23Jesupa jõmãɨrã́ jarasima:
—Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari ewaricha minachia mĩai k'orea bai bɨma. Maapae mɨ ome wãi bɨma.#9:23 Minachia mĩai k'orea bai bɨma. Griego pedeade nãɨya bɨ bɨma: ichi k'urusu uai pia bɨma. 24Abaɨ pida nãɨ ĩjũane pia bai k'orea jɨrɨ baipɨra, k'aadea ewari parude ichi atuaipɨ. Maamina abaɨ pida mɨ k'orea piuipɨra, Tachi Ak'õre ome ewaricha chok'ae baipɨ. 25Minachia k'ɨ̃risiat'ɨ: ẽpẽra nãɨ ĩjũane ne ãarea uru bɨde piuk'ari t'ɨpɨ uruadea wãipɨra, ¿ichia uru badapa ichi k'aripaik'ãra? 26Abaɨpa mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea bɨdepa cherude, mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa mãɨnepa chi ichia ɨt'aripa peedaɨrã jua chaarea bɨdepa cheipɨ. 27Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a.#9:27 Ununaipɨ Tachi Ak'õrepa ichidirã ichi juade ua bait'a. K'awadawẽma k'ãre ununait'a. Waapẽarãmá jara bɨma Jesú k'ĩra awara nɨbɨ ununait'a. Waapẽarãmá jara bɨma Jesú chok'ae p'irabarii k'orea, ichi pajãnea wãi k'orea, wa Tachi Ak'õre Jaore chei k'orea.
Jesú k'ĩra awara unupida
Mateo 17:1-8; Marco 9:2-8
28Mãɨya jarak'ari ewari ocho pa bɨde Jesú Tachi Ak'õrea ɨt'aa chiidide wãsima eyadea. Pedro, Juan, Santiago ome ateewãsima. 29Mãma Jesupa Tachi Ak'õrea ɨt'aa chiidimaa bɨde ichi k'ĩra awara unupisima. Ichi neet'á t'ot'oa achiterrea beesima. 30Mãɨya bɨde ẽpẽra ume ará chedak'ari Jesú ome pedeasidama. Aba Moisé pasima; chi abaɨ Elía pasima. 31Ãchi sida k'ĩrawãrea achiterrea p'anasidama. Ãchia pedea p'anasidama Jesú Jerusalene peadai k'orea.#9:31 Jesú Jerusalene peadai k'orea. Griego pedeade nãɨya bɨ bɨma: Jesú wãi k'orea.
32Mãɨya bɨde Pedro waapẽarã ome minachia tap'ok'ea p'anasidamina k'ãinaé pasima. Mãɨne Jesú achiterrea bɨ mãɨnepa ẽpẽra ume ichi k'ait'a p'anɨ ome unusidama. 33Mãɨ ẽpẽrarã Jesú ome p'anana wãutade Pedropa Jesua jarasima:
—Jarateaparí, pia bɨma tai nãma p'anɨt'a. Taipa te chak'e ũpea oodaima: aba pɨ pae, aba Moisé pae mãɨnepa aba Elía pae.
Pedro mãɨya pedeasima ne k'ɨ̃risiawẽa pedeada pẽra. 34Mãɨya bɨde jɨ̃ara edá chek'ari ãchi ãarea t'ausima. Mãɨpuru ãchi minachia wap'easidama. 35Ara mãɨne pedea jɨ̃arane ũrisidama. Mãɨpa nãɨya jarasima: «Nãɨt'a mɨ Warrapɨ. Mɨa ichi jɨrɨ atasima. Ichia jara bɨt'a ũrit'ɨ».#9:35 Isaía 42:1 Ichi jɨrɨ atasima. Griego pedeade chi eda waapẽarã k'art'ade nãɨya bɨ bɨma: ichi minachia k'ɨ̃ria bɨma.
36Mãɨ pedea k'ĩup'eak'ari Jesú ichi tuaba nɨbɨ unusidama. Ãchia ununana minachia tãaraasima mi ãpia pida abaɨa nepɨrɨdawẽa p'anɨ.
Jesupa warra jaore mietá pará bɨ jɨpa beepida
Mateo 17:14-21; Marco 9:14-29
37Norema eyadepa edá chesidaɨde ẽpẽrarã chok'araɨrãpa Jesú ak'ɨde chesidama. 38Mãɨne abaɨpa nãɨya jĩk'ua jarasima:
—Jarateaparí, mɨ k'ĩra chupuriak'ari, mɨ warra ak'ɨse. Mãɨ mɨa warra abapuru uru bɨpɨ. 39Ichi jaore mietá pará bɨma. Mãɨpa ichi chi jai jitapik'ari, mãɨya ichi biapiparima, wawapiparima, mãɨnepa it'aedea k'ok'op'ea nɨbeepiparima. Ichia mɨ warra itu bɨk'ama. 40Mɨa pɨ ome p'ɨrrɨapataɨrã́ jarasima jaore mietá ãyá jeret'aadamẽrá. Maamina p'uedaé pasima.
41Mãɨpuru Jesupa p'anoosima:
—¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.
42Chi warra Jesumá wãrune jaore mietapa jeeda baepik'ari minachia wawapisima. Maamina Jesupa jaore mietá ãyá jeret'aasima. Warra jɨpa beepik'ari chi ak'õrea teasima. 43Tachi Ak'õre jua chaareadepa mãɨyana unusidaɨde ãareaɨrãpa k'awa k'ɨ̃risiadaé pasima.
Jesupa ichi peadai k'orea mãicha jarada
Mateo 17:22-23; Marco 9:30-32
Ichia oo bɨ k'orea ẽpẽrarãpa wapida minachia k'ɨ̃risia p'anɨne Jesupa ichi ome p'ɨrrɨapataɨrã́ jarasima:
44—Mɨa mãrá jararut'a minachia pia ũrit'ɨ. Mɨ, chi Ẽpẽra Warra abaɨpa jitapik'ari, ẽpẽerã́ teaipɨ.
45Maamina ãchia mãɨ k'awa ũrinaé pasima. Tachi Ak'õrepa waidi ãchiá k'awapiwẽa basima. Mãɨne ãchia mãɨ k'orea Jesua ididai wap'ea p'anasidama.
¿K'ai chi atepe bɨma?
Mateo 18:1-5; Marco 9:33-37
46Mãɨya p'anɨne ara ãchi tuaba pedea p'aneesidama k'ai chi atepe k'awa bɨt'a k'awadayá. 47Maamina Jesupa mãɨ k'awada pẽra warra chak'e jitak'ari ichik'á bɨsima. 48Mãɨne nãɨya jarasima:
—Chi mɨne ĩjãa bɨ k'orea nãɨ warrá pia pedea bɨpa, mɨá pida pia pedea bɨma. Mãɨ awara chi mɨá pia pedea bɨpa chi mɨ Peedá pia pedea bɨma. Mãranepema chi ãpia k'ɨrɨ Tachi Ak'õre k'ĩrari chi atepe bɨma.
Tachi chi nek'ĩramaawẽ tachi lawari bɨma
Marco 9:38-40
49Maapae Juanpa nãɨya jarasima:
—Jarateaparí, taipa ẽpẽra unusidama pɨ t'ɨ̃nepa jaore mietá ãyá jeret'aa bɨt'a. Maamina tachi ome niwẽ pẽra taipa ichiá jarasidama waa mãɨya oopiemaapa.
50Jesupa jarasima:
—Mãrapa ichiá waa mãɨya p'ue ooiwẽane arãt'ɨ. Chi tachi nek'ĩramaawẽ, mãɨ tachi lawari bɨma.
Jesupa Juan, Santiago sida ɨtɨada
51Jesú ɨt'aria wãi ewari k'ait'a paside mãɨne Jerusalenea wãyane a k'ɨ̃risiasima. 52Wãrune waapẽarã Samaria tuadea naa peesima. P'uuru chak'ede chedak'ari sãma k'ãinai jɨrɨsidama. 53Maamina mãɨ p'uurudepemarãpa k'awasidama Jesú Jerusalenea wãru. Mãɨ k'orea ichiá pia pedeadaé pasima. 54Mãɨpuru Juanpa mãɨnepa Santiagopa Jesua jarasidama:
—Tai Chipari, Eliapa ooda jĩra ¿Tachi Ak'õrea ɨt'aa chiididaik'ãra t'ɨpɨ urua ɨt'aripa peerupa ãchi ãarea k'enamẽrá?#9:54 Eliapa ooda jĩra. Griego pedeade chi eda waapẽarã k'art'ade mãɨ newẽma. 2 Reye 1:9-16.
55Jesupa ãchi ak'ɨk'ari ɨtɨasima. [Nãɨya jarasima: «Mãra ¿k'ãre k'orea mãɨya pedea p'anɨma?#9:55 Griego pedeade nãɨya bɨ bɨma: Mãrapa ¿k'ãre jaoredepa mãɨya jara p'anɨma? 56Mɨ, chi Ẽpẽra Warra chewẽma ẽpẽrarã piawẽa ooi k'orea mãɨpari che bɨma ãchi k'aripai k'orea».]#9:55-56 Griego pedeade chi eda waapẽarã k'art'ade pedea corchetede bɨ newẽma.
Maapae p'uuru awaraɨdea wãsidama.
Jesú ome p'ɨrrɨai chaarea bɨ k'orea jarada
Mateo 8:19-22
57Ode wãutade ẽpẽrapa Jesua jarasima:
—Jarateaparí, pɨ wãrumá mɨ pɨ ome wãipɨ.
58Jesupa jarasima:
—Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.
59Mãɨne Jesupa awaraɨa jarasima:
—Mɨ ome chese.
Chi ẽpẽrapa p'anoosima:
—Mɨ Chipari, pɨ ome wãi naena mɨ ak'õre itu t'ɨbaripise.#9:59 Mɨ ak'õre itu t'ɨbaripise. Mãɨpa griego pedeade ichiaba jara k'ɨ̃ria bɨma: Mɨa nɨi pará bɨma mɨ ak'õre piurudea.
60Jesupa ichiá jarasima:
—Itu bɨse, chi piudaadapa chi piudada t'ɨbaridamẽrá. Maamina pɨa ẽpẽrarã́ jarade wãse Tachi Ak'õrepa ichidirã ichi juade ua bɨ k'orea.
61Mãɨne waapẽarãpa Jesua jarasima:
—Mɨ sida pɨ ome p'ɨrrɨa k'ɨ̃ria bɨma, maamina mãɨ naena mɨ tiidapemarãmá jarade wãi bɨma.
62Jesupa p'anoosima:
—Abaɨ pida mimiane wãk'ari mãicha ãpɨtea ak'ɨipɨra, ichi pia bɨwẽma Tachi Ak'õrepa ichidirã ichi juade ua bɨde mimiai k'orea.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.