Marco 13
13
Tachi Ak'õre te minachia bɨ ãrinai pada Jesupa jarada
Mateo 10:16-25; 24:1-28; Luca 17:22-24; 21:5-24
1Jesú Tachi Ak'õre te minachia bɨ edariipa tajatá wãrune, ichi ome p'ɨrrɨapataɨrãnepema abaɨpa jarasima:
—Jarateaparí, ¡Ak'ɨse nãɨ mawara nepalá be mãɨnepa nãɨ te pia k'ede!
2Mãɨne Jesupa ãchiá jarasima:
—Chi mãrapa nãɨ te unu p'anɨt'a minachia k'obepɨ. Nãɨ mawara p'ãnana pada ãarea ãriipɨ.
3Maapae Olivo eyadea wãsidama, chi Tachi Ak'õre te minachia bɨ k'ĩrari. Jesú mãma suak'abari baside Pedropa, Santiagopa, Juanpa mãɨnepa Andrepa ãchi tuaba ichiá idisidama:
4—Taiyá jarase: Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima mãɨ ewari k'ait'a parude?
5Mãɨne Jesupa jarasima:
—Jĩrak'aua nipat'ɨ abaɨa pida mãra seapiemaapa. 6Chok'araɨrãpa jaradaipɨ: “Mɨ Tachi Ak'õrepa Tachi K'aripaparí teai jara bada”. Mãɨya ẽpẽerã minachia ãarea seadaipɨ. 7P'uuru aba bɨ awaraɨ ome k'ĩruupik'a nɨbɨ mãɨnepa mãɨ k'ĩruupik'a nɨbɨ ũriutade, p'erarãt'ɨ. Mãɨ jõma mãɨyai bɨma. Maamina nãɨ ewari waidi paiwẽma. 8Ĩjũa aba bɨ ĩjũa awaraɨ ome k'ĩruupik'a nɨbaipɨ. Ichiaba tua abaɨdepema poro jũra jɨ̃parí jɨ̃ bɨ tua awaraɨdepema poro jũra jɨ̃parí jɨ̃ bɨ ome k'ĩruupik'a nɨbaipɨ. Tuacha iurumia wãipɨ mãɨnepa jarra minachia baipɨ. Maamina mãɨ chi ɨ̃rapuru ãpia minachia mĩanaidepemapɨ, wẽra warra p'ua bɨ jĩra.
9»Jĩrak'aua p'anat'ɨ. Mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ. Mɨne ĩjãa p'anɨ k'orea ãchia mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa mɨ k'orea ãchi k'ĩrari pedeadaipɨ. 10Maamina nãɨ ewari pai naena chi pedea pia mɨ k'orea p'uurucha ãarea jaradai p'anɨma. 11Mãra jita enemeeutade k'ɨ̃risia paraarãt'ɨ k'ãret'a jaradai k'orea. Chi chaarearã k'ĩrari p'anɨne Tachi Ak'õrepa k'awapiipɨ k'ãre jaradai p'anɨ. Mãɨ pedeautade mãra k'ɨ̃risiadepa pedeadaiwẽma, mãɨpari Tachi Ak'õre Jaorepa mãra k'ak'uadepa pedeaipɨ. 12Abaɨpa ara ichi ũpẽa peapiipɨ mɨne ĩjãa bɨ k'orea. Chi ak'õrepa ichi warra peapiipɨ mãɨnepa chi warrarãpa ãchi ak'õrerã k'ĩruunak'ari peadaipɨ. 13Mɨne ĩjãa p'anɨ k'orea jõmãɨrãpa mãra unuemaanaipɨ. Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.
14»Chi nemietá Tachi Ak'õrepa k'ɨ̃riak'aɨ ichi baiwẽa bɨmá mãrapa mãɨ unuutade Judea tuade berã eyadea mĩruwãnai p'anɨma.#13:14 Chi nemietá Tachi Ak'õrepa k'ɨ̃riak'aɨ. Griego pedeade chi eda waapẽarã k'art'ade nãɨ sida bɨ bɨma: Tachi Ak'õre pari pedeaparí Danielpa jarada. Daniel 9:27; 11:31; 12:11. Griego Antioco Epip'aneopa Tachi Ak'õre te minachia bɨde nemietá bɨsima Jesú t'õnai naena. Maamina Jesupa jarasima mãɨ Antiocopa ooda jĩra mãicha mãɨyait'a. Waapẽarãmá Jesupa jarada piarã mãɨyasima romanepemarãpa Jerusalén p'uuru mãɨnepa Tachi Ak'õre te minachia bɨ ãyo 70de jõma ãrisidaɨde. Waapẽarãmá jara bɨma chi ẽpẽra k'achia bɨpa mãɨya ooit'a. 2 Tesalonicense 2:3-10. Mãɨnepa waapẽarãmá Jesupa jarada k'aadeapema ewaride mãɨyaipɨ. (Chi k'art'a eda jara bɨpa k'ãre jara bɨt'a k'awai bɨma). 15Mãɨne ẽpẽra ichi te ɨ̃rɨ bɨ ichi tede eda wãiwẽa bɨma ne ateewãi k'orea. 16Chi ne uu ĩjũane bɨpa ichi neet'á ɨ̃rɨ jɨ̃parí jĩitea atade wãiwẽa bɨma. 17Mãɨ ewaride wẽrarã biak'oa berã mãɨnepa warra juto ua berã chupuria p'aneenaipɨ. 18Tachi Ak'õrea ɨt'aa chiidit'ɨ mãɨ mĩruwãnai ewaride mãɨya ewãrapiemaapa. 19Mãɨ ewaride ẽpẽerã minachia chupuria mĩanaipɨ. Tachi Ak'õrepa nãɨ ĩjũa oosiedapema ẽpẽerã mãɨ jĩra atepe mĩapik'a pasima, ichiaba mãɨya bak'ari waa ara mãɨ jĩra mĩanaiwẽma. 20Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.
21»Mãɨ ewaride abaɨpa mãrá jaraipɨra, “Ak'ɨt'ɨ, Tachi Ak'õrepa Tachi K'aripaparí teai jarada nãma bɨma”, mãɨ ĩjãarãt'ɨ. Waapẽarãpa “Ak'ɨt'ɨ, chawa bɨade” aipɨra, mãɨ sida ĩjãarãt'ɨ. 22Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima. 23Tau pará p'anat'ɨ. Mɨa mãrá ãarea jarasima mãɨ mãɨyai naena.
Ẽpẽra Warra chei k'orea bɨda
Mateo 24:29-44; Luca 21:25-36
24»Mãɨ ewaride ẽpẽerã minachia mĩa p'ananak'ari ɨmata p'ãrioipɨ. Jedek'o sida waa jẽrat'ĩuiwẽma. 25K'ãk'ãi pajãnepa baek'oadaipɨ. Ãarea pajãne be orek'oadaipɨ.
26»Mãɨ ewaride mɨ, chi Ẽpẽra Warra, mɨ jua chaareadepa jɨ̃ararãne cheit'a mãɨnepa k'ĩrawãrea bɨt'a ununaipɨ.#Daniel 7:13-14. 27Mãɨne mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.
28»Higo bɨɨrɨ k'orea nepɨrɨda k'awat'ɨ. Chi pak'uru jua t'uk'u nɨbeek'ari k'irú cheparima. Mãɨnepa jõmãɨrãpa k'awa p'anɨma tãaraawẽa bɨde iu p'oait'a. 29Ara mãɨ jĩra mɨa jarada unuutade k'awat'ɨ mɨ chei ewari ará pamaa bɨt'a. 30Mɨa mãrá piarã jararuma: nãɨ ewaridepema ẽpẽerã piudai naena mãɨ ãarea mãɨyaipɨ. 31Pajã mãɨnepa nãɨ ĩjũa jõipɨ, maamina mɨ pedea jõiwẽma.
32»Maamina abaɨ pida mãɨ ewari sãapae mãɨyait'a k'awadawẽma. Tachi Ak'õrepa ɨt'aripa peedaɨrã pida atua p'anɨma. Mɨ, chi Ẽpẽra Warra pida atua bɨma. Abapuru mɨ Ak'õrepuru mãɨ k'awa bɨma.
33»¡Tau pará p'anat'ɨ! ¡Ak'ɨ p'anat'ɨ!#13:33 ¡Tau pará p'anat'ɨ! ¡Ak'ɨ p'anat'ɨ! Griego pedeade chi eda waapẽarã k'art'ade bɨ bɨma: Ɨt'aa chiidit'ɨ. Mãrapa chi ewari sãapae chei atua p'anɨma. 34Mãɨ ewari cheru nãɨ jĩra bɨma: ẽpẽra tua awaraɨdea wãrune chi ichi pae pari mimiapataɨrã ameeparima ichi te ak'ɨdamẽrá. Ãchicha bɨparima ne oodamẽrá. Chi eda wãpataɨ ak'ɨparia jaraparima pia ak'ɨ bamẽrá. 35Ara mãɨ jĩra mãra pida atua p'anɨma mãra Te Chipari sãapae cheit'a: k'ewará, teamasi estarik'a, et'erre pirurude wa tap'ede. Mãɨpuru tau pará p'anat'ɨ, 36ara atua nɨbɨde, mɨ mãɨ cherude mãra k'ãi p'anɨ unuemaapa. 37Chi mɨa mãrá jara bɨt'a ãareaɨrã́ pida jara bɨma: tau pará p'anat'ɨ.
Currently Selected:
Marco 13: tdc
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.
Marco 13
13
Tachi Ak'õre te minachia bɨ ãrinai pada Jesupa jarada
Mateo 10:16-25; 24:1-28; Luca 17:22-24; 21:5-24
1Jesú Tachi Ak'õre te minachia bɨ edariipa tajatá wãrune, ichi ome p'ɨrrɨapataɨrãnepema abaɨpa jarasima:
—Jarateaparí, ¡Ak'ɨse nãɨ mawara nepalá be mãɨnepa nãɨ te pia k'ede!
2Mãɨne Jesupa ãchiá jarasima:
—Chi mãrapa nãɨ te unu p'anɨt'a minachia k'obepɨ. Nãɨ mawara p'ãnana pada ãarea ãriipɨ.
3Maapae Olivo eyadea wãsidama, chi Tachi Ak'õre te minachia bɨ k'ĩrari. Jesú mãma suak'abari baside Pedropa, Santiagopa, Juanpa mãɨnepa Andrepa ãchi tuaba ichiá idisidama:
4—Taiyá jarase: Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima mãɨ ewari k'ait'a parude?
5Mãɨne Jesupa jarasima:
—Jĩrak'aua nipat'ɨ abaɨa pida mãra seapiemaapa. 6Chok'araɨrãpa jaradaipɨ: “Mɨ Tachi Ak'õrepa Tachi K'aripaparí teai jara bada”. Mãɨya ẽpẽerã minachia ãarea seadaipɨ. 7P'uuru aba bɨ awaraɨ ome k'ĩruupik'a nɨbɨ mãɨnepa mãɨ k'ĩruupik'a nɨbɨ ũriutade, p'erarãt'ɨ. Mãɨ jõma mãɨyai bɨma. Maamina nãɨ ewari waidi paiwẽma. 8Ĩjũa aba bɨ ĩjũa awaraɨ ome k'ĩruupik'a nɨbaipɨ. Ichiaba tua abaɨdepema poro jũra jɨ̃parí jɨ̃ bɨ tua awaraɨdepema poro jũra jɨ̃parí jɨ̃ bɨ ome k'ĩruupik'a nɨbaipɨ. Tuacha iurumia wãipɨ mãɨnepa jarra minachia baipɨ. Maamina mãɨ chi ɨ̃rapuru ãpia minachia mĩanaidepemapɨ, wẽra warra p'ua bɨ jĩra.
9»Jĩrak'aua p'anat'ɨ. Mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ. Mɨne ĩjãa p'anɨ k'orea ãchia mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa mɨ k'orea ãchi k'ĩrari pedeadaipɨ. 10Maamina nãɨ ewari pai naena chi pedea pia mɨ k'orea p'uurucha ãarea jaradai p'anɨma. 11Mãra jita enemeeutade k'ɨ̃risia paraarãt'ɨ k'ãret'a jaradai k'orea. Chi chaarearã k'ĩrari p'anɨne Tachi Ak'õrepa k'awapiipɨ k'ãre jaradai p'anɨ. Mãɨ pedeautade mãra k'ɨ̃risiadepa pedeadaiwẽma, mãɨpari Tachi Ak'õre Jaorepa mãra k'ak'uadepa pedeaipɨ. 12Abaɨpa ara ichi ũpẽa peapiipɨ mɨne ĩjãa bɨ k'orea. Chi ak'õrepa ichi warra peapiipɨ mãɨnepa chi warrarãpa ãchi ak'õrerã k'ĩruunak'ari peadaipɨ. 13Mɨne ĩjãa p'anɨ k'orea jõmãɨrãpa mãra unuemaanaipɨ. Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.
14»Chi nemietá Tachi Ak'õrepa k'ɨ̃riak'aɨ ichi baiwẽa bɨmá mãrapa mãɨ unuutade Judea tuade berã eyadea mĩruwãnai p'anɨma.#13:14 Chi nemietá Tachi Ak'õrepa k'ɨ̃riak'aɨ. Griego pedeade chi eda waapẽarã k'art'ade nãɨ sida bɨ bɨma: Tachi Ak'õre pari pedeaparí Danielpa jarada. Daniel 9:27; 11:31; 12:11. Griego Antioco Epip'aneopa Tachi Ak'õre te minachia bɨde nemietá bɨsima Jesú t'õnai naena. Maamina Jesupa jarasima mãɨ Antiocopa ooda jĩra mãicha mãɨyait'a. Waapẽarãmá Jesupa jarada piarã mãɨyasima romanepemarãpa Jerusalén p'uuru mãɨnepa Tachi Ak'õre te minachia bɨ ãyo 70de jõma ãrisidaɨde. Waapẽarãmá jara bɨma chi ẽpẽra k'achia bɨpa mãɨya ooit'a. 2 Tesalonicense 2:3-10. Mãɨnepa waapẽarãmá Jesupa jarada k'aadeapema ewaride mãɨyaipɨ. (Chi k'art'a eda jara bɨpa k'ãre jara bɨt'a k'awai bɨma). 15Mãɨne ẽpẽra ichi te ɨ̃rɨ bɨ ichi tede eda wãiwẽa bɨma ne ateewãi k'orea. 16Chi ne uu ĩjũane bɨpa ichi neet'á ɨ̃rɨ jɨ̃parí jĩitea atade wãiwẽa bɨma. 17Mãɨ ewaride wẽrarã biak'oa berã mãɨnepa warra juto ua berã chupuria p'aneenaipɨ. 18Tachi Ak'õrea ɨt'aa chiidit'ɨ mãɨ mĩruwãnai ewaride mãɨya ewãrapiemaapa. 19Mãɨ ewaride ẽpẽerã minachia chupuria mĩanaipɨ. Tachi Ak'õrepa nãɨ ĩjũa oosiedapema ẽpẽerã mãɨ jĩra atepe mĩapik'a pasima, ichiaba mãɨya bak'ari waa ara mãɨ jĩra mĩanaiwẽma. 20Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.
21»Mãɨ ewaride abaɨpa mãrá jaraipɨra, “Ak'ɨt'ɨ, Tachi Ak'õrepa Tachi K'aripaparí teai jarada nãma bɨma”, mãɨ ĩjãarãt'ɨ. Waapẽarãpa “Ak'ɨt'ɨ, chawa bɨade” aipɨra, mãɨ sida ĩjãarãt'ɨ. 22Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima. 23Tau pará p'anat'ɨ. Mɨa mãrá ãarea jarasima mãɨ mãɨyai naena.
Ẽpẽra Warra chei k'orea bɨda
Mateo 24:29-44; Luca 21:25-36
24»Mãɨ ewaride ẽpẽerã minachia mĩa p'ananak'ari ɨmata p'ãrioipɨ. Jedek'o sida waa jẽrat'ĩuiwẽma. 25K'ãk'ãi pajãnepa baek'oadaipɨ. Ãarea pajãne be orek'oadaipɨ.
26»Mãɨ ewaride mɨ, chi Ẽpẽra Warra, mɨ jua chaareadepa jɨ̃ararãne cheit'a mãɨnepa k'ĩrawãrea bɨt'a ununaipɨ.#Daniel 7:13-14. 27Mãɨne mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.
28»Higo bɨɨrɨ k'orea nepɨrɨda k'awat'ɨ. Chi pak'uru jua t'uk'u nɨbeek'ari k'irú cheparima. Mãɨnepa jõmãɨrãpa k'awa p'anɨma tãaraawẽa bɨde iu p'oait'a. 29Ara mãɨ jĩra mɨa jarada unuutade k'awat'ɨ mɨ chei ewari ará pamaa bɨt'a. 30Mɨa mãrá piarã jararuma: nãɨ ewaridepema ẽpẽerã piudai naena mãɨ ãarea mãɨyaipɨ. 31Pajã mãɨnepa nãɨ ĩjũa jõipɨ, maamina mɨ pedea jõiwẽma.
32»Maamina abaɨ pida mãɨ ewari sãapae mãɨyait'a k'awadawẽma. Tachi Ak'õrepa ɨt'aripa peedaɨrã pida atua p'anɨma. Mɨ, chi Ẽpẽra Warra pida atua bɨma. Abapuru mɨ Ak'õrepuru mãɨ k'awa bɨma.
33»¡Tau pará p'anat'ɨ! ¡Ak'ɨ p'anat'ɨ!#13:33 ¡Tau pará p'anat'ɨ! ¡Ak'ɨ p'anat'ɨ! Griego pedeade chi eda waapẽarã k'art'ade bɨ bɨma: Ɨt'aa chiidit'ɨ. Mãrapa chi ewari sãapae chei atua p'anɨma. 34Mãɨ ewari cheru nãɨ jĩra bɨma: ẽpẽra tua awaraɨdea wãrune chi ichi pae pari mimiapataɨrã ameeparima ichi te ak'ɨdamẽrá. Ãchicha bɨparima ne oodamẽrá. Chi eda wãpataɨ ak'ɨparia jaraparima pia ak'ɨ bamẽrá. 35Ara mãɨ jĩra mãra pida atua p'anɨma mãra Te Chipari sãapae cheit'a: k'ewará, teamasi estarik'a, et'erre pirurude wa tap'ede. Mãɨpuru tau pará p'anat'ɨ, 36ara atua nɨbɨde, mɨ mãɨ cherude mãra k'ãi p'anɨ unuemaapa. 37Chi mɨa mãrá jara bɨt'a ãareaɨrã́ pida jara bɨma: tau pará p'anat'ɨ.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.