Marco 14
14
Jesú peadai k'orea k'ɨ̃risia jɨrɨ p'anana
Mateo 26:1-5; Luca 22:1-2; Juan 11:45-53
1Ewari ume parude judiorãpa Egitodepa wãnana k'ɨ̃risiapataɨ ewari#14:1 Egitodepa wãnana k'ɨ̃risiapataɨ ewari. Griego pedeade Pascua bɨ bɨma. Egitodepa wãnai naena, te becha, judiorãpa oveja aba peadak'ari chi oadepa te eda wãpataɨk'á tĩitau p'ɨrɨsidama. Mãɨya oosidama Tachi Ak'õrepa egitopidarã ɨtɨai ewate mãɨne piudaemaapa. Naapae Jesupa jara bɨma ichit'a mãɨ oveja jĩra bɨade bɨma, ichi k'urusude barijira bɨk'ari, ichi oa ãripiyade a bɨma. Jesupa mãɨya oosima Tachi Ak'õrea ichide ĩjãapataɨrã ãarea ɨtɨapiemaapa. Éxodo 12:1-27. oodai pasima. Mãɨ arapaapataɨ ewaride p'ana ooropiparí newẽa k'opatama. Mãɨne p'aarerã chi mãɨrã chaarearãpa mãɨnepa Moisepa bɨda jarateapataɨrã ome k'ɨ̃risia jɨrɨ p'anasidama Jesú k'ĩup'ea jitadak'ari peapidai k'orea. 2Maamina jarasidama: «Arapaapataɨ ewaride jitadaiwẽma ẽpẽerã k'ĩruupidaemaapa».
Wẽrapa nardo k'era Jesú poro ɨ̃rɨ weada
Mateo 26:6-13; Juan 12:1-8
3Mãɨ ewaride Jesú Betania p'uurude chi Simón aidapa k'ɨdade bada tede basima. Nek'opataɨde suak'abari bɨde wẽra ichimá chesima. Mãɨ wẽrapa pot'eya alabastro mawara ooda enemeesima. Pot'eya nardo k'era chi ichiawa, chi neepɨa bɨt'a ipiru basima. Mãɨne wẽrapa chi pot'eya obɨɨrɨ beet'aak'ari, maapae k'era Jesú poro ɨ̃rɨ weasima. 4Mãɨpuru chi eda waapẽarã arí p'anɨ k'ĩruunak'ari ãchi tuaba jarasidama:
—¿K'ãre k'orea jãɨ k'era pari ãrisima? 5Netodapara erreara minachia#14:5 Erreara minachia. Griego pedeade nãɨya bɨ bɨma: Denario 300 wãyá bɨma. Ẽpẽra ãyoama mimiai basima, mãɨ erreara jitai k'orea. jitadai pasima. Mãɨnepa chichupuria k'ede k'aripadai pasima.
Mãɨ wẽra minachia ɨtɨasidama. 6Maamina Jesupa jarasima:
—Itu bɨt'ɨ. ¿K'ãre k'orea ichi ɨtɨa p'anɨma? Ichia mɨ jãɨya ooda pia bɨma. 7Chichupuria k'ede ewaricha mãra t'ãena p'ananaipɨ; mãrapa k'ɨ̃ria p'anɨpɨra p'ue ãchi k'aripadai p'anɨma. Maamina mɨ mãra ome ewaricha baiwẽma. 8Nãɨ wẽrapa ara ichi p'ue oosima. Tãaraawẽa bɨde mɨ piuk'ari t'ɨbaridaipɨ. Ichia mɨ mãɨ k'orea k'erapa p'ɨrɨsima. 9Mɨa piarã jararuma: jõma nãɨ ĩjũane chi pedea pia mɨ k'orea jarautamá nãɨ wẽrapa ooda nepɨrɨdaipɨ ichi k'ɨ̃risiadamẽrá.
Judapa Jesú jitapi k'orea k'ɨ̃risiada
Mateo 26:14-16; Luca 22:3-6
10Juda Iscariote Jesupa doce peedaɨrãnepema pasima. Mãɨ Juda p'aarerã chi mãɨrã chaarearãmá wãsima Jesú jitapii k'orea. 11Mãɨ ũrisidaɨde ãchi arapaadak'ari Judá erreara teadayade asidama. Mãɨne Judapa jɨrɨpachima sãmaasã́ Jesú jitapiit'a.
Jesupa doce jɨrɨ atadaɨrã ome nek'oda
Mateo 26:17-29; Luca 22:7-23; Juan 13:21-30; 1 Corintio 11:23-26
12Judiorã p'ana ooropiparí newẽa k'opataɨ arapaapataɨ ewari pasima. Tomioama mãɨya k'opachidama mãɨnepa chi naapema ewaride oveja chak'e peadak'ari k'opachidama. Mãɨ ewaride chi Jesú ome p'ɨrrɨapataɨrãpa ichiá idisidama:
—¿Pɨa sãma k'ɨ̃ria bɨma taipa chik'o k'odayá#14:12 Chik'o k'odayá. Griego pedeade nãɨya bɨ bɨma: pascha. oode wãnait'a?
13Mãɨne Jesupa ichi ome p'ɨrrɨapataɨrã ume t'ɨ̃k'ari nãɨya jarasima:
—Jerusalén p'uurudea wãt'ɨ. Jãma mãrapa ununaipɨ ɨmɨk'ĩrapa pania chok'ode ateerut'a. Mãɨ k'aade wãt'ɨ. 14Ichi eda wãrumá chi te chiparia jarat'ɨ: “Tachi Jarateaparipa nãɨ idipisima: mɨa mãɨnepa mɨ ome p'ɨrrɨapataɨrãpa Egitodepa wãnana k'ɨ̃risiapataɨ ewari nek'opataɨ ¿sãma k'odaima?” 15Mãɨpa tejã ɨt'aria lao nepalá ãarea pia oo nɨbɨt'a unupiipɨ. Mãma tachi chik'o oot'ɨ.
16Chi Jesupa jɨrɨ atadaɨrã ume p'uurudea wãsidama. Wãutade ãarea Jesupa ãchiá jarada jĩra unusidama. Ara mãɨne chi Egitodepa wãnana k'ɨ̃risiapataɨ ewari nek'opataɨ oosidama.
17K'iuk'ari Jesú, chi ichi ome p'ɨrrɨapataɨrã doce p'anɨ ome chesidama. 18Mãɨ suak'a p'aneenak'ari nek'omaa p'anɨne Jesupa jarasima:
—Mɨa piarã jararuma: aba mɨ ome nek'omaa bɨpa mɨ jitapiipɨ.
19Maapae sõk'achia p'aneenak'ari, ãchia abaabá Jesua idisidama:
—¿Mɨa mãɨyaik'ãra?
20Jesupa jarasima:
—Aba mãra docedepemarãpa mɨ ome p'arat'u aba bɨde chi p'ana ará bek'eak'ari k'o bɨpa, mãɨpa mɨ jitapiipɨ. 21Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra.#Salmo 22; Salmo 118:22; Isaía 52:15—53:12. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.
22Nek'omaa p'anɨne Jesupa p'ana juade jitak'ari ɨt'aa chiidik'ari Tachi Ak'õrea sõpia bɨade a jarasima. Maapae t'oet'aak'ari ãchiá tearude nãɨya jarasima:
—Jitat'ɨ. Nãɨ mɨ k'ak'uapɨ.
23Maapae pasu jitak'ari Tachi Ak'õrea sõpia bɨade asima. Mãɨ ãchiá teak'ari, ãareaɨrãpa tosidama. 24Mãɨne Jesupa jarasima:
—Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerã pae.#14:24 Pedea chiwidi. Tachi Ak'õre naa israel ĩjũanepemarã ome pedea bɨsima. Éxodo 24:6-8; Jeremia 31:31-34. 25Mɨa piarã jararuma: mɨa uvaba waa toiwẽma aba Tachi Ak'õrepa jõma ichidirã ichi juade ua beerudea. Mãɨyapuru mɨa uvaba mãicha toipɨ.#14:25 Uvaba mãicha toipɨ. Griego pedeade mãɨpa ichiaba jara bɨma: Uvaba chiwidi toipɨ.
Pedropa Jesú itu bɨwẽane ada
Mateo 26:30-35; Luca 22:31-34; Juan 13:36-38
26Maapae Tachi Ak'õre pedea bɨ bɨdadepema k'aridak'ari Olivo eyadea wãsidama.#14:26 Mãɨ arapaapataɨ ewaride nek'odai naena Salmo 113—114 k'aripachidama. Nek'ok'ari Salmo 115—118 k'aripachidama. 27Wãutade Jesupa jarasima:
—Nãɨ teamasi mãrapa ãarea mɨ tuaba ameenaipɨ. Tachi Ak'õre pedeade nãɨya bɨ bɨma: “Mɨa chi oveja ak'ɨparí pearude chi oveja jĩichoadaipɨ”.#Zak'aria 13:7. 28Maamina mɨ chok'ae p'irabarik'ari mãra naa wãipɨ Galilea tuadea.
29Mãɨne Pedropa Jesua jarasima:
—Jõmãɨrãpa pɨ tuaba ameenaimina, mɨa pɨ ameeiwẽma.
30Jesupa Pedroa jarasima:
—Mɨa piarã jararuma: idi, ara nãɨ teamasi, et'erre bari k'ak'o ume pirui naena pɨa bari k'ak'o ũpea mɨ unuk'aade aipɨ.
31Maamina Pedropa mãicha jarasima:
—Mɨ pɨ ome peautamina, pɨ tuaba ameeiwẽma.
Chi waapẽarãpa ara abarik'a jarasidama.
Jesupa Getsemanine Tachi Ak'õrea ɨt'aa chiidida
Mateo 26:36-46; Luca 22:39-46
32Maapae Getsemaní apataɨmá pasidama. Jesupa chi ichi ome p'ɨrrɨapataɨrã́ jarasima:
—Mɨa Tachi Ak'õrea ɨt'aa chiidirumisa nãma suak'abari p'aneet'ɨ.
33Maapae Pedro, Santiago mãɨnepa Juan awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima. 34Mãɨne jarasima:
—Mɨ piui jĩra bɨma sõp'uapa. Nãma p'aneet'ɨ. Mɨ jĩra k'ãinawẽa p'anat'ɨ.
35Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima chi Ak'õrepa k'ɨ̃ria bɨpɨra, ichi k'aripamẽrá jãɨ mĩai bɨdepema. 36Nãɨya jarasima: «Ak'õre, pɨa ne ãarea p'ue ooi bɨma. Mɨ itu mĩapirãse.#14:36 Mɨ itu mĩapirãse. Griego pedeade nãɨya bɨ bɨma: Nãɨ pasu mɨnepema ãyá bɨse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».
37Jesú jĩitea cherude ãchi k'ãi p'anɨt'a unusima. Pedroa jarasima:
—Simón, pɨ ¿k'ãre k'orea k'ãi bɨma? ¿Hora aba pida p'ue chok'ae baiwẽk'ãra? 38Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.
39Jesú mãicha wãk'ari ichia naa ɨt'aa chiidida Tachi Ak'õrea ɨt'aa chiidisima. 40Maapae chi ichi ome p'ɨrrɨapataɨrãmá mãicha cherude k'ãi p'anɨ unusima. Ãchi tau tap'ok'ea wãna p'anasidama. Mãɨne Jesua k'ãre p'anoonait'a k'awadaé pasima.
41Bari k'ak'o ũpea mãɨya ãchimá cherude Jesupa jarasima:
—Mãra ¿wapida k'ãi p'anɨk'ãra ya ɨ̃apaamaa p'anɨk'ãra? Ya wariawẽpɨ; mɨ ewari ará pasima. Abaɨpa mɨ, chi Ẽpẽra Warra ẽpẽerã k'achia p'anɨ juade teaipɨ. 42P'irabarit'ɨ. Wãtɨma. Ak'ɨt'ɨ, Chi mɨ jitapii bɨ ẽpẽra ara k'ait'a cheruma.
Jesú jitadada
Mateo 26:47-56; Luca 22:47-53; Juan 18:2-11
43Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽerã chok'ará k'ĩruupataɨ nek'o paara mãɨnepa pak'uru paara ichi ome chesidama. Chi p'aarerã chi mãɨrã chaarearãpa, Moisepa bɨda jarateapataɨrãpa mãɨnepa judiorã chi mãɨrã chaarearãpa ãchi peek'adada pasima. 44Chi jitapii bɨpa ãchiá jara basima sãmaasã́ ooit'a Jesú k'awadamẽrá. Nãɨya jarasima: «Chi mɨa uitarra sõru, mãɨt'u Jesupɨ. Ichi jitadak'ari, pia p'ãjɨ̃nak'ari, ateewãt'ɨ».
45Maapae chek'ari, Juda Jesumá orrobarik'ari jarasima:
—¡Jarateaparí!
Mãɨya jarak'ari Jesú uitarra sõsima. 46Ara mãɨne chi ichi ome chedaadapa Jesú jitasidama. 47Mãɨne chi Jesú ome p'ɨrrɨaparí abaɨpa ichi k'ĩruuparí nek'o ẽut'aak'ari chi p'aare minachia k'awa bɨ pae pari mimiaparí k'ɨɨrɨ oat'ut'aasima. 48Mãɨne Jesupa ãchiá jarasima:
—Mãra ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? 49Mɨa ewaricha Tachi Ak'õre te eda mãrá jaratea basima. ¿K'ãre k'orea mɨ mãma ãareaɨrã taade jitadaé pasima? Maamina nãɨya oo p'anɨma Tachi Ak'õre pedeade bɨ bɨt'a piarã mãɨyai bɨ pẽra.#Isaía 53:12.
50Mãɨya bɨde chi Jesú ome p'ɨrrɨapataɨrã ãareaɨrãpa ichi ameenak'ari ãarea mĩruwãsidama. 51Maamina k'ũtã́ abaɨ porobapa pɨra bɨt'a Jesú k'aade wãsima. Mãɨya bɨde ichi sida jitasidama. 52Maamina ichia poroba wẽat'aak'ari ãk'adá mĩruwãsima.
Jesú chi minachia k'awa p'anɨrã k'ĩrari bada
Mateo 26:57-68; Luca 22:54-71; Juan 18:12-24
53Maapae Jesú p'aare minachia k'awa bɨ bɨmá ateewãsidama. Mãma jõma p'aarerã chi mãɨrã chaarearã, judiorã chi mãɨrã chaarearã mãɨnepa Moisepa bɨda jarateapataɨrã ará jere tuanasidama. 54Mãɨne Pedro Jesú k'aade t'ɨmɨ nine, chi p'aare minachia k'awa bɨ temá chesima. Chi te audu jũk'a bɨde eda wãk'ari, Pedro chi te ot'eapataɨrã ome t'ɨpɨ k'ã suak'abari beesima.
55Mãɨne p'aarerã chi mãɨrã chaarearãpa mãɨnepa ãarea chi judiorã chi mãɨrã chaarearãpa ẽpẽerã jɨrɨsidama Jesú k'orea k'achia pedeadamẽrá. Ichi nepɨrade baepidak'ari peapidayade a k'ɨ̃risiasidama. Maamina ãpia pida ununaé pasima. 56Minachia p'anɨrãpa Jesú k'orea seajarapachidama, maamina ãchia seajaradada mãɨ, mãɨ ome abarik'a bak'a pasima. 57Mãɨya p'anɨne waapẽarãpa p'irabaridak'ari sea jarasidama:
58—Taipa ũrisidama ichia nãɨya jara bɨt'a: “Ẽpẽerãpa oodada Tachi Ak'õre te minachia bɨ mɨa ãriipɨ, maamina ewari ũpeaɨde mɨa te awara ooipɨ, mãɨ ẽpẽerã juapa oodadawẽt'a”.#Juan 2:19-22.
59Maamina ara mãɨya jara p'anɨmina, ãchia jaradaadat'a arí baé pasima. 60Mãɨne chi p'aare minachia k'awa bɨ esa bai nɨbeek'ari Jesua idisima:
—Chi pɨa nemietá oodaade a p'anɨt'a ¿mãɨ piarãk'ãra? ¿Pɨa mi ãpia pida p'anooiwẽk'ãra?
61Jesú k'ĩup'ea beek'ari, mi ãpia pida p'anooé pasima. Mãɨya bɨde chi p'aare minachia k'awa bɨpa mãicha Jesua idisima:
—¿Pɨ Tachi Ak'õrepa Tachi K'aripaparí teai jaradak'ãra? ¿Pɨ Tachi Ak'õre Pia Bɨ Warrak'ãra?
62Jesupa p'anoosima:
—Ãjã, mɨpɨ. Mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.#Salmo 110:1; Daniel 7:13-14.
63Mãɨne chi p'aare minachia k'awa bɨpa k'ĩruurupa ichia neet'á jɨ̃ bada ãrik'ari jarasima:
—¿K'ãre k'orea ẽpẽerã waa k'ɨ̃ria p'anɨma, ichi k'orea pedeadamẽrá? 64¡Mãrapa ũrisidama chi ichia Tachi Ak'õre k'orea k'achia pedea bɨt'a! Mãramá ¿ichi ome sãmaasã́ oodai p'anɨma?
Mãɨne jõmãɨrãpa jarasidama Jesú nepɨra pará bɨ k'orea peadai p'anɨt'a.
65Maapae chi eda waapẽarãpa Jesú taba idusidama; mãɨnepa ichi k'ĩra p'ãjɨ̃nak'ari, sĩpachidama. Mãɨya nak'ari, jarapachidama:
—¡Tachi Ak'õrenepa jarase k'aipa pɨ sĩsit'a!
Mãɨya p'anɨne Tachi Ak'õre te minachia bɨdepema ot'eapataɨrãpa Jesú jitadak'ari sĩpachidama.
Pedropa Jesú unuk'aade ada
Mateo 26:69-75; Luca 22:56-62; Juan 18:15-18; 18:25-29
66Pedro mãɨ te tuda baside chi p'aare minachia k'awa bɨ pae mimiaparí wẽra aba chesima. 67Mãɨ wẽrapa ichi t'ɨpɨ k'ãmaa bɨt'a unusima. Ak'ɨ nɨbeek'ari jarasima:
—Pɨ sida Jesú Nazaredepema ome p'ɨrrɨa basima.
68Mãɨne Pedropa nãɨya mẽrasima:
—Mɨa jãɨ ẽpẽra unuk'ama. Mɨa atua bɨma pɨa k'ãre jara bɨt'a.
Mãɨya jarak'ari Pedro ãyá awara wãsima chi eda wãpataɨk'á. Mãɨne et'erre pirusima.#14:68 Mãɨne et'erre pirusima. Griego pedeade chi eda waapẽarã k'art'ade mãɨ newẽma. 69Chi mimiaparí wẽrapa Pedro unuk'ari chi arí p'ananarã́ mãicha jarasima:
—Cha bɨ ãchidepemapɨ.
70Pedropa mãɨya ũrik'ari mãicha mẽrasima. Tãaraawẽa bɨde chi arí p'ananarãpa mãicha Pedroa jarasidama:
—Piarã pɨ ãchidepemapɨ. Pɨ Galileadepemat'a jãɨya bɨma. Ara ãchi jĩra pedeaparima.#14:70 Ãchi jĩra pedeaparima. Griego pedeade chi eda waapẽarã k'art'ade mãɨ newẽma.
71Pedropa jarasima:
—¡Mɨa sea jaraipɨra Tachi Ak'õrepa mɨ ɨtɨaipɨ! Piarãpẽa jararuma: mɨa chi ẽpẽra mãrapa jara p'anɨ mãɨ atuama.
72Mãɨya bɨde et'erre mãicha pirusima. Ara mãɨne Pedropa k'ɨ̃risiasima Jesupa nãɨya jara badat'a: «Et'erre bari k'ak'o ume pirui naena pɨa bari k'ak'o ũpea mɨ unuk'aade aipɨ».#Marco 14:27-31. Pedropa mãɨnepema k'ɨ̃risiarude minachia jẽasima.
Currently Selected:
Marco 14: tdc
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.
Marco 14
14
Jesú peadai k'orea k'ɨ̃risia jɨrɨ p'anana
Mateo 26:1-5; Luca 22:1-2; Juan 11:45-53
1Ewari ume parude judiorãpa Egitodepa wãnana k'ɨ̃risiapataɨ ewari#14:1 Egitodepa wãnana k'ɨ̃risiapataɨ ewari. Griego pedeade Pascua bɨ bɨma. Egitodepa wãnai naena, te becha, judiorãpa oveja aba peadak'ari chi oadepa te eda wãpataɨk'á tĩitau p'ɨrɨsidama. Mãɨya oosidama Tachi Ak'õrepa egitopidarã ɨtɨai ewate mãɨne piudaemaapa. Naapae Jesupa jara bɨma ichit'a mãɨ oveja jĩra bɨade bɨma, ichi k'urusude barijira bɨk'ari, ichi oa ãripiyade a bɨma. Jesupa mãɨya oosima Tachi Ak'õrea ichide ĩjãapataɨrã ãarea ɨtɨapiemaapa. Éxodo 12:1-27. oodai pasima. Mãɨ arapaapataɨ ewaride p'ana ooropiparí newẽa k'opatama. Mãɨne p'aarerã chi mãɨrã chaarearãpa mãɨnepa Moisepa bɨda jarateapataɨrã ome k'ɨ̃risia jɨrɨ p'anasidama Jesú k'ĩup'ea jitadak'ari peapidai k'orea. 2Maamina jarasidama: «Arapaapataɨ ewaride jitadaiwẽma ẽpẽerã k'ĩruupidaemaapa».
Wẽrapa nardo k'era Jesú poro ɨ̃rɨ weada
Mateo 26:6-13; Juan 12:1-8
3Mãɨ ewaride Jesú Betania p'uurude chi Simón aidapa k'ɨdade bada tede basima. Nek'opataɨde suak'abari bɨde wẽra ichimá chesima. Mãɨ wẽrapa pot'eya alabastro mawara ooda enemeesima. Pot'eya nardo k'era chi ichiawa, chi neepɨa bɨt'a ipiru basima. Mãɨne wẽrapa chi pot'eya obɨɨrɨ beet'aak'ari, maapae k'era Jesú poro ɨ̃rɨ weasima. 4Mãɨpuru chi eda waapẽarã arí p'anɨ k'ĩruunak'ari ãchi tuaba jarasidama:
—¿K'ãre k'orea jãɨ k'era pari ãrisima? 5Netodapara erreara minachia#14:5 Erreara minachia. Griego pedeade nãɨya bɨ bɨma: Denario 300 wãyá bɨma. Ẽpẽra ãyoama mimiai basima, mãɨ erreara jitai k'orea. jitadai pasima. Mãɨnepa chichupuria k'ede k'aripadai pasima.
Mãɨ wẽra minachia ɨtɨasidama. 6Maamina Jesupa jarasima:
—Itu bɨt'ɨ. ¿K'ãre k'orea ichi ɨtɨa p'anɨma? Ichia mɨ jãɨya ooda pia bɨma. 7Chichupuria k'ede ewaricha mãra t'ãena p'ananaipɨ; mãrapa k'ɨ̃ria p'anɨpɨra p'ue ãchi k'aripadai p'anɨma. Maamina mɨ mãra ome ewaricha baiwẽma. 8Nãɨ wẽrapa ara ichi p'ue oosima. Tãaraawẽa bɨde mɨ piuk'ari t'ɨbaridaipɨ. Ichia mɨ mãɨ k'orea k'erapa p'ɨrɨsima. 9Mɨa piarã jararuma: jõma nãɨ ĩjũane chi pedea pia mɨ k'orea jarautamá nãɨ wẽrapa ooda nepɨrɨdaipɨ ichi k'ɨ̃risiadamẽrá.
Judapa Jesú jitapi k'orea k'ɨ̃risiada
Mateo 26:14-16; Luca 22:3-6
10Juda Iscariote Jesupa doce peedaɨrãnepema pasima. Mãɨ Juda p'aarerã chi mãɨrã chaarearãmá wãsima Jesú jitapii k'orea. 11Mãɨ ũrisidaɨde ãchi arapaadak'ari Judá erreara teadayade asidama. Mãɨne Judapa jɨrɨpachima sãmaasã́ Jesú jitapiit'a.
Jesupa doce jɨrɨ atadaɨrã ome nek'oda
Mateo 26:17-29; Luca 22:7-23; Juan 13:21-30; 1 Corintio 11:23-26
12Judiorã p'ana ooropiparí newẽa k'opataɨ arapaapataɨ ewari pasima. Tomioama mãɨya k'opachidama mãɨnepa chi naapema ewaride oveja chak'e peadak'ari k'opachidama. Mãɨ ewaride chi Jesú ome p'ɨrrɨapataɨrãpa ichiá idisidama:
—¿Pɨa sãma k'ɨ̃ria bɨma taipa chik'o k'odayá#14:12 Chik'o k'odayá. Griego pedeade nãɨya bɨ bɨma: pascha. oode wãnait'a?
13Mãɨne Jesupa ichi ome p'ɨrrɨapataɨrã ume t'ɨ̃k'ari nãɨya jarasima:
—Jerusalén p'uurudea wãt'ɨ. Jãma mãrapa ununaipɨ ɨmɨk'ĩrapa pania chok'ode ateerut'a. Mãɨ k'aade wãt'ɨ. 14Ichi eda wãrumá chi te chiparia jarat'ɨ: “Tachi Jarateaparipa nãɨ idipisima: mɨa mãɨnepa mɨ ome p'ɨrrɨapataɨrãpa Egitodepa wãnana k'ɨ̃risiapataɨ ewari nek'opataɨ ¿sãma k'odaima?” 15Mãɨpa tejã ɨt'aria lao nepalá ãarea pia oo nɨbɨt'a unupiipɨ. Mãma tachi chik'o oot'ɨ.
16Chi Jesupa jɨrɨ atadaɨrã ume p'uurudea wãsidama. Wãutade ãarea Jesupa ãchiá jarada jĩra unusidama. Ara mãɨne chi Egitodepa wãnana k'ɨ̃risiapataɨ ewari nek'opataɨ oosidama.
17K'iuk'ari Jesú, chi ichi ome p'ɨrrɨapataɨrã doce p'anɨ ome chesidama. 18Mãɨ suak'a p'aneenak'ari nek'omaa p'anɨne Jesupa jarasima:
—Mɨa piarã jararuma: aba mɨ ome nek'omaa bɨpa mɨ jitapiipɨ.
19Maapae sõk'achia p'aneenak'ari, ãchia abaabá Jesua idisidama:
—¿Mɨa mãɨyaik'ãra?
20Jesupa jarasima:
—Aba mãra docedepemarãpa mɨ ome p'arat'u aba bɨde chi p'ana ará bek'eak'ari k'o bɨpa, mãɨpa mɨ jitapiipɨ. 21Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra.#Salmo 22; Salmo 118:22; Isaía 52:15—53:12. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.
22Nek'omaa p'anɨne Jesupa p'ana juade jitak'ari ɨt'aa chiidik'ari Tachi Ak'õrea sõpia bɨade a jarasima. Maapae t'oet'aak'ari ãchiá tearude nãɨya jarasima:
—Jitat'ɨ. Nãɨ mɨ k'ak'uapɨ.
23Maapae pasu jitak'ari Tachi Ak'õrea sõpia bɨade asima. Mãɨ ãchiá teak'ari, ãareaɨrãpa tosidama. 24Mãɨne Jesupa jarasima:
—Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerã pae.#14:24 Pedea chiwidi. Tachi Ak'õre naa israel ĩjũanepemarã ome pedea bɨsima. Éxodo 24:6-8; Jeremia 31:31-34. 25Mɨa piarã jararuma: mɨa uvaba waa toiwẽma aba Tachi Ak'õrepa jõma ichidirã ichi juade ua beerudea. Mãɨyapuru mɨa uvaba mãicha toipɨ.#14:25 Uvaba mãicha toipɨ. Griego pedeade mãɨpa ichiaba jara bɨma: Uvaba chiwidi toipɨ.
Pedropa Jesú itu bɨwẽane ada
Mateo 26:30-35; Luca 22:31-34; Juan 13:36-38
26Maapae Tachi Ak'õre pedea bɨ bɨdadepema k'aridak'ari Olivo eyadea wãsidama.#14:26 Mãɨ arapaapataɨ ewaride nek'odai naena Salmo 113—114 k'aripachidama. Nek'ok'ari Salmo 115—118 k'aripachidama. 27Wãutade Jesupa jarasima:
—Nãɨ teamasi mãrapa ãarea mɨ tuaba ameenaipɨ. Tachi Ak'õre pedeade nãɨya bɨ bɨma: “Mɨa chi oveja ak'ɨparí pearude chi oveja jĩichoadaipɨ”.#Zak'aria 13:7. 28Maamina mɨ chok'ae p'irabarik'ari mãra naa wãipɨ Galilea tuadea.
29Mãɨne Pedropa Jesua jarasima:
—Jõmãɨrãpa pɨ tuaba ameenaimina, mɨa pɨ ameeiwẽma.
30Jesupa Pedroa jarasima:
—Mɨa piarã jararuma: idi, ara nãɨ teamasi, et'erre bari k'ak'o ume pirui naena pɨa bari k'ak'o ũpea mɨ unuk'aade aipɨ.
31Maamina Pedropa mãicha jarasima:
—Mɨ pɨ ome peautamina, pɨ tuaba ameeiwẽma.
Chi waapẽarãpa ara abarik'a jarasidama.
Jesupa Getsemanine Tachi Ak'õrea ɨt'aa chiidida
Mateo 26:36-46; Luca 22:39-46
32Maapae Getsemaní apataɨmá pasidama. Jesupa chi ichi ome p'ɨrrɨapataɨrã́ jarasima:
—Mɨa Tachi Ak'õrea ɨt'aa chiidirumisa nãma suak'abari p'aneet'ɨ.
33Maapae Pedro, Santiago mãɨnepa Juan awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima. 34Mãɨne jarasima:
—Mɨ piui jĩra bɨma sõp'uapa. Nãma p'aneet'ɨ. Mɨ jĩra k'ãinawẽa p'anat'ɨ.
35Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima chi Ak'õrepa k'ɨ̃ria bɨpɨra, ichi k'aripamẽrá jãɨ mĩai bɨdepema. 36Nãɨya jarasima: «Ak'õre, pɨa ne ãarea p'ue ooi bɨma. Mɨ itu mĩapirãse.#14:36 Mɨ itu mĩapirãse. Griego pedeade nãɨya bɨ bɨma: Nãɨ pasu mɨnepema ãyá bɨse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».
37Jesú jĩitea cherude ãchi k'ãi p'anɨt'a unusima. Pedroa jarasima:
—Simón, pɨ ¿k'ãre k'orea k'ãi bɨma? ¿Hora aba pida p'ue chok'ae baiwẽk'ãra? 38Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.
39Jesú mãicha wãk'ari ichia naa ɨt'aa chiidida Tachi Ak'õrea ɨt'aa chiidisima. 40Maapae chi ichi ome p'ɨrrɨapataɨrãmá mãicha cherude k'ãi p'anɨ unusima. Ãchi tau tap'ok'ea wãna p'anasidama. Mãɨne Jesua k'ãre p'anoonait'a k'awadaé pasima.
41Bari k'ak'o ũpea mãɨya ãchimá cherude Jesupa jarasima:
—Mãra ¿wapida k'ãi p'anɨk'ãra ya ɨ̃apaamaa p'anɨk'ãra? Ya wariawẽpɨ; mɨ ewari ará pasima. Abaɨpa mɨ, chi Ẽpẽra Warra ẽpẽerã k'achia p'anɨ juade teaipɨ. 42P'irabarit'ɨ. Wãtɨma. Ak'ɨt'ɨ, Chi mɨ jitapii bɨ ẽpẽra ara k'ait'a cheruma.
Jesú jitadada
Mateo 26:47-56; Luca 22:47-53; Juan 18:2-11
43Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽerã chok'ará k'ĩruupataɨ nek'o paara mãɨnepa pak'uru paara ichi ome chesidama. Chi p'aarerã chi mãɨrã chaarearãpa, Moisepa bɨda jarateapataɨrãpa mãɨnepa judiorã chi mãɨrã chaarearãpa ãchi peek'adada pasima. 44Chi jitapii bɨpa ãchiá jara basima sãmaasã́ ooit'a Jesú k'awadamẽrá. Nãɨya jarasima: «Chi mɨa uitarra sõru, mãɨt'u Jesupɨ. Ichi jitadak'ari, pia p'ãjɨ̃nak'ari, ateewãt'ɨ».
45Maapae chek'ari, Juda Jesumá orrobarik'ari jarasima:
—¡Jarateaparí!
Mãɨya jarak'ari Jesú uitarra sõsima. 46Ara mãɨne chi ichi ome chedaadapa Jesú jitasidama. 47Mãɨne chi Jesú ome p'ɨrrɨaparí abaɨpa ichi k'ĩruuparí nek'o ẽut'aak'ari chi p'aare minachia k'awa bɨ pae pari mimiaparí k'ɨɨrɨ oat'ut'aasima. 48Mãɨne Jesupa ãchiá jarasima:
—Mãra ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? 49Mɨa ewaricha Tachi Ak'õre te eda mãrá jaratea basima. ¿K'ãre k'orea mɨ mãma ãareaɨrã taade jitadaé pasima? Maamina nãɨya oo p'anɨma Tachi Ak'õre pedeade bɨ bɨt'a piarã mãɨyai bɨ pẽra.#Isaía 53:12.
50Mãɨya bɨde chi Jesú ome p'ɨrrɨapataɨrã ãareaɨrãpa ichi ameenak'ari ãarea mĩruwãsidama. 51Maamina k'ũtã́ abaɨ porobapa pɨra bɨt'a Jesú k'aade wãsima. Mãɨya bɨde ichi sida jitasidama. 52Maamina ichia poroba wẽat'aak'ari ãk'adá mĩruwãsima.
Jesú chi minachia k'awa p'anɨrã k'ĩrari bada
Mateo 26:57-68; Luca 22:54-71; Juan 18:12-24
53Maapae Jesú p'aare minachia k'awa bɨ bɨmá ateewãsidama. Mãma jõma p'aarerã chi mãɨrã chaarearã, judiorã chi mãɨrã chaarearã mãɨnepa Moisepa bɨda jarateapataɨrã ará jere tuanasidama. 54Mãɨne Pedro Jesú k'aade t'ɨmɨ nine, chi p'aare minachia k'awa bɨ temá chesima. Chi te audu jũk'a bɨde eda wãk'ari, Pedro chi te ot'eapataɨrã ome t'ɨpɨ k'ã suak'abari beesima.
55Mãɨne p'aarerã chi mãɨrã chaarearãpa mãɨnepa ãarea chi judiorã chi mãɨrã chaarearãpa ẽpẽerã jɨrɨsidama Jesú k'orea k'achia pedeadamẽrá. Ichi nepɨrade baepidak'ari peapidayade a k'ɨ̃risiasidama. Maamina ãpia pida ununaé pasima. 56Minachia p'anɨrãpa Jesú k'orea seajarapachidama, maamina ãchia seajaradada mãɨ, mãɨ ome abarik'a bak'a pasima. 57Mãɨya p'anɨne waapẽarãpa p'irabaridak'ari sea jarasidama:
58—Taipa ũrisidama ichia nãɨya jara bɨt'a: “Ẽpẽerãpa oodada Tachi Ak'õre te minachia bɨ mɨa ãriipɨ, maamina ewari ũpeaɨde mɨa te awara ooipɨ, mãɨ ẽpẽerã juapa oodadawẽt'a”.#Juan 2:19-22.
59Maamina ara mãɨya jara p'anɨmina, ãchia jaradaadat'a arí baé pasima. 60Mãɨne chi p'aare minachia k'awa bɨ esa bai nɨbeek'ari Jesua idisima:
—Chi pɨa nemietá oodaade a p'anɨt'a ¿mãɨ piarãk'ãra? ¿Pɨa mi ãpia pida p'anooiwẽk'ãra?
61Jesú k'ĩup'ea beek'ari, mi ãpia pida p'anooé pasima. Mãɨya bɨde chi p'aare minachia k'awa bɨpa mãicha Jesua idisima:
—¿Pɨ Tachi Ak'õrepa Tachi K'aripaparí teai jaradak'ãra? ¿Pɨ Tachi Ak'õre Pia Bɨ Warrak'ãra?
62Jesupa p'anoosima:
—Ãjã, mɨpɨ. Mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.#Salmo 110:1; Daniel 7:13-14.
63Mãɨne chi p'aare minachia k'awa bɨpa k'ĩruurupa ichia neet'á jɨ̃ bada ãrik'ari jarasima:
—¿K'ãre k'orea ẽpẽerã waa k'ɨ̃ria p'anɨma, ichi k'orea pedeadamẽrá? 64¡Mãrapa ũrisidama chi ichia Tachi Ak'õre k'orea k'achia pedea bɨt'a! Mãramá ¿ichi ome sãmaasã́ oodai p'anɨma?
Mãɨne jõmãɨrãpa jarasidama Jesú nepɨra pará bɨ k'orea peadai p'anɨt'a.
65Maapae chi eda waapẽarãpa Jesú taba idusidama; mãɨnepa ichi k'ĩra p'ãjɨ̃nak'ari, sĩpachidama. Mãɨya nak'ari, jarapachidama:
—¡Tachi Ak'õrenepa jarase k'aipa pɨ sĩsit'a!
Mãɨya p'anɨne Tachi Ak'õre te minachia bɨdepema ot'eapataɨrãpa Jesú jitadak'ari sĩpachidama.
Pedropa Jesú unuk'aade ada
Mateo 26:69-75; Luca 22:56-62; Juan 18:15-18; 18:25-29
66Pedro mãɨ te tuda baside chi p'aare minachia k'awa bɨ pae mimiaparí wẽra aba chesima. 67Mãɨ wẽrapa ichi t'ɨpɨ k'ãmaa bɨt'a unusima. Ak'ɨ nɨbeek'ari jarasima:
—Pɨ sida Jesú Nazaredepema ome p'ɨrrɨa basima.
68Mãɨne Pedropa nãɨya mẽrasima:
—Mɨa jãɨ ẽpẽra unuk'ama. Mɨa atua bɨma pɨa k'ãre jara bɨt'a.
Mãɨya jarak'ari Pedro ãyá awara wãsima chi eda wãpataɨk'á. Mãɨne et'erre pirusima.#14:68 Mãɨne et'erre pirusima. Griego pedeade chi eda waapẽarã k'art'ade mãɨ newẽma. 69Chi mimiaparí wẽrapa Pedro unuk'ari chi arí p'ananarã́ mãicha jarasima:
—Cha bɨ ãchidepemapɨ.
70Pedropa mãɨya ũrik'ari mãicha mẽrasima. Tãaraawẽa bɨde chi arí p'ananarãpa mãicha Pedroa jarasidama:
—Piarã pɨ ãchidepemapɨ. Pɨ Galileadepemat'a jãɨya bɨma. Ara ãchi jĩra pedeaparima.#14:70 Ãchi jĩra pedeaparima. Griego pedeade chi eda waapẽarã k'art'ade mãɨ newẽma.
71Pedropa jarasima:
—¡Mɨa sea jaraipɨra Tachi Ak'õrepa mɨ ɨtɨaipɨ! Piarãpẽa jararuma: mɨa chi ẽpẽra mãrapa jara p'anɨ mãɨ atuama.
72Mãɨya bɨde et'erre mãicha pirusima. Ara mãɨne Pedropa k'ɨ̃risiasima Jesupa nãɨya jara badat'a: «Et'erre bari k'ak'o ume pirui naena pɨa bari k'ak'o ũpea mɨ unuk'aade aipɨ».#Marco 14:27-31. Pedropa mãɨnepema k'ɨ̃risiarude minachia jẽasima.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.