Luka 23
23
1Wakawuka matorano mose mawo, wakamtika ha Pilato. 2Wakawoka kumlinganya, wekiteta, Twambona uu agharusha wandu, awaima wasimwinge Kaisari lushango, ekikughamba mwenye kuoka Masihi Mfumwa. 3Pilato akambjanya, ekiteta, Niwe mfumwa wa Wayahudi? Akamtalua akateta, Sandu wateta ni huwo. 4Pilato akawawurra wakara na matorano mala, Mi siwonami lukake ghati ya mundu uu. 5Kake wala wakaneta kuteta, Ewaeleja wandu, ekilosha ghati ya isanga lose la Uyahudi, ekiwoka kufuma Galilaya mtano aha. 6Pilato ekinasikie, akawujanya kwakicha ni Mgalilaya. 7Na ekinatisiwe ti ni ghati ya lutorio lwa Herode, akamwingija ha Herode, eokie naye mwenye ghati ya Yerusalemi misi ii.
8Naye Herode ekinambone Yesu, akaizihirwa muno, amu eokie ekikunda kumbona misi miingi, hena lwa kusikia mburi yakwe, akaing’idaki kumbona ekiareha kindu kibaha. 9Akambujanya viteto viingi, kake ye temtalue kiteto kimwe. 10Wakara wabaha na watama wakaimuka, wekikudindija kumlinganya. 11Herode akamseka hamwe na wabwange wakwe, akamsola, akamdoka suke ya kuwaa, kuidiwika akamhundua hakwe Pilato. 12Niho wakakundana musi ula Pilato na Herode, amu kuwoka weokie wazo.
13Na Pilato ekinawaitange wala wakara wabaha na wandu wengi, 14akawawurra, Unywi munietie mundu uu, sa mwe ewagharusha wandu; na yoa mamsikija msongorana wenyu, kake siluwonie lukake wanga ya mundu uu ghati ya vila mumlinganyie: 15nete si Herode, amu amhundua hetu; nete tehena kindu kimbeiye kufwa ekiketie. 16Nikiidiwa kumbigha ninemchungua. 17(Amu tena huwo kuwachunguiya mundu mwe hena itasi.) 18Wakaloza wote hamwe, wekiteta, Mbushije uu, utuchunguyie Baraba. 19Na uu niye egeriwe kichungoni hena lwa kilinganya kiokie kiongoni, na hena lwa ukomi. 20Kake Pilato akatetawa nawo, ekikunda kumchungua Yesu. 21Kake wala wakaiya wekiteta, Mbankie, mbanike. 22Akawawurra kandu katatu, Ni uwiwi ani euarehe uu? Siwonie nete kindu kimbeiye kufwa: amu ii ninembigha ninemchungua. 23Kake wakaloza na maghonda mabaha, wekikunda asulibiwe, Maghonda mawo makalela. 24Pilato akakunda kiketike sawundu wakunda. 25Akamchungua ula egeriwe kichungoni hena lwa kilinganya na ukomi, wemkundie; kake akamng’ola Yesu sandu wekundie.
26Na wekinamtike wakamgura Siman, Mkurene, afuma mteme, wakambushija msalaba, autike nyuma ya Yesu.
27Na matorano mabaha ma wandu wakamratera, na wache wekikubighabigha na wekimwiyia. 28Kake Yesu akagharuka akateta, Unywi wache wa Yerusalemi, musiniiye mi, kake mukuiiye wenye na waana wenyu, 29Amu yoeni, misi ineza, wandu weneikawaghambe, Keba wala ndasa, na ndeni isimewona, na mawee mesimeamshwa. 30Niho wenewoka kuwurra nduwi, Tugwieni, na utuwi, Tushiyeni. 31Amu wekiareha ivi hena mti mbisi, hena ula uomie ineokaze?
32Wakatikwa weriwa, wawiwi, wakomwe kimwe naye.
33Na wekinafike handu haitangwe Ha kiborong’, niho wembanika, na wala wawiwi, mwe kuume, mwe kumoso. 34Yesu akateta, Apa, uwashigie, amu tewetisiwe wearehaze. Wakaghawa suke jakwe, wekijigeria zaro. 35Wandu weokie weimuke wekiyoa. Wabaha wakamsola, wekiteta, Ekijie wengi, akukije mwenye, kwakicha niye Masihi wa Izuwa, msawurwa. 36Na wabwange wakamseka, wekimzia, 37wekimwingija siki, wekighamba, Kwakicha we niwe mfumwa wa Wayahudi, ukukije mwenye. 38Heokie na lutamo wanga yakwe, Uu niye Mfumwa wa Wayahudi.
39Na mwe wa wawiwi wala wewanikwe kimwe naye akamtetia na lung’endo, ekiteta, We siwe eye Masihi? ukukije mwenye na uswi. 40Kake mughenji akatalwa, akambohia ekiteta, We toumwondoka Izuwa, ukioka ghati ya uchili uu? 41Na uswi kyatuwe, amu twaingwa sandu vila twaviketa; kake uu teketie kindu kiwiwi. 42Akateta, Yesu, unikumbuka mi, uneikauze ghati ya ufumwa wako. 43Akamburra, Amin nakuwurra, yoo uneoka hamwe nami paradisoni.
44Ikifika sa saa ya katandatu, kikaoka kija wanga ya isanga lose mtano saa ya kenda, izano ikiduhuka: 45pazia la hekalu likabajika ghati. 46Na Yesu ekinaiye na ighonda ibaha, akateta, Apa, nawika ngoma yangu mikononi hako. Na ekinavitete ivi, akachika ngoro. 47Na njama ekinawone vila viokie, akamwisisa Izuwa, ekiteta, Hena kididi mundu uu eokie wedi. 48Na matorano mose weokie wekiyoa, wekiwona vindu viokie, wakakubigha mbafu, wakahunduka. 49Na wandwawo wose na wache wetikana naye kufuma Galilaya, weokie wekiimuka hae, wekiyoa vindu ivi.
50Na mundu mwe, izina lakwe Yusuf, eokie mbaha, mundu wedi na ewe 51(uu teokie mshanga hena ngiliwata yawo), naye eokie inoti wa Arimathaya, kiongo cha Wayahudi, naye mwenye eokie ekiinda ufumwa wa Izuwa: 52uu akamtongia Pilato, akaomba muri wakwe Yesu. 53Akauseja, akaukoda sukeni, akamjika ghati ya mbira iforiwe mabweni, hesimegerwa mundu. 54Ukaoka musi wa kuarehia, na sabato ikasongeria. 55Na wache wefumie Galilaya hamwe naye wakaza wakayoa mbira, na muri wakwe wagerwaze. Wakahunduka, wakaarehia vindu vya mbungu yedi na mafuta. 56Musi wa sabato wakasowoka sandu kiokie kiteto.
Currently Selected:
Luka 23: TAVETA
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.