Yohane 3
3
Nikodemo kɔsra Yesu
1 #
Yoh 7.50; 19.39 Na Farisini bi wɔ hɔ a ne din de Nikodemo a ɔyɛ Yudafo panyin bi; 2ɔno na ɔbaa Yesu nkyɛn anadwo, na obesee no sɛ: Rabi, yenim sɛ wufi Nyankopɔn nkyɛn na aba sɛ ɔkyerɛkyerɛfo; na obi ntumi nyɛ nsɛnkyerɛnne a woyɛ yi, gye sɛ Onyankopɔn ka ne ho. 3#1 Pe 1.23 Yesu bua see no sɛ: Mereka akyerɛ wo nokwarem pa ara sɛ: Wɔanwo obi foforo a, ɔrentumi nhu Nyankopɔn ahenni no. 4Nikodemo see no sɛ: Ɛbɛyɛ dɛn na onipa a wanyin no, wobetumi awo no? Obetumi akɔ ne na yam bio na wɔawo no anaa? 5#Hes 36.25-27; Efe 5.26; Tito 3.5 Yesu buae sɛ: Mereka akyerɛ wo nokwarem pa ara sɛ: Wɔamfi nsu ne honhom mu anwo obi a, ɔrentumi nhyɛn Onyankopɔn ahenni mu. 6#Yoh 1.13; Gye 5.3; Nnw 51.5 Nea wofi honam mu awo no no yɛ ɔhonam; na nea wofi Honhom mu awo no no yɛ honhom. 7Mma ɛnnyɛ wo nwonwa sɛ meka mekyerɛɛ wo sɛ: Etwa sɛ wɔwo mo foforo. 8Mframa bɔ nea ɛpɛ, na wote ne nka, na wunnim nea efi ba ne nea ɛrekɔ. Saa ara nso na obiara a wɔawo no Honhom mu no te.
9Nikodemo bua see no sɛ: Ɛbɛyɛ dɛn na eyinom ayɛ hɔ? 10Yesu bua see no sɛ: Woyɛ Israel kyerɛkyerɛfo na wunnim eyinom? 11#Yoh 7.16; 8.26; 8.28 Mereka akyerɛ wo nokwarem pa ara sɛ: Nea yenim na yɛka, na nea yɛahu na yedi ho adanse; nanso munnye yɛn adanse no. 12Sɛ maka mo fam asɛm na munnye nni a, ɛbɛyɛ dɛn na sɛ meka mo ɔsoro nsɛm no a, mubegye adi? 13#Efe 4.9 Na obi mforoo soro, gye nea ofi soro sianee no, Onipa Ba a ɔwɔ ɔsoro no. 14#Num 21.8-9 Na sɛnea Mose maa ɔwɔ no so sare so no, saa ara na etwa sɛ wɔma Onipa Ba no so, 15na obiara a ogye no di no anya daa nkwa. 16#Rom 5.8; 8.32; 1 Yoh 4.9 Na sɛnea Onyankopɔn dɔɔ wiase ni, sɛ ɔde ne Ba a ɔwoo no koro no mae, na obiara a ogye no di no anyera, na wanya daa nkwa. 17#Yoh 12.47 Na Onyankopɔn ansoma Ɔba no wiase sɛ ommebu wiase atɛn, na mmom sɛ wɔmfa no so nnye wiase. 18#Yoh 3.36; 5.24 Nea ogye no di no, wommu no atɛn; na nea onnye nni no, wɔabu no atɛn dedaw sɛ wannye Onyankopɔn Ba koro no din no anni. 19#Yoh 1.5; 1.9-11 Na eyi mmom ne atemmu no, sɛ hann no aba wiase, na nnipa dɔ sum sen hann no; efisɛ wɔn nnwuma yɛ bɔne. 20#Efe 5.13 Na obiara a ɔyɛ bɔne no tan hann no, na ɔmma hann no ho, na wɔanyi no ne nnwuma ho ntɛn. 21Na nea ɔyɛ nea ɛyɛ nokware no ba hann no ho sɛ ne nnwuma mmɛda adi, efisɛ ɔyɛɛ no Onyankopɔn mu.
Yohane adansedi foforo
22 #
Yoh 4.1-2
Eyinom akyi no, Yesu ne n’asuafo no baa Yudea asase so; na ɔne wɔn tenaa hɔ, na ɔbɔɔ asu. 23Na Yohane nso rebɔ asu wɔ Ainon a ɛbɛn Salim, efisɛ asuasu pii wɔ hɔ; na wɔbaa hɔ ma wɔbɔɔ wɔn asu. 24#Mat 14.3 Na wonnya mfaa Yohane ntoo afiase ɛ. 25Ɛnna ahodwira ho akyinnyegye bi sɔree Yohane asuafo ne Yudafo ntam. 26#Yoh 1.26-34 Na wɔbaa Yohane nkyɛn bɛka kyerɛɛ no sɛ: Rabi, nea ɔbaa wo nkyɛn Yordan agya noho a wudii ne ho adanse no, hwɛ, ɔno nso bɔ asu, na nnipa nyinaa ba ne nkyɛn. 27#Heb 5.4 Yohane bua kae sɛ: Onipa ntumi nnya biribi, gye sɛ wɔde fi soro ama no ansa. 28#Yoh 1.20; 1.23; 1.27 Mo ankasa mudi me adanse sɛ mekae sɛ: Ɛnyɛ mene Kristo no, na wɔsomaa me dii n’anim. 29#Mat 22.2 Nea ayeforo wɔ no no ne ayeforokunu; na ayeforokunu adamfo a ogyina hɔ na otie no de, ogye na n’ani gye, ayeforokunu no nne nti. Ɛno nti afei na me saa anigye yi awie pɛyɛ. 30Ɔno de, etwa sɛ ɔdɔre, na me de, me so huan.
31 #
Yoh 8.23
Nea ofi soro ba no sen nnipa nyinaa. Nea ofi fam no fi fam, na ofi fam kasa; nea ofi soro ba no sen nnipa nyinaa, 32#Yoh 3.11 na nea wahu na wate no, ɛno ho adanse na odi; na obi nnye n’adanse no. 33Nea wagye n’adanse no asi gyinae sɛ Onyankopɔn yɛ ɔnokwafo. 34#Yoh 1.33-34 Na nea Onyankopɔn asoma no no ka Onyankopɔn asɛm; na Onyankopɔn nsusuw Honhom ansa na ɔde ma. 35#Yoh 5.20; Mat 11.27 Agya no dɔ Ɔba no, na ɔde nneɛma nyinaa ahyɛ ne nsa. 36#Yoh 3.18 Nea ogye Ɔba no di no wɔ daa nkwa; na nea ontie Ɔba no no renhu nkwa, na Onyankopɔn abufuw da no so.
Currently Selected:
Yohane 3: ATWDB
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Revised Akuapem Twi DC Bible © Bible Society of Ghana, 2017.