Eyokuqala ka‐Samyali 1
1
ISAHLUKO I.
1KWABEKUKO indoda etile yase‐Ramatayime‐tsofime, yasentabeni yakwa‐Frayime, egama belingu‐Lekana, unyana ka‐Yerohame, unyana ka‐Elihu, unyana ka‐Tohu, unyana ka Tsufi, um‐Eferata: 2yabinabafazi ababini; igama lomnye belingu‐Hana, negama lowesibini belingu‐Penina; waye u‐Penina wayenabantwana, kodwa u‐Hana wayengenabantwana.
3Kekaloku lendoda yenyuka esixekweni sayo, iminyaka ngeminyaka, ukuya kubedesha nokubingela uyehova wemikosi e‐Shilo: babekona onyana bobabini baka‐Heli, u‐Hofeni no‐Finehasi, abaperisite bakayehova. 4Kwaye kute ngomhla u‐Lekana wabinga ngawo, wanika ku‐Penina umfazi wake, nakubo bonke onyana bake nentombi zake, izabelo: 5kanti wanika ku‐Hana isabelo esipindiweyo; ngokuba ebemtanda u‐Hana: kodwa uyehova ebevalile isizalo sake. 6Kanjako umalanekazi wake wamcapukisa kakulu, ukuze amqumbise, ngokuba uyehova evalile isizalo sake. 7Wenje njalo ke u‐Lekana iminyaka ngeminyaka; wati u‐Hana nxa sukuba ebenyuka ukuya endlwini kayehova, kwa njalo u‐Penina wamcapukisa; ngako walila, engadli nto. 8Wada wati u‐Lekana, indoda yake, kuye: Hana! yinina ukuba ulile? yinina ukuba ungadli? yinina ukuba intliziyo yako inosizi? andilungile na kuwe ngapezu kwonyana abalishumi?
9Wandula u‐Hana wesuka, emveni kwokudliwa e‐Shilo, nasemveni kwokuselwa: (kekaloku u‐Heli, umperisite, wahlala pezu kwesihlalo ngasemgubasini wetempile kayehova:) 10waye u‐Hana enobuṙaṙa bompefumlo, watandaza kuyehova, walila kakulu; 11wabambisa ngesibambiso, wati: Yehova wemikosi! ukuba woka ukangele imbandezelwa yesicakakazi sako, undikumbule, ungalibali isicakakazi sako, uze usinike isicakakazi sako umntwana wobudoda, sendiya kumnika kuyehova ngayo yonke imihla yobomi bake; kanjalo isitshetshe sokugugula asiyi kunyuka pezu kwentloko yake.
12Kwaye kute, xeshekweni abezingisa ukutandaza ebusweni bukayehova, wati u‐Heli wagqala umlomo wake. 13Ngokuba u‐Hana ebeteta entliziyweni yake; umlomo wake ubushukuma kupela, ilizwi lake belingaviwa; ngako u‐Heli waba ungumnxilikazi. 14Waza u‐Heli wati kuye: Kwoda kube ninina uya kwenza njengomnxilikazi? kwelelisa iveyine yako kuwe. 15Kodwa wapendula u‐Hana, wati: Hai, nkosi yam! ndingumfazi ompefumlo unzima; andiselanga neveyine notywala; kodwa nditulule umpefumlo wam pambi kwoyehova. 16Ungabali isicakakazi sako ukuba yintombi yobunginingini; ngokuba kungobuninzi besikalazo sam nokatazo lwam enditetileyo kwada kwakaloku. 17Wandula wapendula u‐Heli, wati: Hamba ngoxolo: wanga utixo wo‐Sirayeli angakunika isicelo sako, osicelileyo kuye. 18Wayesiti: Isicakakazi sako masifumane ufefe emehlweni ako! Waza wahamba umfazi lowo ngendlela yake, wadla ke; kanjalo ubuso bake bebungasenjalo kuye.
19Baza bavuka kwa kusasa, babedesha ebusweni bukayehova, babuya, beza endlwini yabo e‐Rama. Waye u‐Lekana wamazi u‐Hana umfazi wake; wati uyehova wamkumbula. 20Kwabekute ekupeleni kwemihla etile, wandula u‐Hana wakaula, wazala unyana, wabiza igama lake ngo‐Samyali#1:20 Oko kukuti: Oceliweyo KUTIXO.: ngokuba, wabesitsho, ndimcelile kuyehova.
21Yaza yenyuka indoda leyo, u‐Lekana, nayo yonke indlu yayo, ukuya kubingela uyehova umbingo womnyaka ngomnyaka, nesibambiso sake. 22Kodwa u‐Hana ebengenyuki; ngokuba ebesiti kuyo indoda yake: Ndohlala ade umntwana alunyulwe, ndandiya kwandula ndimzise, aze abonakale ebusweni bukayehova, ahlale kona kude kube ngunapakade. 23Waza u‐Lekana, indoda yake, wati kuye: Yenza okulungileyo emehlweni ako; hlala ude umlumle; kodwa uyehova makaliqinise ilizwi lake. Kwa njalo wahlala umfazi lowo, wanyisa unyana wake, wada wamlumla.
24Wati akuba emlumlile, wamnyusa kunye naye, enenkatyana zintatu, neyefa inye yomgubo, nentsuba yeveyine, wamzisa endlwini kayehova e‐Shilo: waye umntwana ebesemtsha. 25Baza baxe̔la inkatyana, bamzisa umntwana ku‐Heli. 26Wayesiti: Ke, nkosi yam! bomi bompefumlo wako, nkosi yam! ndingulamfazi owemayo ngakuwe apa, etandaza kuyehova. 27Ndatandazela umntwana lo, wati uyehova wandinika isicelo sam ebendisicela kuye. 28Ngako nam ndimbolekile uyehova; ngayo yonke imihla uya kubako ngayo wobolekwa uyehova. Waza umntwana wambedesha kona uyehova.
Currently Selected:
Eyokuqala ka‐Samyali 1: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.