U‐Yisaya 61:1-3

UMOYA WENKOSI UYEHOVA upezu kwam; ngokokuba UYEHOVA enditambisele ukushumayela indaba ezimnandi kwabatotyiweyo; unditumele ukubopa abantliziyo zigqobokileyo, ukuxela kwabatinjiweyo inkululeko, nakwababanjiweyo ukuvulwa kwentolongo; ukuxela umnyaka okolekileyo KAYEHOVA, nomhla wempindezelo KATIXO wetu; ukututuzela bonke abalilayo; ukumisela abo balilayo e‐Ziyone umgcobo; ukubanika ubuhle endaweni yotutu, ioli yovuyo endaweni yolilo, isambato sodumo endaweni yomoya wokuncama; ukuba babizwe ngokuba yimiti yobulungisa, isityalo SIKAYEHOVA; ukuze enzelwe ubungcwalisa.