Iindumiso Iindumiso 33

Iindumiso 33

Lonke ilizwe malimoyike uYehova

1Memelelani kuYehova, nina malungisa, Ngokuba imnandi indumiso kumalungisa.

2Mdumiseni uYehova ngencakuba; vumani kuye ngohadi nangomrhubhe ontambo zilishumi.

3Mvumeleni ingoma entsha; dlala kamnandi ngengxolo eninzi.

4Ngokuba lithe tye ilizwi likaYehova; yonke imisebenzi yakhe uyenzele inyaniso.

5Uthanda ubulungisa nokusesikweni, Uzele yinceba kaYehova ihlabathi.

6Lenzeka izulu ngelizwi likaYehova; nomkhosi wawo wonke ngomoya womlomo wakhe.

7Ulobutha njengemfumba amanzi olwandle; Ugcina amanzi koovimba.

8Loyike uYehova elimiweyo; Mabamoyike bonke abemi behlabathi.

9Ngokuba wathetha, kwabakho; wayalela, yahlala imile.

10uYehova uyawatshitshisa amacebo eentlanga; Uyawatshabalalisa amacebo abantu.

11Injongo kaYehova ingunaphakade, iingcamango zentliziyo yakhe zisuka kwesinye isizukulwana ziye kwesinye.

12Hayi, uyolo lohlanga oluThixo walo unguYehova; nabantu abanyulileyo, ukuba babe lilifa kuye.

13uYehova uqondele esemazulwini; uyababona bonke abantwana babantu.

14Esendaweni yakhe yokuhlala uyababona bonke abemi behlabathi.

15Uyayikholisa intliziyo yabo; Ubona zonke izenzo zabo.

16Akukho kumkani usindiswayo ngobuninzi bamaphakathi; iqhawe alisindi ngamandla amakhulu.

17Ihashe alinakusinda, yaye ngenxa yobugorha balo alinakumsindisa umntu.

18Yabona, amehlo kaYehova aphezu kwabamoyikayo, abakholose ngenceba yakhe;

19Ukuba akhulule imiphefumlo yabo ekufeni, Abasindise endlaleni.

20Umphefumlo wethu ulindele kuYehova; Uncedo lwethu nengweletshetshe yethu nguye.

21Ngokuba iya kuvuya ngaye intliziyo yethu, Sikholosile nje ngegama lakhe elingcwele.

22Yehova, inceba yakho mayibe phezu kwethu, njengoko sikholose ngawe.

Currently Selected:

Iindumiso Iindumiso 33: CXB24

Qaqambisa

Copy

Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena

Iivesi zeBhayibhile ezithandwayo ezisuka
Iindumiso Iindumiso 33