Ruuka 8
8
Abhagasi bhanu bhaaruubhaga Yeesu
1Ejo jejire jaawa, Yeesu ˆnaasooka‑wo ˆnaaturaga mu‑misi na mu‑nguuyo. Aariga ˆnaaraasisya abhaanu Emisango ja Ekisi ja obhukama bhwa Nyamuwanga bhuri rubhaara. Aariga ˆnaaruubhana na abheeyigisibhwa bhaaye ekumi na bhabhiri. 2Aagendaga wone na abhagasi abhandi. Mu‑bheene abho, bhari‑mo bhanu Yeesu aariga asoosiisye‑ko amasambwa, abhandi aariga abhawosiisye amarwara. Mu‑bhagasi abho, aariga ari‑mo Maryamu okusooka mu‑musi gwa Magidara, unu Yeesu ꞉aasoosiisye‑ko amasambwa gataanu na gabhiri. 3Aariga ari‑wo wone Yoana, omugasi wa Kuja. Kuja oyo, niwe aariga ari mubhiiki omukuru wa ebhiinu bhya omukama Yeroode Atipaasi. Aariga ari‑wo Susana, na abhagasi abhandi bhaafu, bhanu bhaasoosyaga ebhiinu bhyebhwe okusakira Yeesu na abheeyigisibhwa bhaaye.
Echijekekanyo cha omubhibhi wa jimbibho
(Mataayo 13:1‑9; Maariko 4:1‑9)
4Rusuku rumwi, abhaanu okusooka mu‑misi myafu nibhaaja ku‑Yeesu, nibheekofyanya echise chinene cha abhaanu. Neeya, Yeesu ˆnaabhabhwira echijekekanyo ati, 5“Aariga ari‑wo omubhibhi umwi unu ꞉aagendere okubhibha jimbibho mw‑isambu ryaye. Omwanya gunu aabhibhaga, ejindi ꞉jaaguuwe ku‑njira, nijitajwa na abhaanu, nijiriibhwa na jinyonyi. 6Jimbibho ejindi nijigwa ku‑rutare runu amayaru gaariga gatari maafu. Ku‑rutare okwo, nijimera, nijibhurwa amanji, nijuuma. 7Ejindi nijigwa mu‑mawa. Amawa ago, gejire gaakura nigajiyiganya, kurwa ejo ꞉jitaakurire. 8Jimbibho ejindi nijigwa mu‑mayaru ga ekisi. Nijimera na okutwasya amatwasyo maafu nijiyongesya nijikinga egana okukira jinu aariga abhibhire.”
Yeesu ejire aamara okwayika ejo, ˆnaamura obhuraka ˆnaayika ati, “Unu kaategeresya, noongwe!”
9Abheeyigisibhwa bhaaye, nibhamubhuusya ati, “Echijekekanyo echo, obhugajuro bhwacho niki?” 10Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati,
‘Omwanya gunu abharingira, bhabhe wuti bhatakurora.
Noorwo kutyo abhoongwa, bhabhe wuti bhatakusombookerwa.’#8:10 Ringira Iisaya 6:9.
11“Mbe, obhugajuro bhwa echijekekanyo echo nibhwo bhunu. Imbibho ni musango gwa Nyamuwanga. 12Jimbibho jinu ꞉jaaguuwe ku‑njira ejeeresya ati, ni bhaanu bhanu abhoongwa omusango gwa Nyamuwanga. Bhaakamara okutegeresya, awoawo, Syetaani ˆnaaja, ˆnaagusoosya mu‑myoyo jeebhwe, bhaasiga okugwikirisya na okuchungurwa.
13“Jimbibho jinu ꞉jaaguuwe ku‑rutare, ejisusanyibhwa na abhaanu bhanu abhoongwa omusango gwa Nyamuwanga, nibhaguramira kwa rikonderwa enene, nibhagwikirisya katungu katooto era. Nawe omwanya gunu abharegeejibhwa abhagusiga. Bhari rwa amati ganu emisi jaago jiri ingurunguru era.
14“Jimbibho jinu ꞉jaaguuwe mu‑mawa, ejisusanyibhwa na abhaanu bhanu abhoongwa omusango gwa Nyamuwanga, nawe nibhayiganywa na obhwiganirisya bhwa obhurame bhwa ku‑chaaro na obhurigire bhwa obhuniibhi. Ejo nijo ejikora eriikirisya ryebhwe ritakusoosya amatwasyo ga ekisi.
15“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.
Echijekekanyo cha idara
(Maariko 4:21‑25)
16“Atari‑wo omuunu unu kaakongeesya idara, neeya ˆnaayifundikira na ridebhe, amwi okuyituura mw‑ifuufu rya obhuriri. Kaayituura ku‑mutereko, korereki abhaanu bhanu abheengira mu‑nju omwo, bharore obhweru.
17“Nyabhuriko, echiinu choonechoone chinu chibhisirwe, chiriswerurirwa, ka wone imbisike yooneyoone, irimenyekana.
18“Kurwa ejo, jinu omuungwa, mujiganirisyega kisi! Omuunu unu kaagwata jinu koongwa, Nyamuwanga kaja okumuswerurira noorwo na ejindi. Nawe omuunu unu atakuungwa emisango ejo, mbe oyo kaja okuteesibhwa noorwo obhusombookerwa bhunu keetogera ati ari nabhwo.”
Nyiramwene Yeesu na abhamura bhaabho Yeesu
(Mataayo 12:46‑50; Maariko 3:31‑35)
19Niwo nyiramwene Yeesu, na abhamura bhaabho nibhamuuja‑ko. Nawe ꞉bhataaturire okumufogera‑ko, kwa okubha abhaanu bhaariga bhari bhaafu bhayigeenega. 20Abhaanu abhandi nibhabhwira Yeesu ati, “Nyokomwana na abhamura bhaanyu, bheemereeguuyu anja, abhakena okubhugana nawe.”
21Yeesu ˆnaabhasubhya ati, “Maayi na abhamura bhaasu ni bhanu abhoongwa omusango gwa Nyamuwanga na okugugayuka.”
Yeesu kaagonya omuyaga gwa echiiwure mu‑nyanja
(Mataayo 8:23‑27; Maariko 4:35‑41)
22Rusuku rumwi, Yeesu ˆnaariinya mu‑ngama na abheeyigisibhwa bhaaye. ˆNaabhabhwira ati, “Chaambuke inyanja, chije ku‑ngego eyindi.” Mbe, nibhagenda. 23Omwanya gunu bhaariga bhachaagenda, Yeesu ˆnaagenda okuwongera. Bhejire bhaakinga mu‑bhusibha, nigutiimuka omuyaga mwafu muno gwa echiiwure! Ingama niyamba okwijura amanji nibhabha mu‑ngʼanga ya okutubhira.
24Abheeyigisibhwa abho, nibhagenda bhwangu okumurafya keenu nibhakungaga ati, “Raatabhugenyi! Raatabhugenyi! Echisingaarika!” Neeya, Yeesu ˆneemuka, ˆnaagonya omuyaga na amakonjo, awoawo inyanja niibha etore chimwi.
25Mbe, ˆnaabhabhwira ati, “Riryaki eriikirisya ryemwe?” Nibharuguura na okuubhaya muno. Nibhabhuusyanya ati, “Unu ni muunu wa mbaga ki? Kaagonya omuyaga na amakonjo, awoawo nibhimugayuka!”
Yeesu kaawosya Omugeraasi
(Mataayo 8:28‑34; Maariko 5:1‑20)
26Yeesu na abheeyigisibhwa bhaaye, bhejire bhaambuka mu‑nyanja ya Gariraaya, nibhakingira mu‑chaaro cha Abhageraasi ku‑ngego ya kabhiri ya mu‑mukoowa gwa Gariraaya. 27Yeesu ejire eeka okusooka mu‑ngama, ˆnaabhugana na omuunu umwi wa mu‑musi gurya, unu aariga awungirwe na amasambwa. Kwa omwanya omureera, omuunu oyo aariga atakufwara emyenda, ka wone aariga ateekaaye iika, tari aariga eekaaye mu‑bhituuro.
28-29Amasambwa ago, gaamuwungaga kwiya kaafu. Abhaanu bhaaregeejaga okumwangarira, kwa okumubhoya na amaseega na jinyoro. Noorwo kutyo, aariga ˆnaabhutura amaseega ago, ˆnaabhirimaga okuja mw‑ibhara.
Mbe, Yeesu ˆnaagagonya amasambwa ago ati, “Musooke mu‑muunu unu!”
Omuunu oyo, ejire aaringirana na Yeesu, ˆnaamura obhuraka ˆnaarira. ˆNaagwa bhwifumbike imbere ya Yeesu, ˆnaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki! Enikwirembeeresya, waasiga okunnyaasya!”
30Yeesu ˆnaaribhuusya ati, “Risiina ryawo niga?” Eryene nirimusubhya ati, “Risiina ryani ni Chise.” ꞉Aayikire kutyo, kwa okubha aariga awungirwe amasambwa maafu muno. 31Amasambwa ago, nigaamba okwirembeeresya Yeesu ati, aasiga okugaragirira okuja nyombe.#8:31 Nyombe. Ku‑meeresyo amaafu, ringira mu‑Meeresyo inguru ya Emisango Emikomeeye.
32Mbe, yeeyi na orubhaara orwo, ku‑mbarimbari ya echiima, ryariga riri‑wo riyijo enene rya jimbiiji nirireebhaga. Awoawo, amasambwa ago nigeerembeeresya Yeesu ati, “Nuuchiikirisisye chiingire mu‑mbiiji jirya.” Yeesu ˆnaageekirisisya. 33Amasambwa ago gejire gaasooka ku‑muunu oyo, nigagenda nigeengira mu‑mbiiji ejo. Awoawo riyijo ryone rya jimbiiji niryoromoka rwa omuyaga ku‑chooromoko kurya, nirisingaarika mu‑manji.
34Mbe, abhareefi bha jimbiiji abho, bhejire bhaarora ejo, nibhabhirima, nibhagenda mu‑musi na mu‑nguuyo ja ayeeyi, nibharaasisya abhaanu emisango jinu ꞉jaakorekeene. 35Abhaanu nibhagenda okwirorera abheene emisango jinu ꞉jaakorekeene, nibhakinga ku‑Yeesu.
Abhaanu abho bhejire bhaamukinga‑ko, nibhoobhaya muno okurora omuunu unu aariga awungirwe amasambwa maafu eenyanjire, afwaye emyenda na obhwenge bhwaye bhwone bhumuri‑mo. 36Nibhabhatondera kutyo omuunu wurya aawosibhwa.
37Abhaanu bhoone mu‑chaaro cha Abhageraasi awo, bhanu bhaariga bheekumanyiisye awo, nibheerembeeresya Yeesu muno asooke mu‑chaaro cheebhwe, kwa okubha bhaariga bhoobhayire muno. Kurwa ejo, ˆnaariinya mu‑ngama, korereki asooke awo.
38Omuunu unu amasambwa gaariga gasookere‑mo, ˆneerembeeresya Yeesu ati amwikirisisye agende aamwi nage. Nawe Yeesu ˆnaamubhwira ati, 39“Nuusubhe iika, ubhabhwire jinu Nyamuwanga aakukorera.”
Niwo, omuunu oyo ˆnaasooka awo, ˆnaagenda ˆnaaraasisyaga abhaanu bhuri rubhaara mu‑musi omwo jinu Yeesu aamukorera.
Yeesu kaawosya omugasi owa echisiiro na okusuurura omuyarakaji
(Mataayo 9:18‑26; Maariko 5:21‑43)
40Yeesu ejire aasubha mu‑mukoowa gwa Gariraaya, ꞉aakumiibhwe na echise cha abhaanu bhanu bhaariga nibhamurindirira.
41Awo, ˆnaaja‑wo omuunu umwi, unu aariga ˆnaatogwa Yaayiro. Yaayiro oyo, niwe aariga ari mukuru wa inju ya eriikofyanyo rya Abhayawudi. ˆNeefukama imbere ya Yeesu, ˆnaamwirembeeresya ati, aaje iika ewaaye, 42kwa okubha omuyaasya waaye nyagumwi, ari owa emiguuga ekumi na ebhiri, ari yeeyi okufwa.
Omwanya gunu Yeesu aariga ˆnaagenda iika wa Yaayiro, echise cha abhaanu, nichiruubhana nage nichimuyiganyaga muno.
43Mu‑bhaanu abho, aariga ari‑mo omugasi, unu aariga arwaye echisiiro, emiguuga ekumi na ebhiri. [Aariga aamarire ribhona ryaye ryone ˆnaasiraga ku‑bhafumu.] Nawe atari‑wo omufumu noorwo umwi unu ꞉aaturire okumuwosya.
44Mbe, omugasi oyo ˆnaaja inyuma ya Yeesu, ˆnaakuunʼya ku‑bhisangʼarye bhya ku‑bhufunyiro bhwa omwenda gwa Yeesu. Awoawo obhurwaye bhwa echisiiro nibhuwora.
45Yeesu ˆnaabhuusya ati, “Niga unu aankuunʼya‑ko?” Abhaanu bhoone bhejire bhaarema, Peetero wone ˆnaayika ati, “Mwami weeswe, ni bhaanu bhaafu bhanu abhakwiyinda na okukuyiganya!” 46Nawe, Yeesu ˆnaayika ati, “Nimenyere ati, ari‑wo omuunu unu aankuunʼya‑ko, kwa okubha eniiyungwa ati obhuturo bhwani bhwa okuwosya bhwakora emirimu.”
47Omugasi oyo, ejire aarora ati atakutura okwiyibhisa rindi, ˆnaaja ku‑Yeesu enu ˆnaayararaga bhugubhugu. ˆNeefukama, ˆnaamubhwira imbere ya abhaanu abho bhoone, isonga ya okumukuunʼya‑ko, na kutyo aawosibhwa. 48Mbe, Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo! Nuugende na omurembe.”
49Omwanya gunu Yeesu aariga achaasimura, ˆnaaja omuunu umwi okusooka iika wa omukuru oyo wa inju ya eriikofyanyo. ˆNaabhwira Yaayiro ati, “Omuyaasya waawo aafuuwe. Siga okunyaasya rindi Omwiyigisya.” 50Yeesu ejire oongwa emisango ejo, ˆnaabhwira Yaayiro ati, “Nuusige okuubhaya! Nuubhe na eriikirisya era, omuyaasya waawo kaja okuwora.”
51Yeesu ejire aakinga iika wa Yaayiro, ˆnaagaanya abhaanu abhandi okwingira aamwi nage mu‑nju, ˆneekirisisya era Peetero, Yowana, Yakobho, esemwene na nyiramwene omuyarakaji oyo okwingira.
52Abhaanu bhoone iika awo, bhaariga nibharira na okusurumbara inguru ya orufu rwa omuyarakaji oyo. Nawe, Yeesu ˆnaabhabhwira ati, “Musige okurira! Unu achaari kufwa, awongeeye era!” 53Nawe abhaanu abho nibhaamba okumuseka kabhikabhi, kwa okubha bhaariga bhamenyere ati, oyo aafuuwe.
54Yeesu ˆnaagwata omuyarakaji oyo okubhoko, ˆnaamubhwira ati, “Muyaasya waani, iimuka!” 55Awoawo, omuyarakaji oyo, omwoyo gwaye nigumusubha‑mo, ˆneemereeguru. Yeesu ˆnaabhwira abheebhusi bhaaye bhamuyaane ebhiryo.
56Abheebhusi bhaaye bhejire bhaarora ejo, nibharuguura muno. Nawe Yeesu ˆnaabhagaanya ati, bhaasiga okubhwira omuunu woonewoone jinu jaakorekana.
Currently Selected:
Ruuka 8: jit
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023, Wycliffe Bible Translators, Inc. All rights reserved.
Ruuka 8
8
Abhagasi bhanu bhaaruubhaga Yeesu
1Ejo jejire jaawa, Yeesu ˆnaasooka‑wo ˆnaaturaga mu‑misi na mu‑nguuyo. Aariga ˆnaaraasisya abhaanu Emisango ja Ekisi ja obhukama bhwa Nyamuwanga bhuri rubhaara. Aariga ˆnaaruubhana na abheeyigisibhwa bhaaye ekumi na bhabhiri. 2Aagendaga wone na abhagasi abhandi. Mu‑bheene abho, bhari‑mo bhanu Yeesu aariga asoosiisye‑ko amasambwa, abhandi aariga abhawosiisye amarwara. Mu‑bhagasi abho, aariga ari‑mo Maryamu okusooka mu‑musi gwa Magidara, unu Yeesu ꞉aasoosiisye‑ko amasambwa gataanu na gabhiri. 3Aariga ari‑wo wone Yoana, omugasi wa Kuja. Kuja oyo, niwe aariga ari mubhiiki omukuru wa ebhiinu bhya omukama Yeroode Atipaasi. Aariga ari‑wo Susana, na abhagasi abhandi bhaafu, bhanu bhaasoosyaga ebhiinu bhyebhwe okusakira Yeesu na abheeyigisibhwa bhaaye.
Echijekekanyo cha omubhibhi wa jimbibho
(Mataayo 13:1‑9; Maariko 4:1‑9)
4Rusuku rumwi, abhaanu okusooka mu‑misi myafu nibhaaja ku‑Yeesu, nibheekofyanya echise chinene cha abhaanu. Neeya, Yeesu ˆnaabhabhwira echijekekanyo ati, 5“Aariga ari‑wo omubhibhi umwi unu ꞉aagendere okubhibha jimbibho mw‑isambu ryaye. Omwanya gunu aabhibhaga, ejindi ꞉jaaguuwe ku‑njira, nijitajwa na abhaanu, nijiriibhwa na jinyonyi. 6Jimbibho ejindi nijigwa ku‑rutare runu amayaru gaariga gatari maafu. Ku‑rutare okwo, nijimera, nijibhurwa amanji, nijuuma. 7Ejindi nijigwa mu‑mawa. Amawa ago, gejire gaakura nigajiyiganya, kurwa ejo ꞉jitaakurire. 8Jimbibho ejindi nijigwa mu‑mayaru ga ekisi. Nijimera na okutwasya amatwasyo maafu nijiyongesya nijikinga egana okukira jinu aariga abhibhire.”
Yeesu ejire aamara okwayika ejo, ˆnaamura obhuraka ˆnaayika ati, “Unu kaategeresya, noongwe!”
9Abheeyigisibhwa bhaaye, nibhamubhuusya ati, “Echijekekanyo echo, obhugajuro bhwacho niki?” 10Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati,
‘Omwanya gunu abharingira, bhabhe wuti bhatakurora.
Noorwo kutyo abhoongwa, bhabhe wuti bhatakusombookerwa.’#8:10 Ringira Iisaya 6:9.
11“Mbe, obhugajuro bhwa echijekekanyo echo nibhwo bhunu. Imbibho ni musango gwa Nyamuwanga. 12Jimbibho jinu ꞉jaaguuwe ku‑njira ejeeresya ati, ni bhaanu bhanu abhoongwa omusango gwa Nyamuwanga. Bhaakamara okutegeresya, awoawo, Syetaani ˆnaaja, ˆnaagusoosya mu‑myoyo jeebhwe, bhaasiga okugwikirisya na okuchungurwa.
13“Jimbibho jinu ꞉jaaguuwe ku‑rutare, ejisusanyibhwa na abhaanu bhanu abhoongwa omusango gwa Nyamuwanga, nibhaguramira kwa rikonderwa enene, nibhagwikirisya katungu katooto era. Nawe omwanya gunu abharegeejibhwa abhagusiga. Bhari rwa amati ganu emisi jaago jiri ingurunguru era.
14“Jimbibho jinu ꞉jaaguuwe mu‑mawa, ejisusanyibhwa na abhaanu bhanu abhoongwa omusango gwa Nyamuwanga, nawe nibhayiganywa na obhwiganirisya bhwa obhurame bhwa ku‑chaaro na obhurigire bhwa obhuniibhi. Ejo nijo ejikora eriikirisya ryebhwe ritakusoosya amatwasyo ga ekisi.
15“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.
Echijekekanyo cha idara
(Maariko 4:21‑25)
16“Atari‑wo omuunu unu kaakongeesya idara, neeya ˆnaayifundikira na ridebhe, amwi okuyituura mw‑ifuufu rya obhuriri. Kaayituura ku‑mutereko, korereki abhaanu bhanu abheengira mu‑nju omwo, bharore obhweru.
17“Nyabhuriko, echiinu choonechoone chinu chibhisirwe, chiriswerurirwa, ka wone imbisike yooneyoone, irimenyekana.
18“Kurwa ejo, jinu omuungwa, mujiganirisyega kisi! Omuunu unu kaagwata jinu koongwa, Nyamuwanga kaja okumuswerurira noorwo na ejindi. Nawe omuunu unu atakuungwa emisango ejo, mbe oyo kaja okuteesibhwa noorwo obhusombookerwa bhunu keetogera ati ari nabhwo.”
Nyiramwene Yeesu na abhamura bhaabho Yeesu
(Mataayo 12:46‑50; Maariko 3:31‑35)
19Niwo nyiramwene Yeesu, na abhamura bhaabho nibhamuuja‑ko. Nawe ꞉bhataaturire okumufogera‑ko, kwa okubha abhaanu bhaariga bhari bhaafu bhayigeenega. 20Abhaanu abhandi nibhabhwira Yeesu ati, “Nyokomwana na abhamura bhaanyu, bheemereeguuyu anja, abhakena okubhugana nawe.”
21Yeesu ˆnaabhasubhya ati, “Maayi na abhamura bhaasu ni bhanu abhoongwa omusango gwa Nyamuwanga na okugugayuka.”
Yeesu kaagonya omuyaga gwa echiiwure mu‑nyanja
(Mataayo 8:23‑27; Maariko 4:35‑41)
22Rusuku rumwi, Yeesu ˆnaariinya mu‑ngama na abheeyigisibhwa bhaaye. ˆNaabhabhwira ati, “Chaambuke inyanja, chije ku‑ngego eyindi.” Mbe, nibhagenda. 23Omwanya gunu bhaariga bhachaagenda, Yeesu ˆnaagenda okuwongera. Bhejire bhaakinga mu‑bhusibha, nigutiimuka omuyaga mwafu muno gwa echiiwure! Ingama niyamba okwijura amanji nibhabha mu‑ngʼanga ya okutubhira.
24Abheeyigisibhwa abho, nibhagenda bhwangu okumurafya keenu nibhakungaga ati, “Raatabhugenyi! Raatabhugenyi! Echisingaarika!” Neeya, Yeesu ˆneemuka, ˆnaagonya omuyaga na amakonjo, awoawo inyanja niibha etore chimwi.
25Mbe, ˆnaabhabhwira ati, “Riryaki eriikirisya ryemwe?” Nibharuguura na okuubhaya muno. Nibhabhuusyanya ati, “Unu ni muunu wa mbaga ki? Kaagonya omuyaga na amakonjo, awoawo nibhimugayuka!”
Yeesu kaawosya Omugeraasi
(Mataayo 8:28‑34; Maariko 5:1‑20)
26Yeesu na abheeyigisibhwa bhaaye, bhejire bhaambuka mu‑nyanja ya Gariraaya, nibhakingira mu‑chaaro cha Abhageraasi ku‑ngego ya kabhiri ya mu‑mukoowa gwa Gariraaya. 27Yeesu ejire eeka okusooka mu‑ngama, ˆnaabhugana na omuunu umwi wa mu‑musi gurya, unu aariga awungirwe na amasambwa. Kwa omwanya omureera, omuunu oyo aariga atakufwara emyenda, ka wone aariga ateekaaye iika, tari aariga eekaaye mu‑bhituuro.
28-29Amasambwa ago, gaamuwungaga kwiya kaafu. Abhaanu bhaaregeejaga okumwangarira, kwa okumubhoya na amaseega na jinyoro. Noorwo kutyo, aariga ˆnaabhutura amaseega ago, ˆnaabhirimaga okuja mw‑ibhara.
Mbe, Yeesu ˆnaagagonya amasambwa ago ati, “Musooke mu‑muunu unu!”
Omuunu oyo, ejire aaringirana na Yeesu, ˆnaamura obhuraka ˆnaarira. ˆNaagwa bhwifumbike imbere ya Yeesu, ˆnaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki! Enikwirembeeresya, waasiga okunnyaasya!”
30Yeesu ˆnaaribhuusya ati, “Risiina ryawo niga?” Eryene nirimusubhya ati, “Risiina ryani ni Chise.” ꞉Aayikire kutyo, kwa okubha aariga awungirwe amasambwa maafu muno. 31Amasambwa ago, nigaamba okwirembeeresya Yeesu ati, aasiga okugaragirira okuja nyombe.#8:31 Nyombe. Ku‑meeresyo amaafu, ringira mu‑Meeresyo inguru ya Emisango Emikomeeye.
32Mbe, yeeyi na orubhaara orwo, ku‑mbarimbari ya echiima, ryariga riri‑wo riyijo enene rya jimbiiji nirireebhaga. Awoawo, amasambwa ago nigeerembeeresya Yeesu ati, “Nuuchiikirisisye chiingire mu‑mbiiji jirya.” Yeesu ˆnaageekirisisya. 33Amasambwa ago gejire gaasooka ku‑muunu oyo, nigagenda nigeengira mu‑mbiiji ejo. Awoawo riyijo ryone rya jimbiiji niryoromoka rwa omuyaga ku‑chooromoko kurya, nirisingaarika mu‑manji.
34Mbe, abhareefi bha jimbiiji abho, bhejire bhaarora ejo, nibhabhirima, nibhagenda mu‑musi na mu‑nguuyo ja ayeeyi, nibharaasisya abhaanu emisango jinu ꞉jaakorekeene. 35Abhaanu nibhagenda okwirorera abheene emisango jinu ꞉jaakorekeene, nibhakinga ku‑Yeesu.
Abhaanu abho bhejire bhaamukinga‑ko, nibhoobhaya muno okurora omuunu unu aariga awungirwe amasambwa maafu eenyanjire, afwaye emyenda na obhwenge bhwaye bhwone bhumuri‑mo. 36Nibhabhatondera kutyo omuunu wurya aawosibhwa.
37Abhaanu bhoone mu‑chaaro cha Abhageraasi awo, bhanu bhaariga bheekumanyiisye awo, nibheerembeeresya Yeesu muno asooke mu‑chaaro cheebhwe, kwa okubha bhaariga bhoobhayire muno. Kurwa ejo, ˆnaariinya mu‑ngama, korereki asooke awo.
38Omuunu unu amasambwa gaariga gasookere‑mo, ˆneerembeeresya Yeesu ati amwikirisisye agende aamwi nage. Nawe Yeesu ˆnaamubhwira ati, 39“Nuusubhe iika, ubhabhwire jinu Nyamuwanga aakukorera.”
Niwo, omuunu oyo ˆnaasooka awo, ˆnaagenda ˆnaaraasisyaga abhaanu bhuri rubhaara mu‑musi omwo jinu Yeesu aamukorera.
Yeesu kaawosya omugasi owa echisiiro na okusuurura omuyarakaji
(Mataayo 9:18‑26; Maariko 5:21‑43)
40Yeesu ejire aasubha mu‑mukoowa gwa Gariraaya, ꞉aakumiibhwe na echise cha abhaanu bhanu bhaariga nibhamurindirira.
41Awo, ˆnaaja‑wo omuunu umwi, unu aariga ˆnaatogwa Yaayiro. Yaayiro oyo, niwe aariga ari mukuru wa inju ya eriikofyanyo rya Abhayawudi. ˆNeefukama imbere ya Yeesu, ˆnaamwirembeeresya ati, aaje iika ewaaye, 42kwa okubha omuyaasya waaye nyagumwi, ari owa emiguuga ekumi na ebhiri, ari yeeyi okufwa.
Omwanya gunu Yeesu aariga ˆnaagenda iika wa Yaayiro, echise cha abhaanu, nichiruubhana nage nichimuyiganyaga muno.
43Mu‑bhaanu abho, aariga ari‑mo omugasi, unu aariga arwaye echisiiro, emiguuga ekumi na ebhiri. [Aariga aamarire ribhona ryaye ryone ˆnaasiraga ku‑bhafumu.] Nawe atari‑wo omufumu noorwo umwi unu ꞉aaturire okumuwosya.
44Mbe, omugasi oyo ˆnaaja inyuma ya Yeesu, ˆnaakuunʼya ku‑bhisangʼarye bhya ku‑bhufunyiro bhwa omwenda gwa Yeesu. Awoawo obhurwaye bhwa echisiiro nibhuwora.
45Yeesu ˆnaabhuusya ati, “Niga unu aankuunʼya‑ko?” Abhaanu bhoone bhejire bhaarema, Peetero wone ˆnaayika ati, “Mwami weeswe, ni bhaanu bhaafu bhanu abhakwiyinda na okukuyiganya!” 46Nawe, Yeesu ˆnaayika ati, “Nimenyere ati, ari‑wo omuunu unu aankuunʼya‑ko, kwa okubha eniiyungwa ati obhuturo bhwani bhwa okuwosya bhwakora emirimu.”
47Omugasi oyo, ejire aarora ati atakutura okwiyibhisa rindi, ˆnaaja ku‑Yeesu enu ˆnaayararaga bhugubhugu. ˆNeefukama, ˆnaamubhwira imbere ya abhaanu abho bhoone, isonga ya okumukuunʼya‑ko, na kutyo aawosibhwa. 48Mbe, Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo! Nuugende na omurembe.”
49Omwanya gunu Yeesu aariga achaasimura, ˆnaaja omuunu umwi okusooka iika wa omukuru oyo wa inju ya eriikofyanyo. ˆNaabhwira Yaayiro ati, “Omuyaasya waawo aafuuwe. Siga okunyaasya rindi Omwiyigisya.” 50Yeesu ejire oongwa emisango ejo, ˆnaabhwira Yaayiro ati, “Nuusige okuubhaya! Nuubhe na eriikirisya era, omuyaasya waawo kaja okuwora.”
51Yeesu ejire aakinga iika wa Yaayiro, ˆnaagaanya abhaanu abhandi okwingira aamwi nage mu‑nju, ˆneekirisisya era Peetero, Yowana, Yakobho, esemwene na nyiramwene omuyarakaji oyo okwingira.
52Abhaanu bhoone iika awo, bhaariga nibharira na okusurumbara inguru ya orufu rwa omuyarakaji oyo. Nawe, Yeesu ˆnaabhabhwira ati, “Musige okurira! Unu achaari kufwa, awongeeye era!” 53Nawe abhaanu abho nibhaamba okumuseka kabhikabhi, kwa okubha bhaariga bhamenyere ati, oyo aafuuwe.
54Yeesu ˆnaagwata omuyarakaji oyo okubhoko, ˆnaamubhwira ati, “Muyaasya waani, iimuka!” 55Awoawo, omuyarakaji oyo, omwoyo gwaye nigumusubha‑mo, ˆneemereeguru. Yeesu ˆnaabhwira abheebhusi bhaaye bhamuyaane ebhiryo.
56Abheebhusi bhaaye bhejire bhaarora ejo, nibharuguura muno. Nawe Yeesu ˆnaabhagaanya ati, bhaasiga okubhwira omuunu woonewoone jinu jaakorekana.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023, Wycliffe Bible Translators, Inc. All rights reserved.