Ruuka 9
9
Yeesu kaatuma jitumwa jaaye ekumi na bhabhiri
(Mataayo 10:5‑15; Maariko 6:7‑13)
1Rusuku rumwi, Yeesu ˆnaabhirikira jitumwa jaaye ekumi na bhabhiri. ˆNaabhayaana obhuturo bhwa okusoosya amasambwa mu‑bhaanu na obhwa okuwosya amarwara. 2Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.
3ˆNaabhabhwira ati, “Mwasiga okugega echiinu choonechoone mu‑rugendo rwemwe, mwasiga okugega isimbo, noorwo isagwa, noorwo ebhiryo, noorwo jipirya, noorwo omwenda gwa kabhiri. 4Inju yooneyoone inu murikumwa‑mo, mwingire omwo, mwikare omwo, okukingira orusuku runu murisooka mu‑ruguuyo orwo. 5Araabha abhaanu bheende‑wo bhaakarema okubhakuma, musooke‑wo, nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”
6Mbe, nibhagenda, nibheeyinda enu na erya mu‑nguuyo, nibharaasisyaga abhaanu Emisango ja Ekisi, na okuwosya abharwaye bhuri rubhaara.
Yeesu kaakora Yeroode Atipaasi ayaye
(Mataayo 14:1‑12; Maariko 6:14‑29)
7Omukama Yeroode Atipaasi ˆnoongwa emisango joone jinu Yeesu aariga ˆnaakora. ˆNoobhaya muno, kwa okubha, abhaanu bhaafu bhaariga nibhaayika ati, Yeesu niwe Yowana Omubhatiija aasuuruka okusooka mu‑bhafuuwe. 8Abhaanu abhandi, bhaariga nibhaayika ati, niwe omuragi Yeeriya, aaja rindi. Abhandi bhaayikaga ati, ni umwi wa abharagi bha kara niwe aasuuruka. 9Nawe, Yeroode ˆnaayika ati, “Yowana unu ꞉naatemere‑ko omutwe! Woori niga unu kaakora emisango ja ebhiruguusyo jinu enuungwa?” Yeroode aariga ˆneegomba okurora Yeesu.
Yeesu kaariisya abhaanu bhiwumbi bhitaanu na obhusaago
(Mataayo 14:13‑21; Maariko 6:30‑44; Yowana 6:1‑14)
10Jitumwa ejo bhejire bhaasubha ku‑Yeesu, nibhamutondera joone jinu ꞉bhaakorere. ˆNaagega jitumwa ejo, nibheemuka okugenda mu‑musi gunu gwariga nigutogwa ati Bhetisaayida.
11Nawe abhaanu bhejire bhaamenya orubhaara runu ꞉aajiiye, nibhamuruubha. ˆNaabhakuma, ˆnaamba okubheeyigisya emisango inguru ya obhukama bhwa Nyamuwanga. Abharwaye mu‑bhaanu abho, bhaawosibhwaga.
12Risuubha ryejire ryarengeesa, jitumwa ejo ekumi na bhabhiri, nibhamubhwira ati, “Anu chiri mw‑ibhara. Nuurage abhaanu bhanu, bhagende mu‑nguuyo na mu‑masambu ganu gari yeeyi anu, korereki bheebhonere obhumaamo na ebhiryo.”
13Nawe Yeesu ˆnaabhasubhya ati, “Mubhayaane ebhiryo emwe!” Abheene nibhamusubhya ati, “Eswe chitari na ebhiryo bhya okubheeya! Chiri na emikaate etaanu era na jiiswi ebhiri! Oweenda chigende okugurira abhaanu bhanu bhoone ebhiryo?” 14Abhaanu bhanu ꞉bhaariiye ebhiryo awo, abharume era, bhaariga nibhakinga wuti bhiwumbi bhitaanu (5,000).
Mbe, Yeesu ˆnaabhwira abheeyigisibhwa bhaaye ati, “Mubhwire abhaanu bhanu bhatege jinenda, bhuri nenda ibhe na abhaanu makumi gataanu.” 15Nibhakora kutyo ꞉aabharagiriiye, nibheenyanja bhoone.
16Yeesu ˆnaagega emikaate etaanu ejo, na jiiswi ebhiri, ˆnaaragamira ku‑rwire, ˆnaasiima Nyamuwanga. Neeya ˆnaabheganya emikaate, ˆnaayaana abheeyigisibhwa bhaaye, korereki bhagabhire abhaanu emikaate na jiiswi.
17Abhaanu bhoone nibharya, nibheeguta. Bhejire bhaamara okurya, abheeyigisibhwa abho nibhakumanya ebhibhaara bhinu ꞉bhyasigaaye, nibheejusya ebhitukuru ekumi na bhibhiri.
Peetero keekirisya ati Yeesu niwe Kirisito
(Mataayo 16:13‑28; Maariko 8:27–9:1)
18Rusuku rumwi, Yeesu na abheeyigisibhwa bhaaye, bhaariga bhari aamwi bhumbise. Yeesu aariga ˆnaasabhwa Nyamuwanga. Ejire aamara ˆnaabhabhuusya ati, “Abhaanu abhaayika ati, naanye ga?” 19Nibhamusubhya ati, “Abhandi abhaayika ati, naawe Yowana Omubhatiija. Abhandi ati, naawe Yeeriya. Abhandi abhaayika ati, naawe umwi wa abharagi wa kara unu aasuuruka.”
20Yeesu ˆnaabhabhuusya ati, “Woori emwe, omwayika ati, naanye ga?” Peetero ˆnaamusubhya ati, “Awe naawe Kirisito#9:20 Kirisito. Ni musango gwa Echiyunaani, obhugajuro bhwagwo ni unu abhambagirwe amafuta. Mu‑Chiyebhuraniya ogutogwa ati, Masiya. Abhayawudi bhaariga nibheeyikanya ati, Nyamuwanga arituma Masiya, oyo niwe unu aribhachungura okusooka mu‑nyaako. Ku‑meeresyo amaafu, ringira mu‑Meeresyo inguru ya Emisango Emikomeeye. unu utumirwe na Nyamuwanga.”
21Yeesu ˆnaabhagaanya bhaasiga okubhwira omuunu woonewoone omusango ogwo. 22ˆNaabhabhwira ati, “Jeenderwe anye Omwana wa Omuunu, ninyaasibhwe muno, niremwe na abhakuru bha Abhayawudi, abhakuru bha abhagabhisi, na abheeyigisya bha ebhiraagiro bhya Muusa, okukingira okwitwa. Nawe ku‑rusuku rwa kasatu, nirisuuruka.”
23Yeesu ejire aamara, ˆnaabhwira abhaanu bhoone ati, “Omuunu woonewoone unu keenda okunduubha, eenderwe eeyigaane omwene, abhature omusarabha gwaye, anduubhe. 24Okubha omuunu woonewoone unu keenda okuwonʼya obhurame bhwaye omwene, niwe aribhusya obhuwanga bhwa akajaanende koone. Nawe omuunu woonewoone unu kaabhusya obhurame bhwaye inguru yaani, niwe aribhona obhuwanga bhwa akajaanende koone. 25Angu, omuunu aribhona omuriiro ki araabha aakabhona ebhiinu bhyone bhya echaaro chinu, nawe ˆnaasingaarisya amwi ˆnaabhusya obhurame bhwaye?
26“Omuunu woonewoone unu arindorera jiswaro anye, na emisango jaani, anye Omwana wa Omuunu wone nirimurorera jiswaro, omwanya gunu nirisubha ku‑chaaro anu, niri mw‑ikusyo ryani, na erya Raata na erya bhamaraayika abheeru.
27“Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okurora obhukama bhwa Nyamuwanga!”
Obhukama bhwa Nyamuwanga obhubhonekana ku‑Yeesu
(Mataayo 17:1‑8; Maariko 9:2‑8)
28Jejire jaatura siku etaanu na esatu, Yeesu aamarirega okwayika emisango ejo, ˆnaagega Peetero, Yowana na Yakobho, ˆnaariinya aamwi nabho ku‑chiima, korereki asabhwe Nyamuwanga.
29Ejire aakinga ku‑chiima, ˆnaamba okusabhwa Nyamuwanga. Omwanya gunu aariga ˆnaasabhwa, orususo rwaye niruyinduka. Emyenda jaaye nijibha myeru pee, nijingʼarabhya muno.
30-31Awoawo, nibhamusoromokera abhaanu bhabhiri nibhabharangisyaga kw‑ikusyo rya Nyamuwanga. Abhaanu abho aariga ari muragi Muusa na omuragi Yeeriya, nibharomaga na Yeesu. Bhaaromaga kutyo kaja okukuumisya obhukosi bhwaye ku‑chaaro mu‑kufwira mu‑musi gwa Yerusareemu.
32Omwanya ogwo, Peetero na abheejaabho bhaariga bhawongeeye tiro sito. Bhejire bhaarafya nibharora Yeesu ˆnaabharangisyaga kwa rikusyo ryaye. Nibharora abhaanu abhabhiri bharya, bheemereeguuyuga ayeeyi nage.
33Omwanya gunu Muusa na Yeeriya bhaariga nibhagenda, Peetero ˆnaabhwira Yeesu ati, “Mwami weeswe! Ni kisi eswe okubha anu. Chuumbake ebhiwuuna bhisatu, echimwi chibhe chaawo, echindi chibhe cha Muusa, na echindi chibhe cha Yeeriya.” Nawe, Peetero ꞉aayikire jinu aariga atakumenya.
34Omwanya gunu Peetero aariga achaayika ejo, niriibhuka eriire niribhafundikira, nibhabha mu‑chisuute. Abheeyigisibhwa abho, nibhoobhaya muno bhejire bhaafundikirwa na eriire eryo. 35Nibhoongwa obhuraka okusooka mu‑riire eryo, nibhwayikaga ati, “Unu niwe Omwana waani, omusorwa waani! Mumutegeresyega!”
36Emisango ejo jejire jaawa, abheeyigisibhwa abho nibharora Yeesu ari eenyere. Emisango joone jinu ꞉bhaarorere awo, ꞉bhataajitondeeye omuunu woonewoone mu‑siku ejo.
Yeesu kaawosya omwana unu awungirwe risambwa
(Mataayo 17:14‑18; Maariko 9:14‑27)
37Bhwejire bhwacha, Yeesu na abheeyigisibhwa abhasatu abho, nibhooromoka okusooka ku‑chiima, nibhabhugana na echise cha abhaanu bhaafu.
38Awoawo, omuunu umwi mu‑bhaanu abho, ˆnaamura obhuraka ˆnaayika ati, “Omwiyigisya, enikusabhwa, undorere‑ko omusaaja waani unu, kwa okubha ni mwana waani nyagumwi. 39Risambwa erimugwataga, erikoraga ˆnaamwaya. Omwanya ogundi erikoraga ˆnaagwa echitwe, okukingira ˆnaafukumba rifiro mu‑kanwa. Erimunyaasyaga muno, na ritakumusiga bhwangu. 40꞉Neerembeeresiisye abheeyigisibhwa bhaawo ati, bhamusoosye‑ko risambwa eryo, nawe ꞉bhaataamiibhwe.”
41Yeesu ˆnaayika ati, “Emwe muri rwibhuro runu rutari na eriikirisya, na runu runyamukire. Niribha na emwe okukingira rusuku ri? Niribheegumiirisya okukingira rusuku ri? Nuureete omwana oyo anu.”
42Omwanya gunu omwana oyo aagendaga ku‑Yeesu, awoawo risambwa eryo ˆnirimugwisya aasi, ˆnirimureterera okugwa echitwe. Nawe Yeesu ˆnaarigonya, ˆnaawosya omwana oyo, ˆnaamusubhya kw‑isemwene.
43Abhaanu bhoone bhejire bhaarora obhuturo bhwa Nyamuwanga kutyo bhuri, nibharuguura muno.
Yeesu kaayika rindi inguru ya okufwa kwaye
(Mataayo 17:22‑23; Maariko 9:30‑32)
Abhaanu abho bhoone, bhaaruguuraga ebhiruguusyo bhyone bhya Yeesu. Yeesu ˆnaabhwira abheeyigisibhwa bhaaye, ˆnaayika ati, 44“Woori, emisango jinu enija okubhabhwira, mujitegeresye kisi. Anye Omwana wa Omuunu, nirituurwa mu‑mabhoko ga abhaanu.”
45Nawe, emisango jinu Yeesu ꞉aabhabhwiriiye ꞉bhataajisombookeeywe, kwa okubha jaariga jiiserekere ku‑bheene, bhataakaturire okusombookerwa obhugajuro bhwajo. Nibhoobhaya okumubhuusya inguru ya emisango jaaye ejo.
Niga omukuru okukira abheejaabho?
(Mataayo 18:1‑5; Maariko 9:33‑37)
46Mbe abheeyigisibhwa bha Yeesu, nibhaamba okubhambasyanya ati, niga unu kaja okubha omukuru mu‑bheene.
47Yeesu ˆnaasombookerwa obhwiganirisya bhwebhwe. Kurwa ejo, ˆnaagega omwana omurera, ˆnaamwimereegusyu ayeeyi nage, 48ˆnaabhabhwira ati, “Omuunu unu kaakuma omwana omutooto rwa unu kw‑isiina ryani, kaabha aankumire anye. Ka omuunu woonewoone unu kaankuma anye, kaabha akumire unu ꞉aantumire. Okubha omutooto mw‑imwe bhoone, oyo niwe omukuru okukira bhoone.”
Omuunu unu atakurema Yeesu ari aamwi nage
(Maariko 9:38‑40)
49Yowana ˆnaabhwira Yeesu ati, “Mwami weeswe, ꞉chaarorere omuunu ˆnaasoosya amasambwa okusooka ku‑bhaanu kw‑isiina ryawo. Eswe nichimugaanya, kwa okubha atari aamwi na eswe.”
50Yeesu ˆnaamusubhya ati, “Musige okumugaanya, kwa okubha unu atakubhayingirira, ari rubhaara rwemwe.”
Yeesu kaaremwa Samaariya
51Omwanya gwa Yeesu okusubha mu‑rwire gwariga guri yeeyi okukinga. Niwo ˆnaaramura okugenda mu‑musi gwa Yerusareemu. 52Mbe, ˆnaatuma abhabhambaasi bhaaye. Nibhagenda, nibheengira mu‑ruguuyo rumwi rwa Abhasamaariya, korereki bhamwiraabhire obhumaamo na ebhiinu ebhindi. 53Nawe abhaanu bheende‑yo nibharema okumukuma, kwa isonga ati, aariga ˆnaagenda Yerusareemu.
54Abheeyigisibhwa bhaaye, Yakobho na Yowana, bhejire bhaarora ejo, nibhamubhuusya ati, “Raatabhugenyi weeswe, oweenda chisabhwe omuriro gwike okusooka mu‑rwire gubhasingaarisye, [rwa kutyo omuragi Yeeriya wone ꞉aakorere]?”#9:54 Ringira 2 Abhakama 1:10‑14.
55Nawe Yeesu, ˆnaabheekebhuukira, ˆnaabhagonya, [ˆnaabhabhwira ati, “Emwe mutakumenya ati muri bhaanu bha omutima gwa mbaga ki.] 56Okubha anye Omwana wa Omuunu ꞉niteejire okusingaarisya abhaanu, tari okubhachungura.” Nibhagenda mu‑ruguuyo orundi.
Jinu jeenderwe ku‑bhaanu bhanu abheenda okuruubha Yeesu
(Mataayo 8:19‑22)
57Omwanya gunu Yeesu na abheeyigisibhwa bhaaye bhaariga nibharibhata ku‑njira, omuunu umwi ˆnaamubhwira ati, “Woonewoone anu owuja, anye wone enija okukuruubha!”
58Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”
59Yeesu ˆnaabhwira omuunu owundi ati, “Nuunduubhe!” Omuunu oyo ˆnaamubhwira ati, “Raatabhugenyi, nuunyikirisisye nigende okwamba okusiika raata.”
60Nawe Yeesu ˆnaamusubhya ati, “Siga bhanu bhafuuwe echinyamwoyo bhasiike abhafuuwe bheebhwe. Nawe awe, genda uraasisye abhaanu emisango inguru ya obhukama bhwa Nyamuwanga.”
61Omuunu owundi, ˆnaabhwira Yeesu ati, “Raatabhugenyi, anye enija okukuruubha. Nawe okwamba, nuunyikirisisye nigende nirage abhaanu bha iika.”
62Yeesu ˆnaamubhwira ati, “Omuunu woonewoone unu aambire okurimisya jiingʼa, neeya ˆnaaringira inyuma, oyo ateeyire okubha omukosi mu‑bhukama bhwa Nyamuwanga.”
Currently Selected:
Ruuka 9: jit
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023, Wycliffe Bible Translators, Inc. All rights reserved.
Ruuka 9
9
Yeesu kaatuma jitumwa jaaye ekumi na bhabhiri
(Mataayo 10:5‑15; Maariko 6:7‑13)
1Rusuku rumwi, Yeesu ˆnaabhirikira jitumwa jaaye ekumi na bhabhiri. ˆNaabhayaana obhuturo bhwa okusoosya amasambwa mu‑bhaanu na obhwa okuwosya amarwara. 2Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.
3ˆNaabhabhwira ati, “Mwasiga okugega echiinu choonechoone mu‑rugendo rwemwe, mwasiga okugega isimbo, noorwo isagwa, noorwo ebhiryo, noorwo jipirya, noorwo omwenda gwa kabhiri. 4Inju yooneyoone inu murikumwa‑mo, mwingire omwo, mwikare omwo, okukingira orusuku runu murisooka mu‑ruguuyo orwo. 5Araabha abhaanu bheende‑wo bhaakarema okubhakuma, musooke‑wo, nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”
6Mbe, nibhagenda, nibheeyinda enu na erya mu‑nguuyo, nibharaasisyaga abhaanu Emisango ja Ekisi, na okuwosya abharwaye bhuri rubhaara.
Yeesu kaakora Yeroode Atipaasi ayaye
(Mataayo 14:1‑12; Maariko 6:14‑29)
7Omukama Yeroode Atipaasi ˆnoongwa emisango joone jinu Yeesu aariga ˆnaakora. ˆNoobhaya muno, kwa okubha, abhaanu bhaafu bhaariga nibhaayika ati, Yeesu niwe Yowana Omubhatiija aasuuruka okusooka mu‑bhafuuwe. 8Abhaanu abhandi, bhaariga nibhaayika ati, niwe omuragi Yeeriya, aaja rindi. Abhandi bhaayikaga ati, ni umwi wa abharagi bha kara niwe aasuuruka. 9Nawe, Yeroode ˆnaayika ati, “Yowana unu ꞉naatemere‑ko omutwe! Woori niga unu kaakora emisango ja ebhiruguusyo jinu enuungwa?” Yeroode aariga ˆneegomba okurora Yeesu.
Yeesu kaariisya abhaanu bhiwumbi bhitaanu na obhusaago
(Mataayo 14:13‑21; Maariko 6:30‑44; Yowana 6:1‑14)
10Jitumwa ejo bhejire bhaasubha ku‑Yeesu, nibhamutondera joone jinu ꞉bhaakorere. ˆNaagega jitumwa ejo, nibheemuka okugenda mu‑musi gunu gwariga nigutogwa ati Bhetisaayida.
11Nawe abhaanu bhejire bhaamenya orubhaara runu ꞉aajiiye, nibhamuruubha. ˆNaabhakuma, ˆnaamba okubheeyigisya emisango inguru ya obhukama bhwa Nyamuwanga. Abharwaye mu‑bhaanu abho, bhaawosibhwaga.
12Risuubha ryejire ryarengeesa, jitumwa ejo ekumi na bhabhiri, nibhamubhwira ati, “Anu chiri mw‑ibhara. Nuurage abhaanu bhanu, bhagende mu‑nguuyo na mu‑masambu ganu gari yeeyi anu, korereki bheebhonere obhumaamo na ebhiryo.”
13Nawe Yeesu ˆnaabhasubhya ati, “Mubhayaane ebhiryo emwe!” Abheene nibhamusubhya ati, “Eswe chitari na ebhiryo bhya okubheeya! Chiri na emikaate etaanu era na jiiswi ebhiri! Oweenda chigende okugurira abhaanu bhanu bhoone ebhiryo?” 14Abhaanu bhanu ꞉bhaariiye ebhiryo awo, abharume era, bhaariga nibhakinga wuti bhiwumbi bhitaanu (5,000).
Mbe, Yeesu ˆnaabhwira abheeyigisibhwa bhaaye ati, “Mubhwire abhaanu bhanu bhatege jinenda, bhuri nenda ibhe na abhaanu makumi gataanu.” 15Nibhakora kutyo ꞉aabharagiriiye, nibheenyanja bhoone.
16Yeesu ˆnaagega emikaate etaanu ejo, na jiiswi ebhiri, ˆnaaragamira ku‑rwire, ˆnaasiima Nyamuwanga. Neeya ˆnaabheganya emikaate, ˆnaayaana abheeyigisibhwa bhaaye, korereki bhagabhire abhaanu emikaate na jiiswi.
17Abhaanu bhoone nibharya, nibheeguta. Bhejire bhaamara okurya, abheeyigisibhwa abho nibhakumanya ebhibhaara bhinu ꞉bhyasigaaye, nibheejusya ebhitukuru ekumi na bhibhiri.
Peetero keekirisya ati Yeesu niwe Kirisito
(Mataayo 16:13‑28; Maariko 8:27–9:1)
18Rusuku rumwi, Yeesu na abheeyigisibhwa bhaaye, bhaariga bhari aamwi bhumbise. Yeesu aariga ˆnaasabhwa Nyamuwanga. Ejire aamara ˆnaabhabhuusya ati, “Abhaanu abhaayika ati, naanye ga?” 19Nibhamusubhya ati, “Abhandi abhaayika ati, naawe Yowana Omubhatiija. Abhandi ati, naawe Yeeriya. Abhandi abhaayika ati, naawe umwi wa abharagi wa kara unu aasuuruka.”
20Yeesu ˆnaabhabhuusya ati, “Woori emwe, omwayika ati, naanye ga?” Peetero ˆnaamusubhya ati, “Awe naawe Kirisito#9:20 Kirisito. Ni musango gwa Echiyunaani, obhugajuro bhwagwo ni unu abhambagirwe amafuta. Mu‑Chiyebhuraniya ogutogwa ati, Masiya. Abhayawudi bhaariga nibheeyikanya ati, Nyamuwanga arituma Masiya, oyo niwe unu aribhachungura okusooka mu‑nyaako. Ku‑meeresyo amaafu, ringira mu‑Meeresyo inguru ya Emisango Emikomeeye. unu utumirwe na Nyamuwanga.”
21Yeesu ˆnaabhagaanya bhaasiga okubhwira omuunu woonewoone omusango ogwo. 22ˆNaabhabhwira ati, “Jeenderwe anye Omwana wa Omuunu, ninyaasibhwe muno, niremwe na abhakuru bha Abhayawudi, abhakuru bha abhagabhisi, na abheeyigisya bha ebhiraagiro bhya Muusa, okukingira okwitwa. Nawe ku‑rusuku rwa kasatu, nirisuuruka.”
23Yeesu ejire aamara, ˆnaabhwira abhaanu bhoone ati, “Omuunu woonewoone unu keenda okunduubha, eenderwe eeyigaane omwene, abhature omusarabha gwaye, anduubhe. 24Okubha omuunu woonewoone unu keenda okuwonʼya obhurame bhwaye omwene, niwe aribhusya obhuwanga bhwa akajaanende koone. Nawe omuunu woonewoone unu kaabhusya obhurame bhwaye inguru yaani, niwe aribhona obhuwanga bhwa akajaanende koone. 25Angu, omuunu aribhona omuriiro ki araabha aakabhona ebhiinu bhyone bhya echaaro chinu, nawe ˆnaasingaarisya amwi ˆnaabhusya obhurame bhwaye?
26“Omuunu woonewoone unu arindorera jiswaro anye, na emisango jaani, anye Omwana wa Omuunu wone nirimurorera jiswaro, omwanya gunu nirisubha ku‑chaaro anu, niri mw‑ikusyo ryani, na erya Raata na erya bhamaraayika abheeru.
27“Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okurora obhukama bhwa Nyamuwanga!”
Obhukama bhwa Nyamuwanga obhubhonekana ku‑Yeesu
(Mataayo 17:1‑8; Maariko 9:2‑8)
28Jejire jaatura siku etaanu na esatu, Yeesu aamarirega okwayika emisango ejo, ˆnaagega Peetero, Yowana na Yakobho, ˆnaariinya aamwi nabho ku‑chiima, korereki asabhwe Nyamuwanga.
29Ejire aakinga ku‑chiima, ˆnaamba okusabhwa Nyamuwanga. Omwanya gunu aariga ˆnaasabhwa, orususo rwaye niruyinduka. Emyenda jaaye nijibha myeru pee, nijingʼarabhya muno.
30-31Awoawo, nibhamusoromokera abhaanu bhabhiri nibhabharangisyaga kw‑ikusyo rya Nyamuwanga. Abhaanu abho aariga ari muragi Muusa na omuragi Yeeriya, nibharomaga na Yeesu. Bhaaromaga kutyo kaja okukuumisya obhukosi bhwaye ku‑chaaro mu‑kufwira mu‑musi gwa Yerusareemu.
32Omwanya ogwo, Peetero na abheejaabho bhaariga bhawongeeye tiro sito. Bhejire bhaarafya nibharora Yeesu ˆnaabharangisyaga kwa rikusyo ryaye. Nibharora abhaanu abhabhiri bharya, bheemereeguuyuga ayeeyi nage.
33Omwanya gunu Muusa na Yeeriya bhaariga nibhagenda, Peetero ˆnaabhwira Yeesu ati, “Mwami weeswe! Ni kisi eswe okubha anu. Chuumbake ebhiwuuna bhisatu, echimwi chibhe chaawo, echindi chibhe cha Muusa, na echindi chibhe cha Yeeriya.” Nawe, Peetero ꞉aayikire jinu aariga atakumenya.
34Omwanya gunu Peetero aariga achaayika ejo, niriibhuka eriire niribhafundikira, nibhabha mu‑chisuute. Abheeyigisibhwa abho, nibhoobhaya muno bhejire bhaafundikirwa na eriire eryo. 35Nibhoongwa obhuraka okusooka mu‑riire eryo, nibhwayikaga ati, “Unu niwe Omwana waani, omusorwa waani! Mumutegeresyega!”
36Emisango ejo jejire jaawa, abheeyigisibhwa abho nibharora Yeesu ari eenyere. Emisango joone jinu ꞉bhaarorere awo, ꞉bhataajitondeeye omuunu woonewoone mu‑siku ejo.
Yeesu kaawosya omwana unu awungirwe risambwa
(Mataayo 17:14‑18; Maariko 9:14‑27)
37Bhwejire bhwacha, Yeesu na abheeyigisibhwa abhasatu abho, nibhooromoka okusooka ku‑chiima, nibhabhugana na echise cha abhaanu bhaafu.
38Awoawo, omuunu umwi mu‑bhaanu abho, ˆnaamura obhuraka ˆnaayika ati, “Omwiyigisya, enikusabhwa, undorere‑ko omusaaja waani unu, kwa okubha ni mwana waani nyagumwi. 39Risambwa erimugwataga, erikoraga ˆnaamwaya. Omwanya ogundi erikoraga ˆnaagwa echitwe, okukingira ˆnaafukumba rifiro mu‑kanwa. Erimunyaasyaga muno, na ritakumusiga bhwangu. 40꞉Neerembeeresiisye abheeyigisibhwa bhaawo ati, bhamusoosye‑ko risambwa eryo, nawe ꞉bhaataamiibhwe.”
41Yeesu ˆnaayika ati, “Emwe muri rwibhuro runu rutari na eriikirisya, na runu runyamukire. Niribha na emwe okukingira rusuku ri? Niribheegumiirisya okukingira rusuku ri? Nuureete omwana oyo anu.”
42Omwanya gunu omwana oyo aagendaga ku‑Yeesu, awoawo risambwa eryo ˆnirimugwisya aasi, ˆnirimureterera okugwa echitwe. Nawe Yeesu ˆnaarigonya, ˆnaawosya omwana oyo, ˆnaamusubhya kw‑isemwene.
43Abhaanu bhoone bhejire bhaarora obhuturo bhwa Nyamuwanga kutyo bhuri, nibharuguura muno.
Yeesu kaayika rindi inguru ya okufwa kwaye
(Mataayo 17:22‑23; Maariko 9:30‑32)
Abhaanu abho bhoone, bhaaruguuraga ebhiruguusyo bhyone bhya Yeesu. Yeesu ˆnaabhwira abheeyigisibhwa bhaaye, ˆnaayika ati, 44“Woori, emisango jinu enija okubhabhwira, mujitegeresye kisi. Anye Omwana wa Omuunu, nirituurwa mu‑mabhoko ga abhaanu.”
45Nawe, emisango jinu Yeesu ꞉aabhabhwiriiye ꞉bhataajisombookeeywe, kwa okubha jaariga jiiserekere ku‑bheene, bhataakaturire okusombookerwa obhugajuro bhwajo. Nibhoobhaya okumubhuusya inguru ya emisango jaaye ejo.
Niga omukuru okukira abheejaabho?
(Mataayo 18:1‑5; Maariko 9:33‑37)
46Mbe abheeyigisibhwa bha Yeesu, nibhaamba okubhambasyanya ati, niga unu kaja okubha omukuru mu‑bheene.
47Yeesu ˆnaasombookerwa obhwiganirisya bhwebhwe. Kurwa ejo, ˆnaagega omwana omurera, ˆnaamwimereegusyu ayeeyi nage, 48ˆnaabhabhwira ati, “Omuunu unu kaakuma omwana omutooto rwa unu kw‑isiina ryani, kaabha aankumire anye. Ka omuunu woonewoone unu kaankuma anye, kaabha akumire unu ꞉aantumire. Okubha omutooto mw‑imwe bhoone, oyo niwe omukuru okukira bhoone.”
Omuunu unu atakurema Yeesu ari aamwi nage
(Maariko 9:38‑40)
49Yowana ˆnaabhwira Yeesu ati, “Mwami weeswe, ꞉chaarorere omuunu ˆnaasoosya amasambwa okusooka ku‑bhaanu kw‑isiina ryawo. Eswe nichimugaanya, kwa okubha atari aamwi na eswe.”
50Yeesu ˆnaamusubhya ati, “Musige okumugaanya, kwa okubha unu atakubhayingirira, ari rubhaara rwemwe.”
Yeesu kaaremwa Samaariya
51Omwanya gwa Yeesu okusubha mu‑rwire gwariga guri yeeyi okukinga. Niwo ˆnaaramura okugenda mu‑musi gwa Yerusareemu. 52Mbe, ˆnaatuma abhabhambaasi bhaaye. Nibhagenda, nibheengira mu‑ruguuyo rumwi rwa Abhasamaariya, korereki bhamwiraabhire obhumaamo na ebhiinu ebhindi. 53Nawe abhaanu bheende‑yo nibharema okumukuma, kwa isonga ati, aariga ˆnaagenda Yerusareemu.
54Abheeyigisibhwa bhaaye, Yakobho na Yowana, bhejire bhaarora ejo, nibhamubhuusya ati, “Raatabhugenyi weeswe, oweenda chisabhwe omuriro gwike okusooka mu‑rwire gubhasingaarisye, [rwa kutyo omuragi Yeeriya wone ꞉aakorere]?”#9:54 Ringira 2 Abhakama 1:10‑14.
55Nawe Yeesu, ˆnaabheekebhuukira, ˆnaabhagonya, [ˆnaabhabhwira ati, “Emwe mutakumenya ati muri bhaanu bha omutima gwa mbaga ki.] 56Okubha anye Omwana wa Omuunu ꞉niteejire okusingaarisya abhaanu, tari okubhachungura.” Nibhagenda mu‑ruguuyo orundi.
Jinu jeenderwe ku‑bhaanu bhanu abheenda okuruubha Yeesu
(Mataayo 8:19‑22)
57Omwanya gunu Yeesu na abheeyigisibhwa bhaaye bhaariga nibharibhata ku‑njira, omuunu umwi ˆnaamubhwira ati, “Woonewoone anu owuja, anye wone enija okukuruubha!”
58Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”
59Yeesu ˆnaabhwira omuunu owundi ati, “Nuunduubhe!” Omuunu oyo ˆnaamubhwira ati, “Raatabhugenyi, nuunyikirisisye nigende okwamba okusiika raata.”
60Nawe Yeesu ˆnaamusubhya ati, “Siga bhanu bhafuuwe echinyamwoyo bhasiike abhafuuwe bheebhwe. Nawe awe, genda uraasisye abhaanu emisango inguru ya obhukama bhwa Nyamuwanga.”
61Omuunu owundi, ˆnaabhwira Yeesu ati, “Raatabhugenyi, anye enija okukuruubha. Nawe okwamba, nuunyikirisisye nigende nirage abhaanu bha iika.”
62Yeesu ˆnaamubhwira ati, “Omuunu woonewoone unu aambire okurimisya jiingʼa, neeya ˆnaaringira inyuma, oyo ateeyire okubha omukosi mu‑bhukama bhwa Nyamuwanga.”
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023, Wycliffe Bible Translators, Inc. All rights reserved.