Markus 15
15
Si Yisus so tiningkuangon ni Pilatus
(Mat 27:1-2,11-14; Luk 23:1-5; Yns 18:28-38)
1Susuab-i, muupokato yo sono ongo wowaidon nu imam, wowaidon nu lobuw Yaudi, om moomontuduk nu Ukum-i. Kogosi yo nosiro si Yisus, om owito yo pokomouli' dii si Pilatus. 2Nokologa' si Yisus dii si Pilatus, duato yo niyo si Yisus nu, “Raja Ko ka nu lobuw Yaudi?” koo.
“Oo. Bana ya tangar mu no,” koo si Yisus. 3Ongo wowaidon nu imam-i nga monapud-a so Iyo. 4Mongoduato po si Pilatus so Iyo nu, “Soko ono yo kosuang topudan nosiro so Ikau. Nokuro su dai Ko sumambut?” koo.
5Nga dai ya muad sinumambut Iyo sampai noiranan si Pilatus.
Inukuman si Yisus nu potoyon
(Mat 27:15-26; Luk 23:13-25; Yns 18:13—19:16)
6Koopotan, koduung Paska, polabus si Gobonor Pilatus ido koyuwan kiat so jiil, mongowaid nu koinginan nu lobuw suang. 7Iya iiri, ido koyuwan obantug koraayan ingoranan so si Barabas nojiil maid nu wokon moomatoi om lulumawan nu momogkuasa. 8Muimpugo yo sono lobuw suang-i mindamo so si Pilatus nu polabus ido koyuwan kiat so jiil soko koopotan. 9Mongoduato yo si Pilatus so nosiro nu, “Ipolabus muyu ka pinokoraja nu lobuw Yaudi iitu?” koo. 10Tinangar ni Pilatus soko iri so' noilaan-o niyo nu inakom nosiro si Yisus om nikomouli' so iyo, so' mokimurindi nosiro so Iyo.
11Nga mongaagar nai' ongo wowaidon nu imam-i nu lobuw suang-i mindamo so si Pilatus nu nipolabus si Barabas. 12Indadi duato po ni Pilatus lobuw suang iiri nu, “Pagka soko ono, onu su otoop waalon ku so lobuw pinokoraja nu lobuw Yaudi muyu iitu?” koo.
13Gumonsoko yo nosiro nu, “Solibon Iyo!” koo.
14Sumombuto yo iyo nu, “Onu ka koraayan Niyo?” koo.
Sumangat nai' nosiro gumonsok nu, “Solibon Iyo!” koo.
15Pagka moingin si Pilatus poinsanang nu inawo nu lobuw suang iiri, lobusi yo sono niyo si Barabas om monuuo yo nu lobuw popongolubak om posalib so si Yisus.
Sinoruru si Yisus nu ongo soujar
(Mat 27:27-31; Yns 19:2-3)
16Owito yo si Yisus nu soujar-i so natad nu waloi ni Gobonor Pilatus, om soginaa yo kiawi' posukan soujar-i muimpug. 17Sulungi yo nosiro si Yisus nu sabung olanggau, mongkomiang-miang,#15:17: Raja ya su momakai nu sabung mongkomiang-miang. om tolungasi yo nu wakau kiruwi, pinokotupi nosiro nu raja, om sontoli yo so ulu Niyo ri. 18Noopod iri, tobio yo nosiro mubaag nu, “Otogui Ko yo su Raja nu lobuw Yaudi,” koo. 19Lubako yo sono nosiro ulu Niyo ri nu tutungkud, om durai yo buatan Niyo ri, om sumurukudo yo nosiro so tiningkuangon Niyo ri. 20Notopodan-o po nosiro mubaag so Iyo, luuso yo nosiro sabung olanggau iiri om popusobungo yo nu sabung Niyo kondiri, om owito yo Iyo lumabus nu nisalib.
Nisalib si Yisus
(Mat 27:32-44; Luk 23:26-43; Yns 19:17-27)
21So lolanon-i, minonosog nosiro nu ido koyuwan poponimban nu salib ni Yisus. Lobuw oono koolabus-a kiat so kampung sundur so bandar, ngaran niyo si Simun, kiat so Kirini, amo ni Aliksandir om ni Rupus.#Rm 16:13 22Owito yo nosiro si Yisus so tontong ingoranan nu Gulguta, orati, “tontong nu doupuk”.#15:22: doupuk; intawa: duakup 23Poinumo yo Iyo nosiro nu anggur ginowulan nu muur,#15:23: muur: Siowan Kamus Kitab. nga noirosaan-o po Niyo anggur oono, dai ya ininum Niyo. 24Solibi yo sono Iyo nosiro, om musuuso#15:24: Gama' yo po nosiro musuus, momakai nu watu kitanda' mongilo ong isai su komanang. yo ong isai su kosongapan nu pokakas Niyo ri.#Lgu 22:18 25Mirotu yo nu pinosoliban nosiro so Iyo ri. 26Nopopopak nosiro nu papan so dilanggau nu ulu ni Yisus, pinosuratan nu pinounayan nosiro momatoi so Iyo nu,
Itu Yo Su Raja
Nu Lobuw Yaudi.
27Kuwai ya duo koyuwan oraai nisalib nosiro, pinotalad so musompodi Niyo ri. [ 28Om soko iri po, notuman-o nokosurat so Buuk nu Kinoringan nu, “Tokodon Iyo nu lobuw oraai,” koo ri.]#Yis 53:12
29Ongo lobuw tumalib-i, milog-pilog#15:29: Ono yo su poonginsosona nu lobuw Yaudi nu lobuw wokon. maid-a muragam so Iyo om mutangar nu, “Minutangar Ko nu uyason Mu Waloi Maayo nu Kinoringan om kotoluan Ko yo mongatag.#Lgu 22:7; 109:25; Mrk 14:58; Yns 2:19 30Indadi, ulus-o su' osopulan Ko,” koo.
31Ongo wowaidon nu imam om moomontuduk nu Ukum-i nga monoruru ya so Iyo nu, “Monabang Iyo nu lobuw sondiang, nga Iyo kondiri dai otabang. 32Bang bana nu raja Iyo nu Israil, mulus Iyo nu ono sono tu om poimaid kai nai' so Iyo,” koo.
Kiduo lobuw oraai nisalib so musompodi Niyo ri nga minubaag-a so Iyo.
Kinopotoyan ni Yisus
(Mat 27:45-56; Luk 23:44-49; Yns 19:28-30)
33Tonga' runat-i, rinumondom sono pilolongkop nu tontong iiri solaid tolu nojaam. 34Jaam kotolu nu awi-awi ri, gumiako yo si Yisus so tangar Niyo nu, “Ili, Ili, Lama Sabaktani?” koo. Orati yo po nu iri nga, “Oo Kinoringan Ku, nokuro su linaiwan Mu Aku?”#Lgu 22:1
35Mutongaro yo ongo lobuw nokorongou nu tinangar Niyo iiri nu, “Momaau Iyo so si Ilia,” koo. 36Mongolapo yo sono ido koyuwan so nosiro nu golugut, om loobi yo so sungoi nu anggur mousom, tonongi yo niyo so pompod nu kayu, om suloyi yo so munung ni Yisus maid nu mutangar nu, “Imati toko ya ong lumoga' ka si Ilia monabang so Iyo ko' dai,” koo.#Lgu 69:21
37Gumiako po Iyo, om minatoi-o sono.
38Iya ya iiri, tabir so Waloi Maayo nu Kinoringan nga nointonga' nopisi'.#15:38: Tabir oono pinonapad nu Bilik Sobana ko Osusi om Bilik Osusi so Waloi Maayo nu Kinoringan dii so Yirusalim. Kosudaan-o po nu tabir iiri pubaatan nu riniba om Kinoringan. Indadi, orati yo po nu nopisi' iiri nga koduung minatoi-o si Yisus, dai yo sono koputondiang riniba om Kinoringan.#Kin 26:31-33 39Wowaidon nu soujar mundii-dii so tiningkuangon nu salib iiri, nokosiou nu kinopotoyan Niyo ri, mutongaro yo sono nu, “Bana-bana ya nu Anak Iyo nu Kinoringan,” koo.
40Tinu-tinu kowoinoyan dii nokosiou nu noongourug iiri, ono yo si Maria Magdalina, sangai niyo, ino ni Yakubus omuda po, si Yusup om si Salumi. 41Nosiro yo su minaid om minonabang so si Yisus nu laid Niyo so Galilia ri. Om osuang po woinoi wokon dii, iri nokologa' so Yirusalim minaid so Iyo ri.#Luk 8:2-3
Nilobong si Yisus
(Mat 27:57-61; Luk 23:50-56; Yns 19:38-42)
42Pagka tumuong-o sono, om runat iiri yo purigap-rigapan suat so Runat Pongintoronan, 43sumombato yo sono si Yusup so si Pilatus mokilila' nu olapon bangkai ni Yisus. Si Yusup oono lobuw nu Arimatia, nokowaid so puimpugan nu Poongobisora'an nu Ugama om orumaton iyo. Mindad-indad iyo nu mogkuasa Kinoringan soko raja. 44Norongou-o po ni Pilatus nu minatoi-o si Yisus, noiranan sono iyo. Monoginaa yo iyo ido wowaidon nu soujar om duato yo niyo ong olaid-o ka kinopotoyan ni Yisus. 45Notuturanan-o po iyo nu soujar-i, lilai yo niyo si Yusup mongalap nu bangkai ni Yisus. 46Momolio yo sono si Yusup nu koukuputi om untibai yo niyo bangkai ni Yisus kiat so salib-i, om soluyo yo niyo nu kumut iiri, om polaki yo niyo so lobong winaal so bulud nu watu. Noopod iri, tutubi yo niyo nu watu maayo. 47Laid niyo momaal nu iri, inudio ya ni Maria Magdalina, om ni Maria ino ni Yosis ong siombo polobongan so si Yisus.
Currently Selected:
Markus 15: TomPWPgLgPn
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023 (Active), Wycliffe Bible Translators, Inc. All rights reserved.