<div class="version vid1213 iso6393tbo" data-vid="1213" data-iso6393="tbo">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Hiwape ma tu luhetala paliluwaluwana</div><div class="p"> 1Apoma Yesu a hewahewali geka paliluwaluwana i paliwelehi po ipa ina wiatatiyehi naka houga daodaona hina laupali ma ega hina nugonugotapiya. 2Ma i pa, &#8216;Meyagai baneina gehouna ugolina tu luhetala gehouna i mamae. Tauna ega Yaubada ita matouteya po lawa ega ita iyateyatehi. 3Ma noka meyageina emosina ugolina hiwape gehouna i nenei tu luhetalana ugolina ma i bahabaha gawata i pa, &#8220;Hau luhetala ega u gawiya una haguhaguya ma dumalugei una luhetala&#8221;.</div><div class="p"> 4&#8216;Tu luhetalana i lauhinigigai ma i mae po ega daona ma tuawana i baha i pa, &#8220;Hawena Yaubada ega ata matomatouteya bo lawa ega ata iyateyatehi, 5ma geka hiwapena e ihinigaliu binei apo dumalugei a luhetala. Ma inapa ega yaka apo ina nenegawatai po kamnau ina wiapapoeya.&#8221;&#8217;</div><div class="p"> 6Ma Guyau i baha i pa, &#8216;Noka tu luhetalana woapapoena awai i bahebaheya ona nonoli. 7Yaubada a lawa i winaganihi yaka apo hai pilipili ugolihiyei ina haguhi? Tauhi iyawoi hagu binei iyeta po uguwa ugolina he tutou nae, yaka apo ina hagu yagiyaginehi. 8A palipaliwelemi hai pilipili ugolihiyei apo ina hagu yagiyaginehi po dumalu ina welehi. Tamogi hougana Lawa Moinau apo a nenei hau hipuli witumagana a tuhagaya, bo eega?&#8217;</div><div class="s">Palisi lawana ma takisi tu tama paliluwaluwana</div><div class="p"> 9Lawa gehouhi hai dewadumalu hi witumaganehi ma lawa atapuhi he gagalena iapapoenihi. Tauhi ugolihi gasi Yesu geka paliluwaluwana i baheya i pa, 10&#8216;Lawa luwaga hi lui numa dalabu baneina u hinena ipa hina lupali. Emosi Palisi lawana ma gehounana takisi tu tama. 11Palisi lawana tuawana i towolo nae u hiyei ma i lupali i pa, &#8220;Yaubada a mamalim babana tau ega mei lawa gehouhi. Tauhi hi&#42892;mboho po he ikoyakoyama po he matamatamaga. A mamalim babana tau ega mei noka takisi tu tamana. 12Tau dalabu emosi po emosi u hinena iyeta luwaga u hinena a iyohi ma ega at&#42892;omam. Ma u mone a hiyawi po magouna 10 a tuhagaya yaka emosi a houna liyeya po tam a welewelem.&#8221;</div><div class="p"> 13&#8216;Ma takisi tu tamana uheiya i towotowolo ega emoemotana ipa ina luwatateya hau yada. Ma tamogi nugonugona i ilawi ma i bahabaha i pa, &#8220;Yaubada, tu apapoe tau, una lunugotootogogeu&#8221;.</div><div class="p"> 14&#8216;A paliwelemi, geka tauna lawana Yaubada u matana i dumalu ma apoma gehounana, ma apoma i hopu po i nae a u numa. Matababana iyai e wohepa meya apo ina hopu ma iyai e wohopunena meya apo Yaubada ina wohepaya.&#8217;</div><div class="s">Yesu logaloga i kawaidewedewehi</div><div class="p"> 15Lawa gehouhi logaloga hi neihi mai Yesu ugolina ipa ina wotepanihi ma a hewahewali hi gagalehi po hi paliyehi. 16Ma tamogi Yesu logalogahi i otugehi po hi nae ugolina ma i baha i pa, &#8216;Logaloga ona palihalehi po hina nenei ugoliu ma ega ona guduguduhi. Matababana lawa mei geka logalogahi apo Yaubada anani taniwaga hina luiya. 17A baha duma ugolimi, apo iyawoi Yaubada anani taniwaga hina luiluiya ipa nugonugohi mei logaloga hai winugonugotuhu.&#8217;</div><div class="s">Tu wigapola lawana</div><div class="p"> 18Taniwaga gehouna Yesu i lubayadeya i pa, &#8216;Bada dewadewam, apo awai a dewaya po Yaubada luyagohana tuwetuwenai ina weleu?&#8217;</div><div class="p"> 19Ma Yesu i baha ugolina i pa, &#8216;Am winugonugotuhu awai binei u kawaidewadewageu? Ega iyai ita dewadewa ma Yaubada tuawana. 20Lugagayo u hanapugehi ma hi baheya hi pa, &#8220;Ega una matamatamaga, ega una yamunugo, ega una danedanene, ega una igou koyakoyama, amam po hinam una wiyateyatehi&#8221;.&#8217;</div><div class="p"> 21Ma lawana i baha i pa, &#8216;Geka lugagayohi atapuhi a habuluwe a wootagohi ma i nei po amalai&#8217;.</div><div class="p"> 22Yesu geka bahana i noonoli po i baha nae ugolina i pa, &#8216;Ginouli emosi hotana ega ugolim. Gapola atapuhi ugolim una gimalena halehi po monehi tu dayadayabu una welehi. Apo hau yada una wigapola. Ma una nei po una wotagou.&#8217;</div><div class="p"> 23Tamogi lawana geka babahi i noonolihi po i nugodubu duma babana tauna i wigapola duma. 24Yesu lawana i gagaleya po i pa, &#8216;Tu wigapola lawahi hai lui Yaubada anani taniwaga ugolina i witai. 25Kamela ega emoemotana heyau domona ina honogi. Ma tu wigapola lawana a lui Yaubada anani taniwaga ugolina i wipilipili lagona ma apoma noka gamogamona a honoga.&#8217;</div><div class="p"> 26Lawa iyawoi geka bahana hi noonoli po hi lubayada hi pa, &#8216;Ma heki, iyai apoma apo luyagohana ina tuhagaya?&#8217;</div><div class="p"> 27Ma Yesu i pa, &#8216;Lawa ugolihi luyagohana tuhagana ega emoemotahi ma Yaubada ugolina emoemotana&#8217;.</div><div class="p"> 28Apoma Pita i baha i pa, &#8216;U galeya, i meyagai to nehalehi ma to wootagom&#8217;.</div><div class="p"> 29Ma Yesu ugolihi i baha i pa, &#8216;A baha duma ugolimi, apo iyai a meyagai bo agona bo walewalehina bo amana po hinana bo natunatuna Yaubada anani taniwaga binei ma ina nehalehi, 30tauna geka hougana apo mihana ina tuhaga lagoneya ma houga he nenei luyagohana ega sigana apo ina tuhagaya&#8217;.</div><div class="s">Yesu a hilage i bahena meya</div><div class="p"> 31Yesu a hewahewali magouhi 12 i winihi po hi meliya ma ugolihi i baha i pa, &#8216;Ona lautanigana, tauta ta nenae u Yelusalem, ma tu bahapiko ginouli atapuna Lawa Moinau ubeu ma hi gilugilumi apo ina limoineya. 32Tu meuputa lawahi ugolihi apo hina houna damaneu, ma tauhi apo hina paliguyoguyougeu po hina dewa guyougeu po hina howahowau. 33Ma apo hina kodikodiliu po ina kokoe ma apo hina wihilageniu. Ma iyeta witonugana ugolina apo a towolo meme.&#8217;</div><div class="p"> 34Tamogi a hewahewali geka bahahi ega hita nugotuhu tuhagahi. Bahahi anohi ega hita lugeletehi tauhi ugolihi po awai i ibaabaniyeya ega hita hanapugeya.</div><div class="s">Yesu tu lupali matana keekena i luyawahi</div><div class="p"> 35Yesu Yeliko i tutuliyaliyani ma lawa matana keekena tahaya u hadana i tugula ma i laupali. 36Hougana bolu hi nei po hi weluwileya ma i lubayada i pa, &#8216;Geka awai?&#8217;</div><div class="p"> 37Ma hi paliweleya hi pa, &#8216;Yesu Nasaletagei i nei po e nenae&#8217;.</div><div class="p"> 38Ma tauna i otu i pa, &#8216;Yesu Dawita gogana, hilaki uta lunugotootogogeu!&#8217;</div><div class="p"> 39Ma iyawoi bolu u naohi hi lahaya ma hi paliyeya hi pa, &#8216;Hei, una genuwana&#8217;.</div><div class="p">Tamogi tauna i otu labatana i pa, &#8216;Dawita gogana, hilaki uta lunugotootogogeu!&#8217;</div><div class="p"> 40Ega yaka Yesu i tutowolo ma i baha po ipa tu matakekena hina neiyai ugolina. Hougana i nei po u liyaliyana ma Yesu i lubayadeya i pa, 41&#8216;Am luhogala ipa bimgei a dewaya?&#8217;</div><div class="p">Ma tauna i pa, &#8216;Guyau, u luhogala ipa matau hina dewadewa&#8217;.</div><div class="p"> 42Ma Yesu ugolina i baha i pa, &#8216;Una galena meme. Am witumagana i luyawahim.&#8217; 43Mala emosi ma matana i galeneya po Yaubada i maamali ma Yesu i wotagoya po hi nae. Ma lawa atapuhi geka dewana hi gagaleya po Yaubada hi wotalagiyeya.</div>
 </div>
 </div>
</div>

Apoma Yesu a hewahewali geka paliluwaluwana i paliwelehi po ipa ina wiatatiyehi naka houga daodaona hina laupali ma ega hina nugonugotapiya. Ma i pa, ‘Meyagai baneina gehouna ugolina tu luhetala gehouna i mamae. Tauna ega Yaubada ita matouteya po lawa ega ita iyateyatehi. Ma noka meyageina emosina ugolina hiwape gehouna i nenei tu luhetalana ugolina ma i bahabaha gawata i pa, “Hau luhetala ega u gawiya una haguhaguya ma dumalugei una luhetala”.
‘Tu luhetalana i lauhinigigai ma i mae po ega daona ma tuawana i baha i pa, “Hawena Yaubada ega ata matomatouteya bo lawa ega ata iyateyatehi, ma geka hiwapena e ihinigaliu binei apo dumalugei a luhetala. Ma inapa ega yaka apo ina nenegawatai po kamnau ina wiapapoeya.”’
Ma Guyau i baha i pa, ‘Noka tu luhetalana woapapoena awai i bahebaheya ona nonoli. Yaubada a lawa i winaganihi yaka apo hai pilipili ugolihiyei ina haguhi? Tauhi iyawoi hagu binei iyeta po uguwa ugolina he tutou nae, yaka apo ina hagu yagiyaginehi. A palipaliwelemi hai pilipili ugolihiyei apo ina hagu yagiyaginehi po dumalu ina welehi. Tamogi hougana Lawa Moinau apo a nenei hau hipuli witumagana a tuhagaya, bo eega?’

Lawa gehouhi hai dewadumalu hi witumaganehi ma lawa atapuhi he gagalena iapapoenihi. Tauhi ugolihi gasi Yesu geka paliluwaluwana i baheya i pa, ‘Lawa luwaga hi lui numa dalabu baneina u hinena ipa hina lupali. Emosi Palisi lawana ma gehounana takisi tu tama. Palisi lawana tuawana i towolo nae u hiyei ma i lupali i pa, “Yaubada a mamalim babana tau ega mei lawa gehouhi. Tauhi hiꞌmboho po he ikoyakoyama po he matamatamaga. A mamalim babana tau ega mei noka takisi tu tamana. Tau dalabu emosi po emosi u hinena iyeta luwaga u hinena a iyohi ma ega atꞌomam. Ma u mone a hiyawi po magouna 10 a tuhagaya yaka emosi a houna liyeya po tam a welewelem.”
‘Ma takisi tu tamana uheiya i towotowolo ega emoemotana ipa ina luwatateya hau yada. Ma tamogi nugonugona i ilawi ma i bahabaha i pa, “Yaubada, tu apapoe tau, una lunugotootogogeu”.
‘A paliwelemi, geka tauna lawana Yaubada u matana i dumalu ma apoma gehounana, ma apoma i hopu po i nae a u numa. Matababana iyai e wohepa meya apo ina hopu ma iyai e wohopunena meya apo Yaubada ina wohepaya.’

Lawa gehouhi logaloga hi neihi mai Yesu ugolina ipa ina wotepanihi ma a hewahewali hi gagalehi po hi paliyehi. Ma tamogi Yesu logalogahi i otugehi po hi nae ugolina ma i baha i pa, ‘Logaloga ona palihalehi po hina nenei ugoliu ma ega ona guduguduhi. Matababana lawa mei geka logalogahi apo Yaubada anani taniwaga hina luiya. A baha duma ugolimi, apo iyawoi Yaubada anani taniwaga hina luiluiya ipa nugonugohi mei logaloga hai winugonugotuhu.’

Taniwaga gehouna Yesu i lubayadeya i pa, ‘Bada dewadewam, apo awai a dewaya po Yaubada luyagohana tuwetuwenai ina weleu?’
Ma Yesu i baha ugolina i pa, ‘Am winugonugotuhu awai binei u kawaidewadewageu? Ega iyai ita dewadewa ma Yaubada tuawana. Lugagayo u hanapugehi ma hi baheya hi pa, “Ega una matamatamaga, ega una yamunugo, ega una danedanene, ega una igou koyakoyama, amam po hinam una wiyateyatehi”.’
Ma lawana i baha i pa, ‘Geka lugagayohi atapuhi a habuluwe a wootagohi ma i nei po amalai’.
Yesu geka bahana i noonoli po i baha nae ugolina i pa, ‘Ginouli emosi hotana ega ugolim. Gapola atapuhi ugolim una gimalena halehi po monehi tu dayadayabu una welehi. Apo hau yada una wigapola. Ma una nei po una wotagou.’
Tamogi lawana geka babahi i noonolihi po i nugodubu duma babana tauna i wigapola duma. Yesu lawana i gagaleya po i pa, ‘Tu wigapola lawahi hai lui Yaubada anani taniwaga ugolina i witai. Kamela ega emoemotana heyau domona ina honogi. Ma tu wigapola lawana a lui Yaubada anani taniwaga ugolina i wipilipili lagona ma apoma noka gamogamona a honoga.’
Lawa iyawoi geka bahana hi noonoli po hi lubayada hi pa, ‘Ma heki, iyai apoma apo luyagohana ina tuhagaya?’
Ma Yesu i pa, ‘Lawa ugolihi luyagohana tuhagana ega emoemotahi ma Yaubada ugolina emoemotana’.
Apoma Pita i baha i pa, ‘U galeya, i meyagai to nehalehi ma to wootagom’.
Ma Yesu ugolihi i baha i pa, ‘A baha duma ugolimi, apo iyai a meyagai bo agona bo walewalehina bo amana po hinana bo natunatuna Yaubada anani taniwaga binei ma ina nehalehi, tauna geka hougana apo mihana ina tuhaga lagoneya ma houga he nenei luyagohana ega sigana apo ina tuhagaya’.

Yesu a hewahewali magouhi 12 i winihi po hi meliya ma ugolihi i baha i pa, ‘Ona lautanigana, tauta ta nenae u Yelusalem, ma tu bahapiko ginouli atapuna Lawa Moinau ubeu ma hi gilugilumi apo ina limoineya. Tu meuputa lawahi ugolihi apo hina houna damaneu, ma tauhi apo hina paliguyoguyougeu po hina dewa guyougeu po hina howahowau. Ma apo hina kodikodiliu po ina kokoe ma apo hina wihilageniu. Ma iyeta witonugana ugolina apo a towolo meme.’
Tamogi a hewahewali geka bahahi ega hita nugotuhu tuhagahi. Bahahi anohi ega hita lugeletehi tauhi ugolihi po awai i ibaabaniyeya ega hita hanapugeya.

Yesu Yeliko i tutuliyaliyani ma lawa matana keekena tahaya u hadana i tugula ma i laupali. Hougana bolu hi nei po hi weluwileya ma i lubayada i pa, ‘Geka awai?’
Ma hi paliweleya hi pa, ‘Yesu Nasaletagei i nei po e nenae’.
Ma tauna i otu i pa, ‘Yesu Dawita gogana, hilaki uta lunugotootogogeu!’
Ma iyawoi bolu u naohi hi lahaya ma hi paliyeya hi pa, ‘Hei, una genuwana’.
Tamogi tauna i otu labatana i pa, ‘Dawita gogana, hilaki uta lunugotootogogeu!’
Ega yaka Yesu i tutowolo ma i baha po ipa tu matakekena hina neiyai ugolina. Hougana i nei po u liyaliyana ma Yesu i lubayadeya i pa, ‘Am luhogala ipa bimgei a dewaya?’
Ma tauna i pa, ‘Guyau, u luhogala ipa matau hina dewadewa’.
Ma Yesu ugolina i baha i pa, ‘Una galena meme. Am witumagana i luyawahim.’ Mala emosi ma matana i galeneya po Yaubada i maamali ma Yesu i wotagoya po hi nae. Ma lawa atapuhi geka dewana hi gagaleya po Yaubada hi wotalagiyeya.

Feti si Luka 18