If you have would like a copy of this version please contact info@davarpartners.org

Text: Yalunka Old Testament, CC-BY-SA-4.0, Pioneer Bible Translators, 2012. -- Audio: Yalunka Old Testament Audio Bible, CC-BY-SA-4.0, Davar Partners International, 2022

Yalunka Old Testament

<div class="version vid620 iso6393yal" data-vid="620" data-iso6393="yal">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s">Iburahima faxa fena</div><div class="r">Taruxune Singen 1.32,33</div><div class="p"> 1Iburahima m&#596;n yi &#626;axalan gb&#603;t&#603;n tongo naxan xili Ketura. 2Na &#626;axanla yi diine bari a xa. Na diine yi xili: Simiran nun Yokan nun Medan nun Midiyan nun Yisebaki e nun Suwa. 3Yokan yi Saba nun Dedan bari. Dedan yix&#603;t&#603;ne findixi Asuri kaane nan na, e nun Letusin kaane nun Leyumin kaane. 4Midiyan ma diine nan Efa nun Efere nun Xan&#596;ki nun Abida nun Elida ra. Keturaa diine nan e birin na.</div><div class="p"> 5Seen naxan birin findi Iburahima gbeen na, a yi a birin so Isiyaga yii. 6Naxanye findi a konyi &#626;axanle diine ra, a yi e ki a siimayani. A yi e rasiga yireni, d&#603;naxan makuya a dii Isiyaga ra sogetede mabinni.</div><div class="p"> 7Iburahima a siimayaan yi siga han &#626;&#603;&#603; k&#603;m&#603; &#626;&#603;&#603; tonge solofere e nun suulun. 8A to siimaya xunkuyen s&#596;t&#596;, a fori ki fa&#626;i, a yi faxa, a yi siga laxira yi. 9A diine Isiyaga nun Sumayila yi a maluxun faranna ra, Makipela, d&#603;naxan yi Eferon ma x&#603;&#603;n ma, Soxara a diina, Xiti kaana, Mamire f&#603;ma. 10Iburahima na x&#603;&#603;n sara Xitine b&#596;ns&#596;nna nan ma. E nun a &#626;axanla Saran, e birin maluxunxi m&#603;nna nin. 11Iburahima to faxa, Ala yi a dii Isiyaga baraka naxan d&#596;x&#596; Lahayi Royi x&#596;&#626;inna f&#603;ma.</div><div class="s">Sumayilaa taruxuna</div><div class="r">Taruxune Singen 1.28-31</div><div class="p"> 12Sumayila b&#596;ns&#596;nne xinle nan itoe ra. Saran bata yi a konyi &#626;axanla Misiran kaa Hagara fi Iburahima ma. Hagara yi Sumayila s&#596;t&#596;. 13Sumayilaa diine xinle ni itoe ra: Nebayoti Sumayilaa dii singen nun Kedari nun Adibeli nun Mibisan nun 14Misema nun Duma nun Masa nun 15Xadada nun Tema nun Yeturi nun Nafisi e nun Kedema. Na dii fu nun firinna findi Sumayilaa diine nan na. 16Na muxu keden kedenna, ne findi b&#596;x&#596; mangane nan na. E yi e xinle sa e taane xun ma e nun e muxune. 17Sumayilaa siimayaan yi dan &#626;&#603;&#603; k&#603;m&#603; &#626;&#603;&#603; tonge saxan nun solofere nin. A yi faxa, a siga laxira yi. 18Sumayila b&#596;ns&#596;nna yi d&#596;x&#596; na b&#596;x&#596;ni d&#603;naxan yi Xawila nun Suru tagi. Suru y&#603;&#603;n nafindixi Misiran nan ma Asuri kiraan na. E yi d&#596;xi e ngaxakedenne nan d&#603;x&#596;n ma.</div><div class="s">Esayu nun Yaxuba</div><div class="p"> 19Isiyaga b&#596;ns&#596;nne taruxun ni i ra. Isiyaga findi Iburahima a diin nan na. 20Isiyaga to &#626;&#603;&#603; tonge naanin s&#596;t&#596; siimayaan na, a yi Rebeka d&#596;x&#596;, Laban xuny&#603; &#626;axalanmana, Betuyeli a dii t&#603;m&#603;na. Arami kaane nan e ra, e kelixi Padan-Arami n&#603;n. 21Koni Rebeka mi n&#596; diin bar&#603; a xa. Isiyaga yi Alatala maxandi a &#626;axanla fe ra a xa n&#596; dii barideni. Alatala yi a maxandin nasuxu, Rebeka yi fudikan. 22Na diine yi lu y&#603;ng&#603; e nga kui. A yi a fala, a naxa, &#8220;Nanfera n kuina n t&#596;r&#596;ma?&#8221; A yi Alatala max&#596;din. 23Alatala yi a yabi, a naxa, &#8220;Siya d&#596;x&#596;de firin nan i kuini. Kedenna s&#603;nb&#603;n gboma n&#603;n boden xa. Tadan luma n&#603;n a xuny&#603;na n&#596;&#596;n bun ma.&#8221;</div><div class="p"> 24A diin bari waxatin to a li, e yi a to a gulunne nan yi Rebeka kui. 25Diin naxan singe bari muxu gbeela nan yi a ra. Fati ma xabe gbegbe kanna nan yi a ra. E yi a xili sa Esayu. 26Na xanbi ra, a xuny&#603;n fan yi bari. A yiin naxutuxi a tada Esayu santinban ma. E yi a xili sa Yaxuba.#25.26 Heburu xuini, Yaxuba xinla maliga xuina nde ra naxan bunna n&#603;&#603;n fa fala &#8220;Santinbana.&#8221; Rebeka na diine barima waxatin naxan yi, Isiyaga &#626;&#603;&#603; tonge sennin nan yi a ra.</div><div class="p"> 27Na dii x&#603;m&#603; firinna yi gbo. Esayu yi findi donso fa&#626;in na naxan yi wulani sigama. Yaxuba findi muxu maxunbelixin nan na, a tan yi luma bubun nan bun ma. 28Esayu nan yi rafan Isiyaga ma, a sube faxaxine fe ra, koni Yaxuba nan yi rafan Rebeka ma.</div><div class="p"> 29L&#596;x&#596;na nde Yaxuba yi p&#596;rin nafala. Esayu to so, a xadanxi keli donsoyani. 30A yi a fala Yaxuba xa, a naxa, &#8220;N mi n&#596;&#603; fefe ra iki. A lu n xa p&#596;ri gbeeli ito nde k&#596;n.&#8221; Na nan a toxi a yi xili sa, Ed&#596;n.#25.30 Heburu xuini, Ed&#596;n bunna n&#603;&#603;n fa fala &#8220;A gbeeli.&#8221; 31Yaxuba yi a yabi, a naxa, &#8220;I ya foriyaan tiden fi n ma singen.&#8221; 32Esayu yi a fala, a naxa, &#8220;N faxa feni kam&#603;n nan ma iki. Na foriya tiden nanse fanma n ma?&#8221; 33Yaxuba m&#596;n yi a fala, a naxa, &#8220;F&#596; i xa i k&#596;l&#596;.&#8221; Esayu yi a k&#596;l&#596;, a bata a foriya tiden fi a ma. 34Yaxuba yi burun nun p&#596;rin toge daxi so a yii. Esayu yi ne don, a yi a min. A yi siga. Nanara, Esayu mi a foriya tiden yat&#603; sese ra.</div>
 </div>
 </div>
</div>

© 2012 Traducteurs Pionniers de la Bible © 2012 Pioneer Bible Translators This work is licensed under the Creative Commons Attribution ShareAlike 4.0 license  https://creativecommons.org/licenses/by-sa/4.0/ 

Iburahima mɔn yi ɲaxalan gbɛtɛn tongo naxan xili Ketura. Na ɲaxanla yi diine bari a xa. Na diine yi xili: Simiran nun Yokan nun Medan nun Midiyan nun Yisebaki e nun Suwa. Yokan yi Saba nun Dedan bari. Dedan yixɛtɛne findixi Asuri kaane nan na, e nun Letusin kaane nun Leyumin kaane. Midiyan ma diine nan Efa nun Efere nun Xanɔki nun Abida nun Elida ra. Keturaa diine nan e birin na.
Seen naxan birin findi Iburahima gbeen na, a yi a birin so Isiyaga yii. Naxanye findi a konyi ɲaxanle diine ra, a yi e ki a siimayani. A yi e rasiga yireni, dɛnaxan makuya a dii Isiyaga ra sogetede mabinni.
Iburahima a siimayaan yi siga han ɲɛɛ kɛmɛ ɲɛɛ tonge solofere e nun suulun. A to siimaya xunkuyen sɔtɔ, a fori ki faɲi, a yi faxa, a yi siga laxira yi. A diine Isiyaga nun Sumayila yi a maluxun faranna ra, Makipela, dɛnaxan yi Eferon ma xɛɛn ma, Soxara a diina, Xiti kaana, Mamire fɛma. Iburahima na xɛɛn sara Xitine bɔnsɔnna nan ma. E nun a ɲaxanla Saran, e birin maluxunxi mɛnna nin. Iburahima to faxa, Ala yi a dii Isiyaga baraka naxan dɔxɔ Lahayi Royi xɔɲinna fɛma.


Sumayila bɔnsɔnne xinle nan itoe ra. Saran bata yi a konyi ɲaxanla Misiran kaa Hagara fi Iburahima ma. Hagara yi Sumayila sɔtɔ. Sumayilaa diine xinle ni itoe ra: Nebayoti Sumayilaa dii singen nun Kedari nun Adibeli nun Mibisan nun Misema nun Duma nun Masa nun Xadada nun Tema nun Yeturi nun Nafisi e nun Kedema. Na dii fu nun firinna findi Sumayilaa diine nan na. Na muxu keden kedenna, ne findi bɔxɔ mangane nan na. E yi e xinle sa e taane xun ma e nun e muxune. Sumayilaa siimayaan yi dan ɲɛɛ kɛmɛ ɲɛɛ tonge saxan nun solofere nin. A yi faxa, a siga laxira yi. Sumayila bɔnsɔnna yi dɔxɔ na bɔxɔni dɛnaxan yi Xawila nun Suru tagi. Suru yɛɛn nafindixi Misiran nan ma Asuri kiraan na. E yi dɔxi e ngaxakedenne nan dɛxɔn ma.

Isiyaga bɔnsɔnne taruxun ni i ra. Isiyaga findi Iburahima a diin nan na. Isiyaga to ɲɛɛ tonge naanin sɔtɔ siimayaan na, a yi Rebeka dɔxɔ, Laban xunyɛ ɲaxalanmana, Betuyeli a dii tɛmɛna. Arami kaane nan e ra, e kelixi Padan-Arami nɛn. Koni Rebeka mi nɔ diin barɛ a xa. Isiyaga yi Alatala maxandi a ɲaxanla fe ra a xa nɔ dii barideni. Alatala yi a maxandin nasuxu, Rebeka yi fudikan. Na diine yi lu yɛngɛ e nga kui. A yi a fala, a naxa, “Nanfera n kuina n tɔrɔma?” A yi Alatala maxɔdin. Alatala yi a yabi, a naxa, “Siya dɔxɔde firin nan i kuini. Kedenna sɛnbɛn gboma nɛn boden xa. Tadan luma nɛn a xunyɛna nɔɔn bun ma.”
A diin bari waxatin to a li, e yi a to a gulunne nan yi Rebeka kui. Diin naxan singe bari muxu gbeela nan yi a ra. Fati ma xabe gbegbe kanna nan yi a ra. E yi a xili sa Esayu. Na xanbi ra, a xunyɛn fan yi bari. A yiin naxutuxi a tada Esayu santinban ma. E yi a xili sa Yaxuba. Rebeka na diine barima waxatin naxan yi, Isiyaga ɲɛɛ tonge sennin nan yi a ra.
Na dii xɛmɛ firinna yi gbo. Esayu yi findi donso faɲin na naxan yi wulani sigama. Yaxuba findi muxu maxunbelixin nan na, a tan yi luma bubun nan bun ma. Esayu nan yi rafan Isiyaga ma, a sube faxaxine fe ra, koni Yaxuba nan yi rafan Rebeka ma.
Lɔxɔna nde Yaxuba yi pɔrin nafala. Esayu to so, a xadanxi keli donsoyani. A yi a fala Yaxuba xa, a naxa, “N mi nɔɛ fefe ra iki. A lu n xa pɔri gbeeli ito nde kɔn.” Na nan a toxi a yi xili sa, Edɔn. Yaxuba yi a yabi, a naxa, “I ya foriyaan tiden fi n ma singen.” Esayu yi a fala, a naxa, “N faxa feni kamɛn nan ma iki. Na foriya tiden nanse fanma n ma?” Yaxuba mɔn yi a fala, a naxa, “Fɔ i xa i kɔlɔ.” Esayu yi a kɔlɔ, a bata a foriya tiden fi a ma. Yaxuba yi burun nun pɔrin toge daxi so a yii. Esayu yi ne don, a yi a min. A yi siga. Nanara, Esayu mi a foriya tiden yatɛ sese ra.

Feti si Dunuɲa Fɔlɔna 25