Àwọn Ẹsẹ Bíbélì Tí Ọ̀pọ̀ Èèyàn Mọ JOHAN 19

Pín

Jesu’n uain thûk chu a dawn zaw in, “A kichai tai,” a hun tia. Tichun, a lu a khûn ah, a thagau a thâ tai.

Jesu’n thil bangkim a bukim tai ti a het phat in, (Pathian Lekha thu guitunna ding in,) “Ka dang a châk hi!” a hun tia.

Jesu’n, a nu leh a nungzui a hepi kha a kiang ah ding zing a mu’n, a nu kiang in, “Numei, la chapa kha en in!” a tia. Ziazaw chun, a nungzui kiang ah chun, “En in, la nu kha!” a tia. Zia phat ah chun nungzuipa chun amanu chu a In lam in a pui tai.

Himaleh, Jesu kiang a hung tun phat un, ama chu a la thi zo sa’n a mu tau ah, a keng chu a khen bong ta puau hi. Himaleh, a lak ua sepai pakhat chun, chei in a nâk a vak sut leh, thisan leh tui a hung luangdok tai.

Pathian Lekha thu ah, “A gu pakhatle suk bot hipua’n a,” ti ah kizik kha a guitunna ding ah zia thilte chu tung ahi. Pathian lekha thu mundang khat in, “Amau hawn a sut ngei uh chu en in au,” ti zik gual ah khan.

Ama kros ding kiput kawm in, Lugu Mun, Hebrai pau ah Golgotha a ti’na mun lam ua chun a pui tau a.

Sepaite chunle linglukhuk a phêk ua a khuksak un, puan sandup a hun silsak tau a.