Àwọn Ẹsẹ Bíbélì Tí Ọ̀pọ̀ Èèyàn Mọ LUKA 14

Pín

Kuale, a pate, a nute, a jite, a chate, a suapite, a suapinute leh ama hinna natiangle haw diak lo chu ka nungzui hithei pua’n au.

Kuale ama kros kiput ah ei zui lo chu ka nungzui hithei pua’n au.

Ama kingaisangte chu suktawm in um intiu in; ama kingaitawmte chu vang choisa’n in um in au,” a tia.

Zia gual ma chun, kuale a nei zosia nusia ngam lo chu ka nungzui hitheilo ding ahi.

Nanghaw lak ah kua’nle Insâng sak gaw leu chin, sak zawna ding khop sum la nei leh neilo uh he dingin, chutmun ah a man ding jat sût masa lo ding kua a hem um? Achutiloleh, dân leh a In suangphûm lem zo zet in, zo zo lo in hung um taleh, mi a hung mu zosia’n nuisan intiu in, Zia pa hin a Insak a pan zet ah, sak la a sa zo ta pua’n, ti’n au.

Gual la vâk tak leh, mi gentheite, mi piansualte, kengbâite leh mitthûmte chu chial zaw ta’n. Ziate chun ditna ding a nei lo ding ziak un a hampha hiding la hi; midikte thawkit tak leh dit kit ah um ding la hi,” a tia.

Chi hi a phai, a hinla, chi le a dau tak leh bangin hi al kit thei ding a hem? Leiphatna dinginle panna nei ta pua’n tin, êknin dinginle panna nei ta pua’n ah; tichun, min a paimang ta sek ui. Kuale nakhang nei chun he tau hen, a tia.