Àwọn Ẹsẹ Bíbélì Tí Ọ̀pọ̀ Èèyàn Mọ MARKA 13

Pín

Keima min ziakin mi zosia muda hi’n lau; himaleh, a tawp tiang ah thuakzote chu hukhin in um in au.

Ziaziakchun, chingthei tak leh pilvâng tak in um zing un; a hun ding kuama’n la hepaw ngal un.

Ahi’n, mat leh piakdaw ah la um tak ua leh le, la gen ding uh chu ngaitua lawk diak kiu inla, la lungthim unle gêl masa kiu in; a hun tak ah la kiang ua hiatsak ah um chu gen mai un; nangmau ah kipat pawt la gen ding uh a hipua’n, Thagau Thiangtho in a hun hiatsak ding a hizaw ngal a.

Lei leh van mangthai intin, ka thu ahileh vang mangthai pua’n a.

Himaleh, a ni leh a hun ding chu kuama’n a hepuai, vansawlchâkte’n le, Mihing chapa’n le a hepuai, Pa bep in a het ahi.

Kido thu leh kido thuthangte la het tak ua leh lungkham kiu in; zia chu a hung tung ding him ahi; ahi’n, a tawpna chu hinai tadi pua’n a.

Ziaziakchun, kiging zing in um un, Inneipa hung ding hun chu nitâk a hem, jankhang a hem, âk khuan a hem, jingkal a hem la hepaw ngal un; thakhat in hung thut intin, la i-mut lai hung sikha kha’n a. La kiang ua ka gen hi mi zosia kiang ah ka gen ahi: Kiging zing tau in, a tia.

Nam chuam leh nam chuam kido intiu in; gam chuam leh gam chuam kido intiu in; mun chuam chuam in lîn kilîng intin; kial hung tung in a. Zia chu nauvei kipatna ahi,” a tia.

Chun, chanchinpha hi nam zosia kiang ah gen suak hi masa ding ahi.

Mi tam tak ka min in hung intiu in, ‘Ama chu ka hi,’ ti’n mi tam tak hun pui mang in au.

Himaleh, nanghaw vang chingthei tak in um un; vaihawmte hun mat sak intiu in, sunagog ah hun vua’n tin uh; keima ziakin vaihawmte leh lengte ma ah, amau hiatsakna dingin pui in um in lau.

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

Himaleh, zia buaina huaisia tak chu a hung tun zaw tak leh, Nisa hung thim intin, thapi le vâk ta pua’n tin; van ah kipat in aksite hung kia’n tin, van ah thil hi’theinate chu hung kilîng in a.