Àwọn Ẹsẹ Bíbélì Tí Ọ̀pọ̀ Èèyàn Mọ Gbantumsə̀ bəd Tùsá 5

Pín

Zá Piyɛr kə̀ Yéésù gbantumsə̀ kambəd tá, kè' bə̀ í' bə̀: «Báà ləə̀n Vɛnɛ́bá, kə̀ nɛ́ŋə̀ ləə̀nmbə̀ gə́ roó.

Bít sɛŋ gə́ kóólé, bə̀ tə́ láŋsə́ wúuú, bít ligə̀ kə̀ ligàá, bə̀ dìì nɛ́b bəd nwɔŋ sɔ̀ɔ̀nkè baànmbə̀ gə́, Yéésù kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó.

Zá Piyɛr bààù: «Ananiyas, kə̀ níìbə̀ ń dàà Satan pìì nyìì taà ám tɛ́mú gú? Ń dùg Nwul Gìdń gúsuúmá. Və̀d ń nyɛ́rà basaa gə́l ń lɛ́b kə̀ lɛ' rə yàá. Sɛŋ aa bə́ŋ̀ pà' ń lɛ́b síndə gə́, ámbə̀ géè? Bə́ŋyée pà' gə́l ń lɛ́b yérə, ba' oòrə, ámbə̀ géè? Kə̀ níìbə̀ ń sèl taà tù' vaksə́ ma'ǹmbə̀ kàan gú? Gúsuúm aarə, ń dùg tə́ kə̀ Vɛnɛ́bá, ń dùg kə̀ nɛ́b bəd gá.» Zɔ̀ŋ aa Ananiyas kìì nwɔŋ aa kàanyée ní, wəd yi' yɛ́b ba, gɔ̀ŋsə́ oò bɛ́d kúnú. Yɛb vɔ̀ɔ̀m bəd bə̀ zá' lɛgú, pà' yaà bə̀ dàbə̀ gɔ̀sú, bít ɛ̀m dá bə̀ lə̀ə̀ù kúnú. Nɛ́b aa kìì nwɔŋ aarə kóólé, lɔ̀b bə̀ tɛ́m yàá.

Bít bə́ŋyée gə́, mə́ tə́ ii kíìn baanàá, ìì mà' nɛ́b vɔ̀ɔ̀m bəraa yée in nə́ŋ̀má sí. Ìì dàà bə̀ kàaní. Kàandə, tùsaa rə, nɛ́b bəd tə́ sə̀n ma'ǹ gə́, dáá zɔ̀ŋ bùúd gá, dákíìn dugàá. Zá aarə, Vɛnɛ́b zígà tə́ sə̀n gə́, nɛ́ŋə̀ nə́ŋ̀má bán ko'ǹ dí'ǹmbə̀ gá. Nɛ́ŋə̀ aa bààì kò' bəǹ dákíìn dí'ǹ də, dá nə́gə̀d nə́'ǹ kə̀ Vɛnɛ́bá.» Boò kóólé, ìì kè' nwɔŋ oò yàá.