Àwọn Ẹsẹ Bíbélì Tí Ọ̀pọ̀ Èèyàn Mọ Yohana 12

Pín

Dáà nɛ́ŋə̀ nə́ŋ̀ í' mə́ tùsì ma'ǹmbə̀ gə́, oò bàg mə́ kúnú. Kə̀ aakíin də, nɛ́d tù' bə̀ ma'ǹ mə́ kɔ̀, dá kuùm zɔ̀ŋ aa mə́ kùm bəroó. Kóó nɛ́ɛ̀réè, í' mə́ tùsì ma'ǹmbə̀ gə́, Báá mə́ dáù kíìn káŋàá.»

Màn aa í' gɔ̀ŋsə́ oòì zɔ̀ŋə yɛ́b bərə, dáù kíìn bɔ̀'nàá. Zá màn aa zèè gɔ̀ŋsə́ oòì zɔ̀ŋə yɛ́b bərə, dá gɔ̀ŋsə́ aa bɛ́d bə gá rə bɔbàá.

Mə́ tə́ ii kíìn baanàá, aarə nwɔŋ sɔ̀ɔ̀ná' Inlíìnmbə̀ aa bə̀ dɛ̀d blé rə, bə̀ wùù luùm oòrəì yɛ́b ba, vàd síngə́, dáá kùm oò nə́ŋ̀ní. Zá vàrì gə́, lɛ̀b yɛb zùúm.

Máá gə́, mə́ yaà zɔ̀ŋə yɛ́b bə kìínmbə̀ laa nyɛdkè kíin, bɔ̀b kóó nɛ́ɛ̀réè, bàg mə́ì gə́, oò kùm tígə́lə́ sí.

Dáà nɛ́ŋə̀ nə́ŋ̀ kìì nwɔŋ mə́ bəd yàá, bít mà' tù' kə̀ kùrú síngə́, máára fág máù sə̀n ko'ǹ gá. Kə̀ aakíin də, mə́ yaà zɔ̀ŋə yɛ́b bərə, bɔ̀b nɛ́b bəd súùnmbìá, zá mə́ yaà bə̀ fágǹ ko'ǹmbə̀ gá.

Mariyama pà' urdi lítrə̀ tɔ̀d nə́ŋ̀. Urdi rə, Urdi dùm nwuukèá. Bə̀ kùd kə̀ téé nyìì aa bə̀ dɛ̀d nard roó, bít yaà zà' taà Yéésù dun ba, tə̀d kə̀ yíl gí' oò bərá. Wúl kə̀ zɔ̀ŋtá, nyìì kə̀ urdi soolá.

Bə̀ dùb bəd gbùŋ yɛsàá, bít vúg yaà bə̀ sáŋ kə̀ Yéésù kpaŋ̀ tɛ́mú. Ìì páá kpə̀ə́ǹá, ìì bàà: «Kaŋsɛ́l oò kùm Vɛnɛ́b naú! Vɛnɛ́b oò zíg màn aa tóò yaànnà Báátììkpɛ̀ŋ nə́gə́lə́ rə nɛɛ̀n yílú! Vɛnɛ́b oò zíg nɛɛ̀n oò, gààd gbà'á Israila bə̀ yílú!»

Yéésù kè' í' bə̀: «Bə́ŋyée, sɛŋ aa nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə dá kaŋsɛ́l bɔbm̀ bərə, wə́ə́ yàá.