Àwọn Ẹsẹ Bíbélì Tí Ọ̀pọ̀ Èèyàn Mọ Yohana 4

Pín

Vɛnɛ́b gə́, nwuulá, bít nɛ́b aa bə̀ dáù pɔ̀bm̀ də kɔ̀, boò pɔ̀bə̀ kə̀ kpaŋ̀ vɛ́nà bìá, bít kə̀ nɛɛ̀n aa Nwul Gìdń ì' bə̀ rə kíin.»

Zá sɛŋ tóò kíìn yaanàá, sɛŋ aa nɛ́b Báá Vɛnɛ́b bə̀ pɔ̀bm̀ vɛ́nà bə̀ bəd bə̀ dáù pɔ̀bm̀ kə̀ kpaŋ̀ sɔ̀ɔ̀ná, kə̀ nɛɛ̀n aa Nwul Gìdń ì' bə̀ rə kíin doo. Sɛŋ də yaà wə́ə́ì bə́ŋyóo. Kàandə, Báá Vɛnɛ́b í' nɛ́b bəraa bə̀ tə́ù pɔ̀bm̀ nɛɛ̀n aarə rú roó.

Zá màn aa nyəə wəl aa máù piìn dəì rə gə́ kóólé, wəlsúud nwuù sɔ̀ŋ gá. Kàandə, wəl aa máù piìn də, dá wəl ə'kè bíìl oò tɛ́mú, dáù gɔ̀ŋsə́ aa bɛ́d bə gá rə piinàá.»

Yéésù kè' í'ù: «Dáà ń gàb in aa Vɛnɛ́b pii rə yàá, bít ń gàb màn aa nyɛ̀m m wəl nyəə̀nmbə̀ yérəì gə́, éèn ń dáù sə̀n nyɛmàá, bít oò kɔ̀, dáàn wəl gɔ̀ŋsə́ bə̀ piinàá.»

«Yéésù bàà bə̀' Inlíìnmbə̀ máá bə̀ gə́, ləə̀nmbə̀ màn aa tùm máà rə nwɔŋá, bít ma'ǹ bɛ́'ǹmbə̀ tùsaa pii máà mà' roó.

Nɛ́ŋ kéèndo rə bààù: «Gbàároá, ń kə̀ kpɔ̀b wəl bə̀ kɔbm̀ naà sé, bít wəl gbə'ké aa yée kɔ̀, dɛ́l pí' yàá. Ń dá leè ma'nì, ń dá taà wəl gɔ̀ŋsə́ bə̀ bɔbm̀ gú?

Nɛ́ŋ kéèndo rə bààù: «Mə́ gàb yàá, Nɛ́ŋə̀ aa Vɛnɛ́b tɔ̀bə̀ gààd kílə́m yílə́ rə dáà kíìn yaanàá. Sɛŋ aa yaà wə́ə́ì rə, dá bə́ in bəd kóólé kíìn baàn i'nàá.» Nɛ́ŋə̀ aa Vɛnɛ́b tɔ̀bə̀ gààd kílə́m yílə́ rə, taà kùmsə̀n baànmbə̀ Krístù. Yéésù kè' í'ù: «Aarə máára, nɛ́ŋə̀ aa mə́ tə́ən nwɔŋ gáàm yéroó.»

«Yaà ìì ɛ̀g Nɛ́ŋ Váàndo nə́ŋ̀ tə́ zɔ̀ŋə. Bàà mə́ in bəraa mə́ mà' nyàam númú rə kóólé. Kam nə́ŋ̀ gə́, oòra kùmsə̀n Krístù reè gə́?»