Àwọn Ẹsẹ Bíbélì Tí Ọ̀pọ̀ Èèyàn Mọ Luka 14

Pín

«Nɛ́ŋə̀ aa dáà yaànà máá səǹ də, í' kàn nɛɛ̀n tə́ báá oòra, í' kàn nɛɛ̀n tə́ nà'á oòra, kéèn oòra, yɛb oò bərá, ɔ̀dkudvɛɛ̀l oò bərá, níí oò bərá, kun kɛ́ɛ̀m oò bərá, bít í' kàn nɛɛ̀n tə́ yíl oò bə̀ gə́, bán kuùmbə̀ nɛ́d sánán mə́ gá.

Màn aa pà' téélɛŋké oò bít bàg mə́ sə́n də, bán kuùmbə̀ nɛ́d sáànmbə̀ mə́ gá.

Kə̀ aakíin də, kóó nɛ́ɛ̀réè, káŋ yíl oòì gə́, Vɛnɛ́b dáù bí'ǹ dùú; bít màn aa bí' yíl oò dùù rə kɔ̀, Vɛnɛ́b dáù ná'ǹ lɛgú.»

Kə̀ aakíin, Yéésù bàà zəg sɔ̀ŋ: ‹Nɛ́ŋə̀ nə́ŋ̀má aí tə́ŋú, bán kuùmbə̀ nɛ́d sáànmbə̀ mə́ gá, məə dàà in aa kə̀ naà rə kóólé síngə́ roó.› »

«Nɛ́ŋə̀ nə́ŋ̀ í'ì wúl gbà'á nə́ŋ̀ wə'ǹmbə̀ gə́, bə́ŋ̀ kùm yɛ́b ba, bít gád ɛ̀g nɛɛ̀n aa dá ba' pa'ǹ dú roó; bɔbm̀ ɛgǹmbìá, ba' túrú tùsaa rə bə̀ ma'ǹ bɛ́'ǹ gə́ roó. Mà' kàan síngə́, dá wúl bèl páánàá, zá wə̀' zə́' wúl gbà'á rə gá. Bít nɛ́b aa ìì dá tùsaa rə bé'ǹ də kóólé, lòò bə̀ dáù kèéd bí'nàá. Bə̀ dá baàn: ‹Nɛ́ŋ váàndo aa yée sɔ̀rì wúl wə'ǹmbìá, zá bán tù' oòrə ma'ǹ bɛ́'ǹmbə̀ sé!›

Zá màìgə́, ń tə́ nɛ́b bəd wálke gbèd dɛdǹ piìn gə́, ɛ̀m dá ǹ dɛ̀rà nɛ́b búúd bə̀ bərá, nɛ́b aa mad yɛ̀l bə̀ si' roó, nɛ́b dun tə́ŋke bərá, kə̀ nyəd bərá. Vɛnɛ́b dá n nɛɛ̀n zígǹ yílú, kàandə, boò gə́, ìì bɔ̀b m káàn bí'ǹmbə̀ gá. Vɛnɛ́b dá n sə̀n mú'sɛ̀l dùm ń də káánàá, sɛŋ aa nɛ́b aa ìì mà' sɔ̀ɔ̀n də, ìì dá díìm bə valə́ roó.»

«Nwuùm yɛ́b gə́, insɔ̀ɔ̀ná. Zá nwuùm yɛ́b bɔ̀' bùmkè oòì gə́, báan níì báàn ma'ǹmbə̀, bɔ̀b oò bə̀ bí'ǹmbə̀ bùmkè sɔ̀ŋ gú? In nə́ŋ̀má sé. Kàandə, sɔ̀ɔ̀n yɛ́b bə gá, bíl in lììmkè gá kɔ̀. Nɛ́b bəd pà' bə̀ dáù za'ǹ gbaarú. Íí tə́ kə̀ túŋ naà kiìnmbə̀ gə́, ìì kìì kíìn sɔ̀ɔ̀nkè!»