Àwọn Ẹsẹ Bíbélì Tí Ọ̀pọ̀ Èèyàn Mọ Luka 17

Pín

Bítsɔ̀ŋ, Yéésù bààù: «Ǹ zá' lɛgú, ǹ ɛ̀m kúnú; tɛ́mbagké ń gáŋ n yàá.»

Mà' invaksə́ì sɛŋ zùúm nyàm nə́ŋ̀ní ba, bít sɛŋ aa mà' rə gə́ kóólé, kid tə́ì kíìn bídǹnà ám sunú, bít yaà tə́ n baàn: ‹Mə́ sɔ̀g yàá› gə́, lò' ǹ dààù invaksə́ aa mà' n də kúnú.»

Nɛ́ŋə̀ nə́ŋ̀ boò tə́ŋú, zɔ̀ŋ aa bé' si' oò nyɛd yée gə́, kidbírà Yéésù sunú, yaà káŋ Vɛnɛ́b kə̀ pə̀gə̀lib kpɛŋsɛ́l bìá. Yaà pí' yɛ́b bə Yéésù númə́ kə̀ dunlígə̀rá, bít mɔ̀'ù kúnú. Nɛ́ŋə̀ aarə má, nɛ́d Samariya yɛ́b bə bìá.

Ìì gú' yíl aí bìá! «Ɔ̀dkudvɛɛ̀l í'sɛ̀lbə̀ ń mà' invaksə́ì gə́, ál ǹ kùrə̀ kíìn sɔ̀ɔ̀nkè. Zá sɔ̀gì gə́, lòò ǹ dààù invaksə́ oòrə kúnú.

Kàanyée gə́, Yéésù bàà: «Mə́ gáŋ nɛ́b bəd kób sisá, nɛ́ŋə̀ nə́ŋ̀ boò tə́ŋú, kidbírà yàá. Zá nɛ́b dàànə́ŋ̀ní kambəd də gə́, boò tə́ bá?

Báátììkpɛ̀ŋ kè' í', bàà: «Dáà íí tə́ kə̀ tɛ́mbagké naà kìínmbə̀ kpànwà lɛ̀ɛ́ŋə̀ kíin gə́, íí dá kpùkulə́ nyìì baàn: ‹Ǹ bə̀' kúnú, ɛ̀m dá ǹ dìì wəl nyìgə̀lú.› Bít oò kɔ̀ dá nwɔŋ aa íí bàà rə kíìn ləənàá.»

Màn aa sàà gɔ̀ŋsə́ oò súùnmbə̀ rə, dáù kíìn bɔ̀'nàá. Zá màn aa í' gɔ̀ŋsə́ oò bɔ̀'ǹmbə̀ rə, dáù kíìn súúnàá.

Yéésù bàà nɛ́b sáànmbə̀ oò bəd: «In kam dá kuùm sɛŋ gə́ kóólé, nɛ́b bəd bə̀ aàn invaksə́ ma'ǹmbìá. Zá búúd dá kuùm màn aa tə́ nɛ́b bəd aàn invaksə́ ma'ǹmbìá, bít boò bɔ̀m tɛ́mbagké boò rə yílú! Nɛ́ŋə̀ aarə, aa dá sɔɔ̀n də gə́, boò tabə̀ nagə̀l bəŋ gbà'á gàálú, bít pà' boò lɛ́'ù nwuu gbà'á rú, kə̀ oò bə̀ yɛb bɛ̀ŋ́sə̀ bəraa bə̀ tə́ mə́ bagǹ yée aànmbə̀ invaksə́ ma'ǹmbìá, bít bɔ̀'ǹmbə̀ tɛ́mbagké boò gə́ roó.

«Nɛɛ̀n aa nɛ́b bəd kùm dú Nuhu sɛŋə́ rə, sɛŋ aa nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə dáà yaànà bərə, nɛ́b bəd dá kuùm nɛɛ̀n aarə rú. Nuhu sɛŋə́ rə, nɛ́b bəd tə́ in líínàá, bít bə̀ tə́ ǹ nyəənàá, nɛ́b vɔ̀ɔ̀m bəd tə́ kɛ́ɛ̀m palàá, kɛ́ɛ̀m bəd kɔ̀ bə̀ tə́ vɔ̀ɔ̀m palàá, yaà wə́ə́ nyàm aa Nuhu pìì bə kə̀ə̀d gbà'á rú rə zé. Kàanyée gə́, nwan wəl gbà'á yaà nyìì yɛ́b ba, bít lòd dúŋ bə̀ boò kóólé.