Àwọn Ẹsẹ Bíbélì Tí Ọ̀pọ̀ Èèyàn Mọ Jenesis 15

Pín

Kaeŋ jero Abramnoŋ Poŋ moma laariŋ muro momalaaria iiro sokono qaaya jeŋ tegoro solaŋaniro.

Kaeŋ ama Abrambaa jaaya meleeno jaameleŋ uŋa iiro Poŋnoŋ qaa kokaeŋ jeŋ asugiro, “Abram, gii toroko mende moba. Niinoŋ goo reeŋ koloojeŋ. Goo tawaga mono somata qatawo kolooŋ eŋ ubaa.”

Qaa kaeŋ asugiro Anutunoŋ Abram wama seleeŋgeŋ kemeŋ qaa kokaeŋ ijoro, “Mono sombinoŋ uuna uro seŋgelao weeŋgoŋ oŋombaatiwaa so koloowaati eeŋ, ii mono saanoŋ weeŋgoŋ oŋomba.” Kaeŋ ijoŋ kokaeŋ toroqeŋ jero, “Goo gbiliuruga yoŋoo jaŋgogianoŋ mono iikawaa so koloowaa.”

Kaeŋ jero Pombaanoŋ qaa je moŋ ii iwaanoŋ kokaeŋ asugiro moro, “Eja iikanoŋ esuhinagaa toya mende koloowaato, geeŋgaa seleganoŋga mera moŋ koloowaati, iinoŋ mono goonoŋ ilawoila kuuya buŋa qeŋ aowaa.”

Turuŋ muro Poŋnoŋ kokaeŋ ijoro, “Qaa hoŋa koi mono geja ama moba: Goo gbiliuruganoŋ mono baloŋgia mesaoŋ kantri moŋnoŋ kema wabaga laligoŋ ubuya. Kaeŋ laligoŋ yoŋoo weleŋqeqeurugia omaya koloogi ii yambu 400:waa so meluŋgoŋ oŋoma laligowuya.

Qaa kaeŋ ijoroto, Abramnoŋ kokaeŋ jero, “Oo Poŋ somatana, nii meraborana qaa laligowego tawa nona iikanoŋ mono nomaeŋ ilaaŋ nonaga? Niinoŋ komuwe Damaskas eja Eliezer iinoŋ noo esuhinanaa toya koloowaa.”

Poŋnoŋ oro leelee iikawaa batugianoŋ kema kaŋ somaŋa kanoŋ Abrambo soomoŋgo areŋ ama (kaisareyanoŋ ii meŋ kotiiŋ) qaa kokaeŋ ijoro, “Niinoŋ baloŋ koi ii goo gbiliuruga ii buŋa qeŋ oŋomaŋa. Iikawaa jawoya ii Iijiptwaa apu gowoya (Nail) iikanoŋa kanaiŋ kaŋ koi uuguŋ kema apu bereŋa somata qata Yufreitis iikanoŋ tegowaa.

Niinoŋ Amor kanageso ii baloŋ kokanoŋ uulaŋawo mende oŋotaamaŋa. Wala siŋgisoŋgoya siŋgisoŋgoya ama bolidaborogi i iroŋa tororo meleema oŋomaŋatiwaa kambaŋanoŋ koloowaati, kambaŋ iikanoŋ mono ii oŋotaamaŋa. Kawaajoŋ goo esauruga yoŋoo esaurugia kolooŋ laligowuyati, kambaŋ kanoŋ goo gbiliuruganoŋ mono eleema koi kawuya. (15) Yoŋonoŋ kaeŋ kawuto, geeŋgo wala yambugaa kambaŋanoŋ waziiŋ komuro luaenoŋ maŋasauruga yoŋoonoŋ kena roŋ koma gombuya.”