Àwọn Ẹsẹ Bíbélì Tí Ọ̀pọ̀ Èèyàn Mọ Yoh 6

Pín

Yesu ŵasalile kuti, “Une ni mkate wakupeleka umi, ŵele ŵakwisa kwa une ngasijakola soni sala, ŵele ŵakukulupilila mwa une ngasijakola soni njota.

Msimu wa Mlungu ni ukasiwupelekaga umi, macili ga ŵandu ngaŵa mkutenda cilicose. Maloŵe gimbecete kwa jemanja gakwatendesya kuti akole Msimu wa Mlungu ŵakupeleka umi.

Alimbicileje kuti apate yakulya yakwatendesya ŵandu kuti aŵeje ni umi wa mpaka kalakala ngaŵa kupata yakulya yayikusajonasika. Yeleyi ni yakulya yitacapa jemanja Mwanace jwa Mundu,* ligongo Mlungu, Atati, alosisye kuti amsagwile jwalakwejo.”

Pakuŵa yakusosa Atati ŵangu ni yakuti, wosope ŵakumanyilila une kuti ndili Mwanace jwa Mlungu ni kungulupilila akole umi wangamala.* Ni tinjajimusya ku ŵawe pa lisiku lyakumalisya.”

Yesu ŵajanjile kuti, “Mlungu cakusosa kuti jemanja acitende cili cakuti jemanja mkulupiciceje mwa jwele pejo juŵamtumisyejo.”

Jwalijose jwambele une Atati ŵangu taciyika kwa une. Ni jwalijose jwakwisa kwa une ngaŵa kumjasa kusa

Simoni Petulo ŵamjanjile kuti, “Ambuje, mpaka tujawule kwa ŵani? Wawojo akwete maloŵe gakupeleka umi wangamala.

Une ndili mkate wa umi uwatulwice kutyocela kwinani. Naga mundu akulya wele mkatewu taciŵa ni umi mpaka kalakala. Mkate wawumi utinjimpa jwalakwe ni cilu cangu, cingucipeleka kwa ŵandu ŵa cilambo cosope capasi kuti akole umi.”

Pangali mundu jwampaka apakombole kwisa kwa une nambo akaŵe naga Atati ŵiŵandumilewo akumlongolela kwa une, ni tinjimjimusya pa lisiku lyakumalisya.

Pakuŵa yakulya yakusapelekaga Mlungu ni jwalakwejo jwakusatulukaga pasi pano kutyocela kwinani ni akusapelekaga umi usyesyene kwa ŵandu ŵa cilambo cosope capasi.”

Une ndili mkate wakupeleka umi.

Yesu ŵajigele mikate jila, ni ŵamtogolele Mlungu, kaneko ŵayipelegenye kwa ŵandu ŵiŵatemi pelepowo. Yesu ŵatesile yalumo soni ni somba sila, ni wosope ŵala ŵagaŵene mpela muŵasoselaga. Wosope ŵene ŵala piŵajikwite, Yesu ŵasalile ŵakulijiganya ŵakwe ŵala kuti, “Alokotanye makombogo; kwende tukagajasa.”

Ŵakulijiganya ŵala ŵaliji ali apalese liboti makilomita ciŵandika msano kapena msano ni jimo piŵam'weni Yesu ali mkwenda pacanya pa mesi, ni kwikaga ciŵandika ni libotilyo, jemanjajo ŵajogwepe. Yesu ŵasalile kuti, “Akatenda woga, ndili une!”