Àwọn Ẹsẹ Bíbélì Tí Ọ̀pọ̀ Èèyàn Mọ Иуан 5

Pín

– Шъыпкъэ дэдэр шъосэӀо, сэ сигущыӀэхэм ядэӀоу, сыкъэзгъэкӀуагъэмкӀэ шӀошъхъуныгъэ зиӀэ хъурэм мыкӀодыжьын щыӀэныгъэ иӀэ хъугъэ. Тхьэм ар ыгъэмысэщтэп, ау ар лӀэныгъэм ӀэкӀэкӀыжьи, щыӀэныгъэм ӀэкӀэхьагъ.

Исус ар щылъэу зелъэгъум, бэ шӀагъэу зэрэсымаджэр ешӀэти, еупчӀыгъ: – Ухъужьынэу уфая?

Тхьэм игущыӀэ тхыгъэхэм мыкӀодыжьын щыӀэныгъэ ахэжъугъотэн шъушӀошӀэу, лъэшэу шъуахэплъэ. Ахэр ары шыхьат къысфэхъухэрэр. Ау щытми, а щыӀэныгъэр шъуиӀэ хъуным пае, садэжь шъукъэкӀонэу шъуфаеп.

– Къэтэдж, уипӀуаблэ къашти, къэкӀухь, – риӀуагъ Исус. Исус ар къызэреӀоу, а лӀыр хъужьыгъэ. ИпӀуаблэ къыштэжьи, къыкӀухьагъ. Ар зыхъугъэр шэмбэт мэфагъ.

– Шъыпкъэ дэдэр шъосэӀо, – ариӀуагъ Исус ахэмэ, – ежь-ежьырэу Къо лъапӀэм зи ыгъэцэкӀэн ылъэкӀыщтэп; Ты лъапӀэм ыгъэцакӀэу ылъэгъурэм нэмыкӀ зи ыгъэцэкӀэн ылъэкӀыщтэп. Ты лъапӀэм сыд ыгъэцакӀэми, ы Къуи ар егъэцакӀэ.