Àwọn Ẹsẹ Bíbélì Tí Ọ̀pọ̀ Èèyàn Mọ Matthew 18

Pín

Tlīstluan ltha stung, ltha lth'ūnilth dī kēyi ā kwudungalth gwuda isistlo tlaou ishin ltha yākwusi ā isisang.

Houshen yenkien dalung ga lth shūḡung, hētk tligē gwau dalung shu stāhā ltha stung kin ga kīānungē an kwutungē swaunshungstlo, dī Aung shā isis ltha an istāshang.

Waigen nungihutsūs an āgang il aiyangang, waigen ltha yākwusiā lā il istaiang, Waigen hinū il shouan, kum kwutungē unga dalung stīlthtānstlo, waigen kum hīhudila kingān dalung ēlthānstlo, kum tliku shāgē kingdomgē gudalung istlā tlingē kāng gaanḡung.

Altsīilth kīstho anung hīhutsūs kingān kwutungē unga edasken laou shāgē kingdomgē gu ītlagida sitlthlīsang.

Waigen kīstho ā lth hīhudila swaun dī kēyi ā istasken, dī ishin il istāshang.

Yenkien dalung ga lth shūḡung, kin wautliwan hētk tligē gwau dalung kētsitāshang shā tligē gwau kētsgūwaushang: waigen hētk tligē gwau kin wautliwan hēsta dalung tlāadsang, shā tligē gwau hēsta adadāsang.

Dalung kwaialung kin dāunga dalung an istas kum kwutungē unga stāhā ga agung dalung kīskitānstlo: kingān dalung Aung shā isis dalung an istāshang.

Waigen kīstho ā lth hīhudila dī yetas swaun kwutungē kil stistlo, kwau kikōna il ẖēl addu ltha istiēū lā an lāgung, waigen tligēlthdīīnga ā il chātlādē ū lāḡung.

Kasino dalung kwudunḡung: nung ītlinga lamatoē lagwau klēlth daastlo, waigen nung swaunshung tligwan an kaiitstlo, kum gu klālē klāalthswansinḡu wok klāalthswansinḡu il tastlaang us? waigen kum gu lthdouwē ā il kaiitāng us nung gouan da il kānḡēanā?