Àwọn Ẹsẹ Bíbélì Tí Ọ̀pọ̀ Èèyàn Mọ Jowãw 4

Pín

Inxũ pê Pahpãm ata nee hĩa na ipa nare, ne quêt cupê Carõ Pejti ata, ne pjê cunea kam ipa. Na quê ha hanea ne cute me to amji kam hapac catêjê me carõ caxwỳn cunea to me to amji kampa, pjê cunea kam — hane. Mã cahãj ata te cumã harkwa to

Ne hamre, ramã pahte Pahpãm to amji kam me pajapac xà cunea pintuw. Na quê ha ita caxuw jũm ampeaj kam Pahpãm to amji kam hapac na, quê ha Pahpãam amji caxuw cumã cute to amji kam hapac xà to hahkre, mãr quê ha harkwa kôt to amji kampa. Hõhõ, cute me hajỹr catêjê ri Pahpãm amji mã me hapê, cute me to amji kam hapac xà caxuw.

Ne por wa ha jũm mã cô kwỳ, quê ha to ikõ ata, quê ha quêt nee hipêr cumã kôr nare. Ampo na? Quê ha jũm kam cô ata ipijapjêr rohnỳtti mã xà ata pê ihtĩar na ipa xà ata, na quê ha nee jũ caxuw ihtyc nare — hane.

Mã Jeju cumã: — Ca ate côjkwa kam Pahpãm te amã ampo jõr xà ata na hahkre pej na mã, ca ha ahna iwỳ. Ca ate ite cô na awỳr xà ata na ijahkre pej na mã, ca ha mehtĩr xà rohnỳtti mã xà jõ cô na iwỳ, por ca ha cô to ikõ ne atĩr rohnỳtti mã na apa xà ata na iwỳ — hane.

Mã Jeju te me ipar ne me imã: — Por Inxũ te ikujahêc ata te amji mã ampo kĩnti ata to wa cumãn to mõ, ne ata pê ri ihhêj rũm ijõ, wa to amji mã ijarte, mã itỳj. Ne wa ha itỳj cute imã ijàpên xà jõr ata to cumã ihkrã cura, cupêa ri ihhêj rũm ijõ.

Mã pyjê nõ ata cumã: — Amã cô jacjên xà hamreare, ne côhkre ita rya to iry. Ne mẽr jũ mã ca ha, ne mehtĩr rohnỳtti mã xà ita jõ cô ita kwỳ py, ne imã ihkwỳ?

— He imã, por jũm pê me pahpytàr catê japrỳ te Crixtô ata to Pahpãm te hũjahkre ata cator xà na imã hahkre pej. Ne quê ha cato, ne me pamã ampo cunea to hahkre partu ne — hajỹr. Mã Jeju te cumã amji jarẽn to: — He ipê jũm ata, ne ipê Crixtô, ne pa wa amã icakôc — hajỹr.

— Ajpên me mõ ne me hũmre nõ ita pupu, cute ite ampo ton xà atajê cunea na ijarẽn partu. Ne mõrmõ ajkĩ cupê, por pê Pahpãm Crixtô to awjahkre ata? — hajỹr.