Àwọn Ẹsẹ Bíbélì Tí Ọ̀pọ̀ Èèyàn Mọ Matíó 15

Pín

Mba, bɛtambá ɔbɛ́á bɛ́ ndɔ fáma ɔ munuə, bɛ́ húlə́kinə ɔ mɔlɛ́má, bɛɛ́ta bɛ́ ndɔ mɔndɔ tífílə. Ɔ taká, ɔ mɔlɛ́má nuúmə́ wɔ́ mɔndɔ á bɛfɛka bɛbɛ́á bɛ́ ndɔ húlínə, bɛɛ́ta bɛ́ ndɔ wɛɛ́ya lɔ́ma ɔ muɔnɔ́nɔ, ɔ nɛbambɛa, ɔ mɔnyɔ́kɔ́lɛ́, ɔ buíbi, ɔ imbóŋi yɛ bɛkanja na ɔ bɛkɔ́bálɛ́.

Tátá bɔɔ́la ɔbɔ́á mɔndɔ a ndɔ nɛ́á bɔ́ ndɔ wɛɛ́ya tífílə, mba yatɛ́ ɔyɛ́á yɛ́ ndɔ fáma ɔ ɔwáyɛ́ munuə, yɛ́ ndɔ wɛɛ́ya tífílə.»

“Yɛ́ɛyɛ ilúkunə yɛ́ ndɔ mɛaŋɔ́á bə́tiə na munuə; wə́búə́ mɔlɛ́má wɔ́ báka hata na mɛaŋɔ́á. Mə́búə́ manyáná má nibə́tiə má báka itə́mbí, bilə́líə́ ɔbɛ́á bá ndɔ bɛndɔ úkúniə, bɛ́ lɛa ɔbánɔ́ bɛkɛndɛ́ná bɛ́ bɛndɔ.”»

Nɔ́yɛ́, Yə́susu a sɛ́á: «Á wɔ́ɔwɔ muəndú, yáwɔ́á ilumininə yɛ́ lɛa yɛŋɛ́ŋa! Yɛ́ aŋɔ́á bɛ́kɛ́áká ɛ́sɛ́á ɔ ndɔ siə.» Ɔ umisíúmə́, wayɛ́á mɔná ɔ muəndú a ná niŋə.

Ata nɔ́yɛ́, wɛ́ɛ́yɛ́ muəndú a ná bɛ́nyálɛ́la, a ná kiníə́ á Yə́susu busíə́, a sɛ́á: «Á Isə́lúkú, tɔ́kɔ́lɛ, ɔ́lɔ́ mɛaŋɔ́á.» Yə́susu a sɛ́á: «Yɛ́ lɛ báá muɛsɛ ɔwá bá bɛ́labɔ́nɛ́á bɛ́ tɔlɔ́matɔ́ ɛ́tá, bá índíə́kínə ɔ tɔnámɔ́á.» Muəndú a sɛ́á: «Ɛ́ɛ! Á Isə́lúkú yɛ́ lɛa nɔ́yɛ́ taká, mba ɔ matá ma ɛtáka, tɔnámɔ́á tɔ́ ndɔ imbumbú nɛ́á ɔtɔ́á bíə́búə́ bisə́lúkú bɛ́ ndɔ kuəsiə.»