Àwọn Ẹsẹ Bíbélì Tí Ọ̀pọ̀ Èèyàn Mọ यूहन्ना 1

Pín

पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

सृष्टिया ते बौहत पैहले बचन था, कने बचन परमेशरा सौगी था, कने बचन इ परमेशर था।

लोक नीं चाहन्दे भई तिन्हांरियां बुराईयां सामणे आओ, ठीक तियां इ तियां जे अन्धकार बुराई, पर तियां जे अन्धकार ज्योतिया जो नीं दबाई सकदा तियां इ दुष्ट तिसरिया ज्योतिया ने भरीरे माहणुये जो परमेशरा री सच्चाई सामणे ल्यौणे ते नीं रोकी सकदा।

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

दुनियां री हर इक चीज़ परमेशरे तिसरे जरिये बणाई, कने येढ़ि कोई चीज नीं सै जे परमेशरे तिसते बगैर बणाई। ये सैई वचन आ तिने जे हरेक प्राणिये जो जीवन दित्या कने सै अहां पर परमेशरा रिया सच्चाईया जो तियां प्रगट कराँ जियां जे ज्योति अन्धकारा रियां चिज़ां जो प्रगट कराँ इ।

दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां।

यनिके सै, सै जे ज्योतिया साई आ संसारा ची था, कने संसार कने तिसरी हरेक चीज़ तिसरी ही बणाईरी, पर लोकें फेरी भीं तिस्सो नीं पछयाणया। सै अपणयां लोकां च आया काँह्भई तिन्हांजो तिने रचीरा था, पर तिन्हें बी तिस्सो ग्रहण नीं कित्या।

सच्ची ज्योति इस संसारा च औणे औल़ी थी सै जे हर इक माहणुये जो अपणे ज्ञाना च चमकांई।

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।