Àwọn Ẹsẹ Bíbélì Tí Ọ̀pọ̀ Èèyàn Mọ यहुन्ना 1

Pín

पर ज़ुणिऐ सेऊ अपणाऔ, तिउंकै तिणीऐ परमेश्‍वरा री सन्तान हुणै रौ हक्क दैऔ, तिउंकै भी ज़ुण तेस माथै विश्वास छ़ाड़ाई।

पुरै संसार चाणनै कु पैहलै वचन थौ, और वचन परमेश्‍वरा आइलै थौ, और वचन ई परमेश्‍वर थौ।

प्याशौ न्यारै दी च़ौमका आ, और न्यारै सेऊ नाईं इशाऔ।

और वचन आदमी बौणौ। बौड़ी दया और सौच़्च़ाई कु भरपूर हुईऔ आमु मांझ़िऐ वास कियौ, और आमुऐ तेसरी इणी महिमा देखी, ज़िणी बाबा रै एकलौतै री बौड़ाई।

परमेश्‍वरै सारौ कुछ़ तेसी कौरी चाणौ, ज़ो कुछ़ हुऔ आ तिऊं मांझ़िआ कु केज़ी भी च़िज़ै तेसरै बगैर नाईं हुई। सेऊ सारी ज़िन्दगी रौ मूल़ आ और सेऊ आ ज़ुण सारै लोगु लै प्याशौ दिआ आ।

दुजै दिनै तिणीऐ यीशु आपु भिलै आशदै देखीयौ बोलौ, “देखौ, एऊ परमेश्‍वरा रौ च़ेल़टु आ ज़ुण आपु बौल़ी हुइयौ धौतरी रै पाप उठाइयौ नियां सा।

सेऊ दुनिया दी थौ, पुरी दुनिया तेसी कु हुई, पर दुनिया रै लोगुऐ सेऊ नाईं रवावौ। सेऊ आपणै लोगु काऐ आशौ पर तेसरै आपणै लोगुऐ सेऊ नाईं अपणाऔ।

सौच़्च़ौ प्याशौ ज़ुण हर एक आदमी प्याशलौ कौरा सा, सेऊ दुनिया रै लोगु मांझ़िऐ पौगड़ौ हुणै वाल़ौ थौ

एथीलै कि नियम ता मुसा रै ई दैऔ ऐन्दै, पर परमेश्‍वरै बौड़ी दया और सौच़्च़ाई यीशु मसीह रै ज़ौरिऐ देखा ई।