Àwọn Ẹsẹ Bíbélì Tí Ọ̀pọ̀ Èèyàn Mọ Matiɔ̌n 7

Pín

È Jùsu kpɛɛa Ɔɔ win nya Ɔ je, “Bǎ gbàe Nyesoa dɛ wan, Ɔ mi ɛ a nyema. Bǎ pɔ̀nʼě Ɔ dɛ mɔ̀le, a mi ɛ jěba. Bǎ be Ɔ chnu je dɛɛ tè, Ɔ mi a je knama.

Mɛ̌oǒ joo nɛ̀ moo nyu wùɛ ɔ̈ gbɛ̀ɛ lee Nyesoa dɛ wan Ɔ mi ɛ ɔ̀ nyema. Nyu wùɛ ɔ̈ pɛ̀nʼɛ dɛ le klě Ɔ mɔ̀ ɔ mi ɛ jěba. Nyu wùɛ ɔ̈ mii Nyesoa chnu je beba dɛɛ tè Ɔ mi ɔ je knama.

È Jùsu kpɛɛa Ɔɔ win nya Ɔ je, “Nyu wùɛ ɔ̈ wɛ̌nʼɛ tèà Ě boɛɛ ɔ̈ mi nii le numa ɔ wǒ je tɔ̀n kɔn nyu ɔ̈ poa ɔɔ koǔ keǒ seɛ̌ nyakě blǒ kɛn.

Dɛ tɛ̀ɛ neǒo nɛ̀ moo a nu nyopò tùu kàan dɛ mǒ ɛɛ doǒ a jlɛ̌ bu nu amoo mǒ. Ii wùɛǒ nì bǎ ke ni, è Nyesoaa teteǎà nìǒ a tùiǒ bo klee Ɔɔ wnɔsàɔpo.”

Kɛɛ wlɔ̀ dɔwunʼǒ ɛ̈ miěe kmɔ̌ siee fònfnoo mɔ̀ ɛ kenkě le mɔ̀ plě ɛɛ snǔu mɔ̀ nena kma wan, mòngmɛ nyo sosǒ nù jě ɛmo snǔǒ.”

È kě Jùsu dɛ̌a u je klě dǎtèkpa wlòmo Ɔ je, “Bǎ ke kmɔ̌ neneɛɛ snǔ le pɛ̀n, a paeǒ wlɔ̀ dɔwunʼǒ kenkěe mɔ̀le jleě. Mɛ̌oǒ joo nɛ̀ moo wlɔ̀ dɔwunʼǒ ɛ̈ miěe gbè sùela mǒ ɛ boǎ le mɔ̀ plě ɛɛ snǔǒ ɛɛ mɔ̀ nena se wan kma, nyopò fòfoa nù kpɛ ɛmo snǔǒ.

È bɛ̌ nu amoà monoo dɛ kukǔ nu nyo bǎ ji kàan dɛ tae ba nye aa jlǔ, bɛ̌ nu nyu bɔ̌ gbà aa Gbeǐǒ neěe jɔkɛn wan dɛɛ tè, Ɔ ji kàan dɛ Bɔ nye ɔɔ no ɛ̌ sìnʼǒ a mǒ.

È kě Jùsu dɛ̌a u je de Ɔ je, “Aǎ jɛɛ nyopò tùu tè ɛ̈ di ɛɛ numa Nyesoa Ɔɔ̌ di a tè jɛɛ le ke. Ke kɔn doǒ a nii ǎ jɛɛ nyopò tùu tè, ɛɛ doǒ nɛ̀ Nyesoa miǒ jleě mǒ bo nynama ke Ɔ mǐ a tè jɛɛ le.

Kɛɛ nyu wùɛà ɔ̈ wɛ̌nʼɛ tèà Ě boɛɛ plě ɔ̈ se lii le numa mu ɔ wǒ je plɔɔ kokǒ nyu ɔ̈ poa ɔɔ koǔ keǒ mǐsiɔ̌ blǒ kɛn.

Mɛ kɔɔ̌n kɛ tè wɔtae gbeǒ ɛ̈ neěe nyu tɔ̀ɔ jǐ mǒ nè jleě neǒoǒ ɛ mɔ̀, kɛɛ tu peǎnʼǒ ɛ̈ mǎǒ nè chɛ̀ɛ jleě kɛn bo nè jěeě lɛ? È tà tu peǎn mǎ kɛǒ nèe jleě kɛn bo, ke tae wɔ̀le je bò nuǔ nyuǒ deda ɛ̈ moo, ‘Diě boǒ sà lěè wɔtaeǒ jǐ mǒ’?

È kě Jùsu dɛ̌a u je de Ɔ je, “A gbɛ̀ɛ sen le tmɔ̌ wnɔsàɔpo ü diě amoo mɔ̀ ü pee blakoɔ̌ kɛn, kɛɛ ü blěe chì wlò. È dɛ a mi nuu jbooba nɛ̀ moo uu nunu noǎ. Nyu wɔ̀le je bɔ mu kɛ lě chì klǒkwnaě tu ja bɔ chɛ̌n klèbobo loe? Deě nyu wɔ̀le je bɔ muě klě nena gbàku ja bɔ sà lě nyɛkɛ̌ɛ buo loe?

Ɛ se bò nu, kàan tu toe kàan bui, è tu kukǔ toe bui kukwǐ.

Kàan tu slě wɔ̀ bɛ to bui kukwǐ, dɛɛ doǒ nɛ̀ ɛ mono, tu kukǔ slě wɔ̀ bɛ to kàan buo.

Ii tè tuà ɛ̈ see kàan buo toba mu ɛ mi dbaeba ɛ mǐ tǎn poo lo.