Àwọn Ẹsẹ Bíbélì Tí Ọ̀pọ̀ Èèyàn Mọ Yohanes 1

Pín

Itithogon thogotdisukha meke re, it akhuni aperek nen, at ebe waganiluk nen, inetaiken at oba hakotdisukhama, Allah a'buri ebeat meke asuagaluk iterinakhikhe.

Ebekeram erlo baga nen, wene Ebe Wene welageikhe. Ebe Wene iti, Allah ipisagat dogolik, ebe Allah at.

Nit o mummo werekma liatninabi ageikhe meke yibarlek werekma, o mum iti nen, o lia etnogo damutdusak erlok dek nen yibarlegat welagarek.

Ebe Wene etnogo abat ageikhesik ninomat welagagu. Ninomat dogolik, at ebe iti Allah a'but irlagapi itago etnogo, hogorakharek meke ninileken hasugu o. At obabut hano nen, hanorogo hagatninakhik, wene ebe wene yoknisigik, hagakho motok werekma ninileken hasugu.

yi meke ti meke tha'bokhogonat Allah nen walhasikhe iti, at Ebe Wene nenat walhasikhe. At ebe dek dogolepma, opakiat ageikhe walhelep degat o. Ninilugutninakherek meke erlo arat welagarek iti nen, nit akhuni liatninabi ageikhe.

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

At nenat pogot agat walhasikhe meke re, at ebe agat oba yoma wageikhesik werekma, it akhuni agat oba meke yoma nen, at ebe hutdigidek welagoukha. At ekaerek ailaat wageikhe meke re, at oe agot nen ebe waganhidek thogotdisukha.

At lia ebe meke iti, agat oba yoma waga dogolik, nit akhuni tha'bokhogonat ninebe dopok liatninabi ageikhe.

Wene Allah nen ninasuk wakhikhe wene etnogo yakulnisoagaluk, alebat Musa la'i ageikhemo, yakulnisasikhe meke re, Allah obabut hano nen hanotninakhik, ebe wene yakulnisigik, hagasuagaluk, Yesus Kristus la'i ageikhemo yakulnisa ageikhe iti o.