Àwọn Ẹsẹ Bíbélì Tí Ọ̀pọ̀ Èèyàn Mọ यूहन्ना 12

Pín

जे कोई मेरी सेवा करणा चां, तां सैह़ मेरा चेला बणैं; कने जित्थु मैं ऐ, तित्थु मेरा चेला भी हुंगा। जे कोई मेरी सेवा करैं, तां पिता तिसदा आदर करगा।

जेह्ड़ा अपणे प्राणा जो प्यारा जाणदा ऐ, सैह़ तिन्हां जो गुआई दिंदा ऐ; कने जेह्ड़ा इस संसारे च अपणे प्राणा जो प्यारा नीं जाणदा ऐ, सैह़ सदा दी ज़िन्दगी तांई तिसदी रखवाल़ी करगा।

मैं तुहां नैं सच्च-सच्च ग्लांदा ऐ, कि जाह़लू तिकर कणका दा दाणा जमीना च पेई नैं मरी नीं जांदा, ताह़लू तिकर इक्क ई रैंह्दा ऐ। अपर जाह़लू मरी जांदा ऐ, तां मते दाणेयां जो पैदा करदा ऐ, तिंआं ई मिन्जो सौगी भी हुंगा।

मैं संसारे च जोत्ती बणी नैं आया ऐ, तांजे जेह्ड़ा कोई मिन्जो पर बसुआस करैं सैह़ नेहरे च नीं रैंह्।

जे कोई मेरे वचनां जो सुणी नैं नीं मने, तां मैं तिसियो अपराधी नीं ठैहरांदा; क्जोकि मैं संसारे जो अपराधी ठैहराणे तांई नीं, अपर संसारे दे लोकां दा उद्धार करणे तांई आया ऐ।

ताह़लू मरियमा जटामानसिया दा लगभग अधा लीटर कीमती खुसबुदार इत्तर लेई नैं यीशुये दे पैरां पर मल़ेया, कने अपणे बाल़ां नैं तिसदे पैर पुंज्जे, कने इत्तरे दिया खुसबुया नैं सारा घर खुसबुदार होई गेआ।

इसतांई तिन्हां खजूरे दियां डाल़िआं लियां कने तिस नैं मिलणा चली पै, कने जोरे नैं ग्लाणा लग्गे, “परमात्मे दी स्तुति करा जेह्ड़ा सुअर्गे च ऐ। धन ऐ इस्राएले दा राजा, जेह्ड़ा प्रभु दे नांऐ ते ओआ दा ऐ।”

इसा गल्ला पर यीशुयैं तिन्हां नैं ग्लाया, सैह़ बग्त आई गेआ ऐ, कि माणुये दे पुत्तरे दी महिमा होयैं।