Àwọn Ẹsẹ Bíbélì Tí Ọ̀pọ̀ Èèyàn Mọ लूका 13

Pín

“तुहां परमात्मे दे राज्जे च संगड़े दरवाजे ते अंदर जाणे दी कोसस करा, क्जोकि मैं तुहां नैं सच्च ग्लांदा ऐ, कि मते अंदर जाणा तां चांह़गे, कने सैह़ अंदर नीं जाई सकगे।

तित्थु इक्क जणांस थी जिसा जो ठारा साल ते इक्क अपंग करणे आल़ी बुरी आत्मा चिमड़ियो थी, कने सैह़ कुबड़ी होई गियो थी, कने कुस भी तरीके नैं सिध्धी नीं होई सकदी थी। यीशुयैं तिसा जो सद्देया कने ग्लाया, “हे नारी, तू अपणिया इसा बमारिया ते छुटी गेई ऐ।”

ताह़लू यीशुयैं तिसा पर अपणा हत्थ रखेया, कने इकदम सिध्धी होई गेई, कने परमात्मे दी महिमा करणा लग्गी।

कने दिक्खा, जेह्ड़े इस संसारे च अपणे आप्पे जो म्हान समझदे हन, सैह़ परमात्मे दिया नजरा च नीच हुंगे; कने जिन्हां जो संसारे दे लोक नीच समझदे हन, सैह़ परमात्मे दिया नजरा च म्हान हुंगे।”

जाह़लू परमात्मा जेह्ड़ा घरे दा मालक ऐ, उठी नैं दरवाजे बंद करी दैं, कने तुहां बाहर खड़ोई करी रोंदे पीटदे दरवाजे खोलणे जो ग्लान, ‘हे प्रभु, अहां तांई दरवाजे खोली देआ,’ कने सैह़ जवाब दिंगा, मैं तुहां जो नीं जाणदा, तुहां कुत्थू दे हन?

मैं तुहां नैं ग्लांदा ऐ कि नीं; अपर जे तुहां मने नीं बदलगे तां तुहां सारे ई इस तरीके नैं नास हुंगे।

अपर सैह़ ग्लांगा, मैं तुहां नैं ग्लांदा ऐ, ‘मैं नीं जाणदा तुहां कुत्थू ते हन। हे बुरे कम्मां करणे आल़ेयो, तुहां सारे मिन्जो ते दूर हन।’

भिरी यीशुयैं इक्क होर उदारण देई नैं ग्लाया, “परमात्मे दा राज्ज कुस साइआं ऐ? कने मैं तिसदी तुलणा कुस नैं करैं? सैह़ राईया दे इक्की दाणे साइआं ऐ, जिसियो माणुयैं लेई करी अपणे बागे च बाया, कने सैह़ बधी करी रूख बणी गेआ; कने अम्बरे दे पंछियां तिसदियां डाल़िआं पर बसेरा कित्ता।”