Àwọn Ẹsẹ Bíbélì Tí Ọ̀pọ̀ Èèyàn Mọ Romanɛ 8

Pín

Bunyi nɛ kɛka nyia ka mɛɛ ɔsɛ, Owusoso Akaa abhɛtɛ ɛlɛ kidzi kɛgbangbã ɔkɔ bagɛ adɛmɛ nɛ yɛ, bagɛ alɛ yɛekulu nɛ yɛtɛtɔtɔɖɔ ɔluɔ.

Ɔmɔsɛ ɛyɛkɛŋã ɔsɛ, onu butsí tsyɛo alo ɛkpã, akaa axɔ̃ɛdɛ alo ɛfɔfuĩa zizĩ, kibe ɛlɛ alo kɛgɛ babaa, alo ihumi, ɔɖaɖama ɔkɔ alo odzudzukɔ alo kɛka nyia ka idi nɛ kanɔ alɛ pete mɛɛ, tɛ balà ebhui ulɔ ɔtɛ nɛ Owusoso Akaa tɛdɛdɛ mɛ nɔ gɛ akɔ bɔmɔ odenɔ bɔlɔ Apalete Kristo Yesu mɛ shu.

Kidzo ɛlɛ nabha ke Ɔfɔfuĩa nɔ ɔplɛnɔ ɔlɔ nɛ ɔlɔ tibobotsò mɛ. Butinyi kɛgɛ bɔbaɖɔ nɛ Owusoso Akaa tikukulu mɛ, pɔ Ɔfɔfuĩa nɔ ɔyɛkɛ ebuiɛ nɛ ɔlɔ lu nɛ tininimi gele gɛ olugbũ ɔtɛ bɔlà ɔɖɔɔ mɛ.

Kiɖuwoe bɔbaɖɔ otsiɛ tɛ bɔlɔkɔ bu kibui ɛlɛ nulũ nɔ? Onupɛ Owusoso Akaa enu ɔlɔ ayɛɛ, afana gɛ abalà alɔɛtití nɛ ɔlɔ shu?

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ

Kɛgɛinu ebui kpaelete yɛtɛtɔtɔɖɔɔ, kɛmana butsí, pɔ ekpeɖekpeɖeɛ gɛ Ɔfɔfuĩa nɔ lɔgbana xɔnɔ lonu ɛkpã nɛ̀ ishu yɔyɔ

Ao, nɛ alɛ pete mɛɛ, bɔŋã abha ɔdɛ tɛɖɔɖɔ ɔgana Kristo gɛ adɛmɛ nɛ bɔlɔɔ nabha.

Nɛ mɛɔdɔ̃ mɔmɔ lũɔ, kibe ɛlɛ ɔtɔ tinu kɛdɔ̃ gɛ babalà alɔkɔ ashɔnɔ ishu dadalɛ gɛ bebebu akasɛ nɛ ɔlɔ mɛɛ.

Afana gɛ ebebhui tɛdɛdɛmɛ nɔ gɛlɛ bɔlɔ nɛ̀ Kristo ishi? Kɛba dzi bɔtɔ alo banɔ buluhũ kpɛkpɛ alo banɔ edetɔtɔ nɔ alo bɔbhɛ alo kɛdɔ̃ makpɛ makpɛ alo kifu ibui alo bɛtɛ̀ɛ dza?

Owusoso Akaa gɛ amɔ pɛ enyi bɔlɔ etúɔ mɛɛ, enyi Ɔfɔfuĩa nɔ ekpeɖekpeɖe mɛ, ɔmɔsɛ Ɔfɔfuĩa nɔ ɔyɛkɛ ebui nɛ banɔ dadalɛ nulũ, nɛ Owusoso Akaa tɛpɛpɛ ulũ.

ɔmɔsɛ bagɛ Owusoso Akaa Ɔfɔfuĩa nɔ ɔgbanaa, Owusoso Akaa yɛeyi alɛ benu

Bagɛ bazã nɛ ɛkpã asɛ kanɔ alɛ mɛanɔ anaa, balɛ ekpeɖekpeɖeɛ alɛ kanɔ nɔ̀ mɛ ebui tɛdɛdɛ mɛ nɔ shu, pɔ bagɛ balɛ nɛ ɛkpã nɛ Ɔfɔfuĩa nɔ tɛpɛpɛ ulũɔ, balɛ ekpeɖekpeɖeɛ alɛ kɛgɛ Ɔfɔfuĩa nɔ ɔdɛ mɛ nɔ shu.

Owusoso Akaa alɛ gɛ agɛkɔ ɛtakpu asɛ atɛ ashɛnɛ ahɔɛ nɛ Yɛeyiɛ shu, pɔ ashɛnɛ ahɔɛ nɛ yɛishu akɔ ɔlɔ petee nɔ, kiɖeso pɛ atɛ alɔkɔ bɔdɔ̃ pete tsyɛ aplɛnɔ akɔ ɔlɔ nɛ̀ sameɛ dza?

Ɔfɔfuĩa nɔ ɔbhɛtɛ tenikpo nɛ̀ bɔlɔ ɔyɛ, pɛ lɔdalɛ bɔlɔ ishu ɔsɛ Owusoso Akaa yɛeyi alɛ bunu. Kliso onupɛ yɛeyi alɛ bunuɔ, kɛlɛ budzi kaŋãsiɛelete-Owusoso Akaa kaŋãsiɛelete ɔplɛnɔ Kristo. Kɛmɔ̀ gɛ bɔmɔ̀ ɔtɔ ɔplɛnɔ Kristoɔ, kidzo ɛlɛ nabha babakpɛ bɔlɔ tsyɛ nɛ kitití ɔmɔ asɛ yɛ ana.

ebui kpa bhɛbhɛtɛ ekpeɖekpeɖe enu kitití lɔlɔ nɛ Owusoso Akaa shu. Atɛ bhɛtɛ Owusoso Akaa ɔsha nabha, kɛlɛ atɛ balà abhɛtɛ tsyɛ.

Kanɔ mɛ bɔdɔ̃ bhɛbhɛtɛ pete epo nɛ̀ awuhũ dzadzã ɔkɔ Owusoso Akaa yɛeyi alɛ tibubu kasɛ.

Nɛ kibe ɛlɛ mɛɛ, bunyi sɛ kanɔ mɛ bɔdɔ̃ petee nimi asɛ kɛtã gɛ ɛya tã ayamunɔ ana ɔlɔkɔ mana oboewui nabha.