Àwọn Ẹsẹ Bíbélì Tí Ọ̀pọ̀ Èèyàn Mọ Məfaʼə 2

Pín

Pita a kwěe ńgə́, “Fɛ́d nə́ á mə́m təpɔŋ əwɨ ńkwúblə məntɨ́ mɨ́ tsɔʼə pɨ pətsəm ńkwá nkǐ nə́ əlɛ́n Yeso klisto ńjî ńgə́ pə́ ləgnə̂ pətəpɔŋ pə́ənə́, nə́ tíʼ ńkwáalə Ajwǐəsê páʼ a lǒo nə́ á mbô Əsê.

Pó nə fɛ̂ ndɛd əzoobə́ á mə́ zéʼ nə́ á mbô məntú mə́ pó po kə̈ faʼə̂ mənu nə́ apô mɔʼə́ á mə́m nkyeetə ńkə́ ńtûə ńnoolə̂ ńjîə məjî ńchaʼtə́sê.

Ajwǐəsê a lwɛ́nkə ághɔ́b tsɔʼə pó pətsəm pó tíʼ ńchúʼə á mə́ tsáb nə́ nə́ ətsáb ətú pipə́ ndaʼ ndzaŋ páʼ Ajwǐəsê á nə ńgɛd nə́ ńgə́ pó tséebə.

Ńgabkə̂ ńdzóʼə ajûtsə́ a zoolə̂, ə́fɛ́lə á nəpóolə ándó ntɨ sə́mə a tə́ nə́ ńkɔ́ʼə lə̂, ńkwú ńdwɛ́nkə ndɛ̂ páʼ pó nə ńnáanə ə́wɨ́ lə́ tsɔʼə ntsəmə. Əpú pətsɨ́ ə́ ghabkə̂ ə́fɛ́lə mbi pó ándó əlɨ́ móg lə̂ ńtíʼ ńgabtə̂ ńtə́əmə á ndu pó táʼ táʼə. Ajwǐəsê a lwɛ́nkə ághɔ́b tsɔʼə pó pətsəm pó tíʼ ńchúʼə á mə́ tsáb nə́ nə́ ətsáb ətú pipə́ ndaʼ ndzaŋ páʼ Ajwǐəsê á nə ńgɛd nə́ ńgə́ pó tséebə.

Əlě ətsəm pó noolə̂ ńjwánə a Tə́kɔʼndɛ̂sê, ńnoolə̂ ńjîə məjîə á məláʼ pó, ńjîə nə́ akɔŋtə nə́ táʼə apímnə Ŋ́ŋáŋkə Əsê, ńdzóʼ əshîʼnə nə́ əpú pi əshîʼnə páʼ ə́ fɛ́d nə́ á mbô pó pətsəmə. Əlě ətsəm lə́, Mmaʼmbîə a peg pɨ páʼ pó chwád nə́ á mə́m nkyeetə əzoobə́.

Əsê a sóŋ ńgə́, “Lɛ̌ mənu páʼ maŋ yǐ nə́ ghɛd nə́ ndwegtə əlěmbîə.” Maŋ yǒ kwɛlə̂ Ajwiə mə a ndu ŋwu ntsəmə. Pɔ́ pɨ́ pipə́ mbyâŋnə pópə pipə́ pəngyě pó yǒ ə́sóŋə anu páʼ Əsê ä sóŋ nə́ nə́ pó á mbô pəənə́. Nkaŋŋwu əjɨ́ pó yǒ lê ndzəəmə atəəmə́tə́əmə, pəlɛn pə́ pɨ pɨ́ pó kə́ ńdê məndzəəmə.

Ŋwu ntsəm páʼ a nə ḿbí nə́ ńdzoŋ ndzəm Yeso po nə̈ ńtsɛntə̂ nəkaʼə́, əpú əpɔ́b ə́ pə́ táʼə. Pó finə̂ apeʼə azɔ́b pópə əliʼ ndəsê əpɔ́b ńgabtə̂ nkéebə a tətɨ pó ndzoŋ ndzaŋ páʼ ŋwu ntsəmə a nə̈ túg nə́ anu

Ŋwu ntsəm ntsəm páʼ a fóŋ nə́ əlɛ́n Mmaʼmbî a yǒ chwáalə.

Mə́numə á yǒ sɛdnə̂ ə́sɛ́nə ándó túʼə, sáŋə á sɛdnə̂ ḿbaŋə̂ ándó achǐə, záʼ alě Mmaʼmbî zə̂ a pɔŋə̂ yǐəə, chigə tə́kɔʼə alě nəgháʼ əyǐ wə́.