Àwọn Ẹsẹ Bíbélì Tí Ọ̀pọ̀ Èèyàn Mọ Jɔnə 16

Pín

Maŋ pɛ́dtə ə́sóŋə anu zəənə́ á mbô pɨ ńgə́ nə́ chî nə́ mbwɔ́dnə ndzaŋə ándó pɨ pádnə nə́ maŋ lə́. Mbî yǒ ghɛd nə́ zɨ́ ngə́ʼə, lə́ tɨ́ nə́ ńtyantə̂ ńté ńgə́ maŋ pɛ́dtə ńtsɛ mbî ntsəmə.”

Əghâ ándó Ajwiə ndə̌ŋdəŋ á yǐ nə́ yǐ lə́, a yǐ ghɛd nə́ jîə ndə̌ŋdəŋ mənu ntsəmə. A yǐ kě pɨ pɛlə tséebə lə́ nə́ mətɨ mí pô, lə́ a yǐ tséebə lə́ anu páʼ a zóʼ nə́. A yǐ fiʼtə̂ áwɨ́ nə́ mənu mətsəm mə́ chî nə́ á mə́ yǐ nə́.

Tə́ koʼ nə́ pə́ əghâ nə́ nə́ mǎ ḿbɛ́d tə ḿbítə ajú yətsə́ nə́ əlɛ́nə mə, təmbɔʼ nə́ pítə tə ḿbə́ pɨ yǐ kwáalə, ńjî ńgə́ akɔŋtə azə́ənə́ á lwɛ́nkə.

Lə́ maŋ fiʼtə̂ áwɨ́ lə́ nə́ ndə̌ŋdəŋ ńgə́, á yǐ pɔŋə̂ á mbô pɨ ńgə́ maŋ ghɛnə̂ mə, ńté ńgə́ mbɔʼ maŋ chî ghɛn pô, Nkwáalə a yǐ kě á mbô pɨ yǐ pô, lə́ təmbɔʼ maŋ ghɛnə̂, maŋ yǐ ńtúmə a yə́ á mbô pəənə́. Lə́ əghâ páʼ a yǐ nə́ yǐ, a yǐ nɨd pɨ pə́ mbî ńgə́ anu pó kwaŋ nə́ ńté təpɔŋ, pó mətɨ nə́ ndə̌ŋdəŋ ḿbɨ́ ḿbə́ nə́ ndzaŋ əsê á yǒ nə́ sáʼ əsáʼ pəənə á ndu mbî ghɛn, əkwaŋ pipə wɨ́ kě koʼnə̂ pô.

Lə́ pɨ, pɨ kə́ nə́ ńchîə á mə́mə afɨnə əghâ nə́, maŋ yǐ pɨ zə́ənə áwɨ́ nə́ tíʼə ńkɔŋtə̂, ŋwu tsə́ aláʼ ńkě akɔŋnə azə́ənə́ á mbô pɨ kwá pô.” Alě yi ə́wə́ a láʼ koʼ lə́ nə́ kě ajûtsə́ á mbô maŋ pítə pô. Lə́ ndə̌ŋdəŋ maŋ fiʼtə̂ nə́ áwɨ́ ńgə́, “Tǎ yǐ fɛ̂ ajúmə atsəm á mbô pɨ páʼ pɨ pítə nə́ nə́ əlɛ́nə mə.

Lə́ ndə̌ŋdəŋ maŋ fiʼtə̂ nə́ áwɨ́ ńgə́: nə́ yǒ kyéŋ tə ḿmɨ́ʼə, lə́ mbî pə́ ńtə́ ńkɔŋtə̂. Nə́ yǒ chîə á mə́m afɨnə lə́ afɨnə azə́ənə́ á tíʼ sɛdnə̂ ḿbə́ akɔŋnə.